ന്യൂഡൽഹി:ഇംഗ്ലണ്ടിനെതിരായ ടി20 പരമ്പരയ്ക്കുള്ള ഇന്ത്യന്‍ സ്‌ക്വാഡിനെ പ്രഖ്യാപിച്ച് ബിസിസിഐ. സൂര്യകുമാര്‍ യാദവ് നയിക്കുന്ന ടീമില്‍ സഞ്ജു സാംസണും അഭിഷേക് ശര്‍മയും ഓപ്പണര്‍മാരായി സ്ഥാനം പിടിച്ചു. ഫെബ്രുവരി 22 മുതൽ അഞ്ച് ടി20 മത്സരങ്ങളുടെ പരമ്പര നടക്കും. മുഹമ്മദ് ഷമി ഇടവേളക്ക് ശേഷം ടീമിലേക്ക് തിരിച്ചെത്തി. അതേസമയം സ്റ്റാർ ഓൾറൗണ്ടർ ഹാർദിക് പാണ്ഡ്യയിൽ നിന്ന് ടീം ഇന്ത്യയുടെ വൈസ് ക്യാപ്റ്റൻ സ്ഥാനം അക്സർ പട്ടേലിന് നല്‍കി.
സൂര്യകുമാർ യാദവിനെ ടി20 ക്യാപ്റ്റനാക്കും മുമ്പ് ഇന്ത്യൻ ടീമിന്‍റെ ടി20 ക്യാപ്റ്റനായിരുന്നു ഹാർദിക്. 2024ലെ ടി20 ലോകകപ്പിന് മുമ്പ് ഹാർദിക് നായകനായിരുന്നു. 2024 ലോകകപ്പിലും താരം നായകനാകുമെന്ന് പ്രതീക്ഷിച്ചിരുന്നു, എന്നാൽ പെട്ടെന്ന് രോഹിതിനെ ക്യാപ്‌റ്റനാക്കുകയായിരുന്നു. പിന്നാലെ ദക്ഷിണാഫ്രിക്കയെ തോൽപ്പിച്ച് ഇന്ത്യ ടി20 ലോകകപ്പ് 2024 കിരീടം സ്വന്തമാക്കി.
ETV Bharat Kerala WhatsApp ചാനലിൽ ചേരാൻ ഈ ലിങ്കിൽ ക്ലിക്ക് ചെയ്യുക.
ഹാർദിക് പാണ്ഡ്യയെ ആദ്യം ക്യാപ്റ്റൻ സ്ഥാനത്തുനിന്നും ഇപ്പോൾ വൈസ് ക്യാപ്റ്റൻ സ്ഥാനത്തുനിന്നും നീക്കുകയായിരുന്നു. പാണ്ഡ്യയ്ക്ക് പരിക്കേൽക്കുന്നത് പതിവാണെന്നാണ് ബിസിസിഐയും സെലക്ടർമാരും പറയുന്നത്. പല സുപ്രധാന അവസരങ്ങളിലും താരം പൊരുത്തപ്പെടുന്നില്ല.
ഒരു ക്യാപ്റ്റൻ എപ്പോഴും ടീമിനൊപ്പം ഉണ്ടായിരിക്കണം, എന്നാൽ പരിക്കും ശാരീരികക്ഷമതയും കാരണം ഹാർദിക്ക് മത്സരങ്ങൾ നഷ്ടപ്പെടുത്തുന്നു. ഇത്തരമൊരു സാഹചര്യത്തിൽ ക്യാപ്റ്റൻ സ്ഥാനത്തേക്കുള്ള മികച്ച തിരഞ്ഞെടുപ്പാണ് സൂര്യയുടേത്.
കൂടാതെ കളിക്കളത്തിലെ കോപാകുലനായ മനോഭാവത്തിനും ആക്രമണാത്മക ശൈലിക്കും പേരുകേട്ടയാളാണ് ഹാർദിക്. ചിലപ്പോഴൊക്കെ യുവതാരങ്ങളെയും സീനിയർ കളിക്കാരെയും അധിക്ഷേപിക്കാറുണ്ട്. സ്റ്റംപ് മൈക്കിലൂടെ മൈതാനത്ത് സഹതാരങ്ങളെ അധിക്ഷേപിക്കുന്നതും പലതവണ കണ്ടിട്ടുണ്ട്. ഇതിനുപുറമെ പാണ്ഡ്യ തന്‍റെ വ്യക്തിപരവും തൊഴിൽപരവുമായ ജീവിതവും കളിക്കളത്തിലും കളിക്കിടയിലും ഇടകലര്‍ത്തിയിരുന്നു. ഇതേതുടര്‍ന്നാണ് വൈസ് ക്യാപ്റ്റൻ സ്ഥാനം താരത്തില്‍ നിന്ന് എടുത്തുകളഞ്ഞത്.
ഇംഗ്ലണ്ടിനെതിരായ ടി20 പരമ്പരയ്ക്കുള്ള ഇന്ത്യൻ ടീം:
സൂര്യകുമാർ യാദവ് (ക്യാപ്റ്റൻ), സഞ്ജു സാംസൺ (വിക്കറ്റ് കീപ്പർ), അഭിഷേക് ശർമ, തിലക് വർമ, ഹാർദിക് പാണ്ഡ്യ, റിങ്കു സിങ്, നിതീഷ് കുമാർ റെഡ്ഡി, അക്സർ പട്ടേൽ (വൈസ് ക്യാപ്റ്റൻ), ഹർഷിത് റാണ , അർഷ്‌ദീപ് സിങ്, മുഹമ്മദ് ഷമി, വരുൺ ചക്രവർത്തി, രവി ബിഷ്‌നോയ്, വാഷിങ്‌ടണ്‍ സുന്ദർ, ധ്രുവ് ജുറെൽ (വിക്കറ്റ് കീപ്പർ).
Also Read:അയര്‍ലന്‍ഡിനെതിരായ ഇന്ത്യന്‍ വനിതകളുടെ രണ്ടാം ഏകദിന പോരാട്ടം ഇന്ന് - IND W VS IRE W 2ND ODI
