സാന്‍ഫ്രാന്‍സിസ്‌കോ: പാകിസ്ഥാനിലെ സൈനിക കോടതി 25 സാധാരണക്കാരെ ശിക്ഷിച്ചതില്‍ ആശങ്ക രേഖപ്പെടുത്തി അമേരിക്ക. നീതിന്യായ സ്വാതന്ത്ര്യവും സുതാര്യതയും നടപടിക്രമങ്ങളും അവര്‍ പാലിക്കുന്നില്ലെന്നും അമേരിക്ക കുറ്റപ്പെടുത്തി. 2023 മെയിലെ പ്രതിഷേധങ്ങളുമായി ബന്ധപ്പെട്ടാണ് പാക് പൗരന്‍മാരെ സൈനിക കോടതി ശിക്ഷിച്ചത്. സൈനിക കോടതികളില്‍ നീതിന്യായ സ്വാതന്ത്ര്യവും സുതാര്യതയും നടപടിക്രമങ്ങള്‍ പാലിക്കലും നടക്കുന്നില്ലെന്ന് അമേരിക്കന്‍ വിദേശകാര്യമന്ത്രാലയ വക്താവ് മാത്യു മില്ലര്‍ ചൂണ്ടിക്കാട്ടി.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
പാക് ഭരണ ഘടന നിഷ്‌കര്‍ഷിക്കുന്ന വിചാരണ നടപടിക്രമങ്ങള്‍ പാലിക്കണമെന്ന് അമേരിക്ക പാകിസ്ഥാനോട് ആവര്‍ത്തിച്ച് ആവശ്യപ്പെട്ടു. നടപടികള്‍ പാലിച്ച് കൊണ്ട് വിചാരണ നടത്തണമെന്നും അമേരിക്ക പറഞ്ഞു. ഇത് തികച്ചും ദുര്‍ബലമാണെന്ന് നിയുക്ത പ്രസിഡന്‍റ് ഡൊണാള്‍ഡ് ട്രംപിന്‍റെ വിശ്വസ്‌തനും, നേരത്തെ പ്രസിഡന്‍റായിരുന്നപ്പോള്‍ അദ്ദേഹത്തിന്‍റെ ദേശീയ ഇന്‍റലിജന്‍സ് മേധാവിയും ആയിരുന്ന റിച്ചാര്‍ഡ് ഗ്രെനെല്‍ പറഞ്ഞു.