ബേസിൽ ജോസഫ്, നസ്രിയ നസീം എന്നിവരെ കേന്ദ്ര കഥാപാത്രങ്ങളാക്കി എം.സി ജിതിന്‍ സംവിധാനം ചെയ്യുന്ന ഏറ്റവും പുതിയ ചിത്രമാണ് 'സൂക്ഷ്‌മദര്‍ശിനി'. സിനിമയുടെ ട്രെയിലര്‍ പുറത്തിറങ്ങി. 'സൂക്ഷ്‌മദര്‍ശിനി'യിലൂടെ ഒരിടവേളക്ക് ശേഷം നസ്രിയ വീണ്ടും മലയാളത്തിലേയ്‌ക്ക് തിരിച്ചെത്തുകയാണ് എന്ന പ്രത്യേകതയും ചിത്രത്തിനുണ്ട്. നവംബര്‍ 22 ന് ചിത്രം തിയേറ്ററുകളിലേക്ക് എത്തും.
ദീപക് പറമ്പോല്‍, സിദ്ധാർത്ഥ് ഭരതൻ, അഖില ഭാർഗവൻ, കോട്ടയം രമേശ്, പൂജ മോഹൻരാജ്, മെറിൻ ഫിലിപ്പ്, ഹെസ്സ മെഹക്ക്, മനോഹരി ജോയ്, ഗോപൻ മങ്ങാട്, ജയ കുറുപ്പ്, റിനി ഉദയകുമാർ, നൗഷാദ് അലി, ജെയിംസ്, അപർണ റാം, അഭിറാം രാധാകൃഷ്‌ണൻ, സരസ്വതി മേനോൻ തുടങ്ങിയവരും ചിത്രത്തില്‍ അണിനിരക്കുന്നുണ്ട്.
ഹാപ്പി അവേർസ് എന്‍റര്‍ടെയിന്‍മെന്‍റ്‌സിന്‍റെയും, എവിഎ പ്രൊഡക്ഷൻസിന്‍റെയും ബാനറുകളില്‍ സമീർ താഹിർ, ഷൈജു ഖാലിദ്, എവി അനൂപ് എന്നിവർ ചേര്‍ന്നാണ് സിനിമയുടെ നിര്‍മ്മാണം. എംസി ജിതിന്‍റെ കഥയ്ക്ക് അതുൽ രാമചന്ദ്രൻ, ലിബിൻ ടി.ബി എന്നിവർ ചേർന്നാണ് തിരക്കഥയും സംഭാഷണവും ഒരുക്കിയിരിക്കുന്നത്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
ശരൺ വേലായുധൻ ഛായാഗ്രഹണവും ചമൻ ചാക്കോ ചിത്രസംയോജനവും നിര്‍വ്വഹിക്കുന്നു. ക്രിസ്‌റ്റോ സേവ്യറാണ് ചിത്രത്തിലെ ഗാനങ്ങള്‍ക്ക് സംഗീതം പകര്‍ന്നിരിക്കുന്നത്. മുഹ്സിൻ പരാരി ആണ് ഗാന രചന.
കലാസംവിധാനം - വിനോദ് രവീന്ദ്രൻ, മേക്കപ്പ് - ആർ ജി വയനാടൻ, വസ്ത്രാലങ്കാരം - മഷർ ഹംസ, ഓഡിയോഗ്രാഫി - വിഷ്‌ണു ഗോവിന്ദ്, എക്‌സിക്യൂട്ടീവ് പ്രൊഡ്യൂസേഴ്‌സ്‌ - ഇംതിയാസ് കദീർ, സനു താഹിർ, സ്‌റ്റിൽസ് - രോഹിത് കൃഷ്‌ണൻ, പ്രൊഡക്ഷൻ കൺട്രോളർ - പ്രതീഷ് മാവേലിക്കര, പ്രൊഡക്ഷൻ എക്‌സിക്യൂട്ടീവ് - നസീർ കാരന്തൂർ, പോസ്‌റ്റർ ഡിസൈൻ - സര്‍ക്കാസനം, ചീഫ് അസോസിയേറ്റ് - രോഹിത് ചന്ദ്രശേഖർ, ഫിനാൻസ് കൺട്രോളർ - ഷൗക്കത്ത് കല്ലൂസ്, സംഘട്ടനം - പിസി സ്‌റ്റണ്ട്സ്, വിഎഫ്എക്‌സ്‌ - ബ്ലാക്ക് മരിയ, കളറിസ്‌റ്റ് - ശ്രീക് വാര്യര്‍, വിതരണം - ഭാവന റിലീസ്, പ്രൊമോ സ്‌റ്റിൽസ് - വിഷ്‌ണു തണ്ടാശ്ശേരി, പിആർഒ - ആതിര ദിൽജിത്ത് എന്നിവരും നിര്‍വ്വഹിക്കുന്നു.
Also Read:ധനുഷിനെതിരെ തുറന്ന യുദ്ധവുമായി നയന്‍താര; സല്യൂട്ടടിച്ച് പാര്‍വതി പിന്തുണയുമായി നസ്രിയ, ഐശ്വര്യ ലക്ഷ്‌മി തുടങ്ങിയ താരങ്ങള്‍
