നടൻ ശ്രീനിവാസനും റഹ്മാനും വളരെ നാളുകൾക്ക് ശേഷം കണ്ടുമുട്ടിയപ്പോൾ (ETV Bharat)
ഒരു ഇടവേളയ്ക്കു ശേഷം പരസ്‌പരം നേരിൽ കണ്ട് നടൻ റഹ്മാനും ശ്രീനിവാസനും. ഒമർ ലുലു സംവിധാനം ചെയ്‌ത 'ബാഡ് ബോയ്‌സ്' എന്ന ചിത്രത്തിൻ്റെ പ്രദർശനത്തിനുശേഷം എറണാകുളം വനിത വിനീത തിയേറ്റർ പരിസരമാണ് അപൂർവ സംഗമത്തിന് വേദിയായത്. റഹ്മാനും ധ്യാൻ ശ്രീനിവാസനും കേന്ദ്ര കഥാപാത്രങ്ങളായി എത്തുന്ന ഓണം റിലീസ് ചിത്രമായ 'ബാഡ് ബോയ്‌സ്' തിയേറ്ററുകളിൽ മികച്ച പ്രകടനമാണ് കാഴ്‌ചവയ്‌ക്കുന്നത്.
ഇന്നലെ (സെപ്‌റ്റംബർ 14) വൈകുന്നേരം സംഘടിപ്പിച്ച സെലിബ്രിറ്റി ഷോ കാണാൻ എത്തിയതായിരുന്നു ശ്രീനിവാസനും ഭാര്യയും. ധ്യാനിൻ്റെ പ്രകടനം മികച്ചതായിരുന്നുവെന്ന് ശ്രീനിവാസൻ മാധ്യമങ്ങളോട് പ്രതികരിച്ചു. കഴിഞ്ഞ കുറച്ചു നാളുകളായി ആരോഗ്യപരമായ പ്രശ്‌നങ്ങളാൽ ശ്രീനിവാസൻ പൊതുവേദിയിൽ പ്രത്യക്ഷപ്പെടുന്നത് കുറവായിരുന്നു.