2024 അവസാനത്തിലേക്ക് എത്തുമ്പോള്‍ സമൂഹമാധ്യമങ്ങളിലും സംഗീത പ്രേമികള്‍ക്കിടയിലും നിറഞ്ഞു നിന്ന ഒത്തിരി മലയാള ഗാനങ്ങളുണ്ട്. മലയാളവും, തമിഴും ഹിന്ദിയും തെലുഗുവും തുടങ്ങി വിവിധ ഭാഷകളില്‍ നിന്ന് നിരവധി ഗാനങ്ങള്‍ പുറത്തിറങ്ങിയിട്ടുണ്ടെങ്കിലും മലയാളികളുടെ ചുണ്ടുകളില്‍ നിന്നും കാതുകളില്‍ നിന്നും അത്ര പെട്ടെന്നൊന്നും അകന്നു പോകാത്ത നിരവധി ഗാനങ്ങളുണ്ട്. ഭാഷാഭേദമന്യേ പാടികൊണ്ടു നടന്ന ഇല്യുമിനാറ്റി മുതല്‍ ഏയ് ബനാനെ വരെ ഇക്കൂട്ടത്തില്‍ ഉണ്ട്. സോഷ്യല്‍ മീഡിയയില്‍ ട്രെന്‍ഡിങ് ലിസ്‌റ്റില്‍ ഇടം പിടിച്ച 10 ഗാനങ്ങള്‍ ഇവയാണ്.
1. ഇല്യുമിനാറ്റി
ഫഹദ് ഫാസില്‍ നായക വേഷത്തില്‍ എത്തിയ ആവേശം എന്ന ചിത്രത്തിലെ ഗാനമാണ് ഇല്യുമിനാറ്റി. ഈ വര്‍ഷം ഗൂഗിളില്‍ ഏറ്റവും കൂടുതല്‍ ആളുകള്‍ തിരഞ്ഞ പത്ത് പാട്ടുകളില്‍ ഒന്ന്. ഭാഷാഭേദമില്ലാതായാണ് ഈ ഗാനം ആളുകള്‍ ഏറ്റെടുത്തത്. വിനായക് ശശികുമാറിന്‍റെ വരികള്‍ക്ക് സുഷിന്‍ ശ്യാം സംഗീതം പകര്‍ന്ന ഗാനമാണിത്. യൂട്യൂബില്‍ മാത്രം 237 മില്യണ്‍ വ്യൂസ് ആണ് ഈ ഗാനത്തിനുള്ളത്.
2.അര്‍മാദം
ആവേശം എന്ന ചിത്രത്തിലെ മറ്റൊരു ഗാനമാണിത്. വിനായക് ശശികുമാറിന്‍റെ വരികള്‍ക്ക് സുഷിന്‍ ശ്യാം സംഗീതം നല്‍കി പ്രണവം ശശി ആലപിച്ച ഗാനമാണിത്. 81 മില്യണ്‍ ആളുകളാണ് ഈ ഗാനം കണ്ടിട്ടുള്ളത്.
3.ഏയ് ബനാനേ
വാഴ എന്ന ചിത്രത്തില്‍ വിനായക് ശശി കുമാറിന്‍റെ വരികള്‍ക്ക് ഇലക്‌ടോണിക് കിളി എന്നറിയപ്പെടുന്ന ജോഫിന്‍ ആണ് സംഗീതം പകര്‍ന്നിരിക്കുന്നത്. 36 മില്യാണ്‍ കാഴ്‌ചക്കാരാണ് ഈ ഗാനത്തിനുള്ളത്.
4.അങ്ങ് വാന കോണില്
ടൊവിനോ തോമസ് ട്രിപ്പിള്‍ റോളിലെത്തിയ ചിത്രം എ ആര്‍ എമ്മിലെ ഗാനമാണിത്. മനു മന്‍ജിത്തിന്‍റെ വരികള്‍ക്ക് ദിബു നൈനാന്‍ തോമസ് സംഗീതം നല്‍കിയ ഈ ഗാനം വൈക്കം വിജയലക്ഷ്‌മിയാണ് ആലപിച്ചിരിക്കുന്നത്. 34 മില്യണ്‍ കാഴ്‌ചക്കാരാണ് ഇതിനോടകം ഈ ഗാനം കണ്ടത്.
5.വട്ടേപ്പം
വൈശാഖ് സുഗുണന്‍റെ വരികള്‍ക്ക് ബിബിന്‍ അശോക് സംഗീതം നല്‍കി ഡാബ്‌സി ആലപിച്ച വട്ടേപ്പം എന്ന ഗാനമാണിത്. 30 മില്യണ്‍ ആളുകളാണ് ഈ ഗാനം കണ്ടിട്ടുള്ളത്.