ഹൈദരാബാദ്:കൽക്കി 2898 എഡി എന്ന വിജയ ചിത്രത്തിന് പിന്നിലെ അശ്വിനി ദത്ത് നിർമ്മിക്കുന്ന പുതിയ ചിത്രത്തിൽ മലയാളം നടൻ ദുൽഖർ സൽമാൻ അഭിനയിക്കുമെന്ന് റിപ്പോർട്ട്. ദയ, പരുവ് തുടങ്ങിയ പ്രോജക്‌ടുകളിലൂടെ പ്രശസ്‌തനായ പവൻ സദിനേനിയാണ് ചിത്രം സംവിധാനം ചെയ്യുന്നതെന്ന് മാധ്യമങ്ങൾ റിപ്പോർട്ട് ചെയ്‌തു.
2023 ൽ കിംഗ് ഓഫ് കൊത്ത എന്ന ചിത്രത്തിലാണ് ദുൽഖർ സൽമാൻ അവസാനമായി ഒരു മുഴുനീളൻ കഥാപാത്രത്തെ അവതരിപ്പിച്ചത്. തുടർന്ന് കൽക്കി 2898 എന്ന ചിത്രത്തിലും താരം അഭിനയിച്ചു. ദുൽഖർ സൽമാൻ അവതരിപ്പിക്കുന്ന വരാനിരിക്കുന്ന ചിത്രം റിയലിസ്‌റ്റിക് പശ്ചാത്തലത്തിൽ ഒരുക്കുന്ന പ്രണയകഥയാണെന്നാണ് റിപ്പോർട്ട്.
നാടകവും പ്രണയവും പ്രധാന ഹൈലൈറ്റുകളുള്ള തിരക്കഥ നന്നായി രൂപപ്പെടുത്തിയിട്ടുണ്ടെന്ന് പ്രൊഡക്ഷൻ ടീമുമായി അടുത്ത വൃത്തങ്ങൾ വെളിപ്പെടുത്തി. നിലവിൽ, തെലുങ്ക് സിനിമയിലെ നിരവധി പ്രമുഖർ ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുമെന്നും, ചിത്രത്തിനായുള്ള കാസ്‌റ്റിങ് പ്രക്രിയയിലാണ് അശ്വിനി സദിനേനി എന്നും വൃത്തങ്ങൾ സൂചിപ്പിച്ചു.
വൈജയന്തി മൂവീസിന് പുറമേ, അല്ലു അരവിന്ദും സന്ദീപ് ഗണ്ണവും ഈ പ്രോജക്റ്റിൻ്റെ സഹനിർമ്മാതാക്കളായി എത്തിയതായി റിപ്പോർട്ടുണ്ട്. ദുൽഖർ സൽമാൻ ഇപ്പോൾ അടിക്കടടി തെലുങ്ക് സിനിമകളുടെ ഡീലുകളിൽ ഒപ്പിടുന്നുണ്ട്. 2024 സെപ്‌തംബർ 27 ന് റിലീസ് ചെയ്യാനിരിക്കുന്ന വെങ്കി അറ്റ്‌ലൂരിയുടെ ലക്കി ബാസ്‌ഖറാണ് ദുൽഖറിന്‍റെ വരാനിരിക്കുന്ന ചിത്രം. ദുൽഖറിനെ കൂടാതെ മീനാക്ഷി ചൗധരി, അയാൻ സോഹൻ എന്നിവരും ചിത്രത്തിൽ അഭിനയിക്കുന്നുണ്ട്.
Also Read:ബോക്‌സോഫിസില്‍ കസറി 'കല്‍ക്കി': ആദ്യവാരം നേടിയത് 800 കോടി; കേരളത്തിൽ 350 തിയേറ്ററുകളിൽ പ്രദർശനം
