ഹരാരെ : ടി20 ലോകകപ്പിലെ മിന്നും ജയത്തിന് പിന്നാലെ ഇന്ത്യ സിംബാബ്‌വെ ടി20 പരമ്പരയിലെ ആദ്യ മത്സരത്തില്‍ ഇന്ത്യക്ക് അമ്പരപ്പിക്കുന്ന തോല്‍വി. 13 റണ്‍സിനാണ് ഇന്ത്യ വീണത്. ടി20യില്‍ ഈ വര്‍ഷം ഇന്ത്യ നേരിടുന്ന ആദ്യ തോല്‍വിയാണിത്. സിംബാബ്‌വെ ഉയര്‍ത്തിയ 116 റണ്‍സ് വിജയലക്ഷ്യത്തിനായി ക്രീസിലിറങ്ങിയ ഇന്ത്യ 19.5 ഓവറില്‍ 102 റണ്‍സിന് ഓള്‍ ഔട്ടായി.
ക്യാപ്റ്റന്‍ ശുഭ്‌മാന്‍ ഗില്‍ ഇന്ത്യയ്ക്ക് വേണ്ടി 31 റണ്‍സെടുത്തപ്പോള്‍ വാഷിങ്‌ടണ്‍ സുന്ദര്‍ 29 റണ്‍സ് നേടി. ടീമിലെ മറ്റാര്‍ക്കും മികവ് പുറത്തെടുക്കാനായില്ല.