ബേസിൽ ജോസഫ്, നസ്രിയ നസിം എന്നിവർ കേന്ദ്ര കഥാപാത്രങ്ങളാകുന്ന "സൂക്ഷ്‌മദര്‍ശിനി"യുടെ ചിത്രീകരണം പൂര്‍ത്തിയായി. എംസി ജിതിൻ ആണ് ചിത്രം സംവിധാനം ചെയ്‌തിരിക്കുന്നത്. ഹാപ്പി ഹവേർസ് എൻ്റർടെയ്‌ൻമെൻസിൻ്റെയും, എവിഎ പ്രൊഡക്ഷൻസിൻ്റെയും ബാനറുകളില്‍ സമീർ താഹിർ, ഷൈജു ഖാലിദ്, എവി അനൂപ് എന്നിവർ ചേർന്നാണ് ചിത്രം നിര്‍മിക്കുന്നത്.
"നോണ്‍സെന്‍സ്" എന്ന ചിത്രത്തിന് ശേഷം ജിതിന്‍ തിരക്കഥയെഴുതി സംവിധാനം ചെയ്യുന്ന ചിത്രം കൂടിയാണിത്. ഒരിടവേളയ്ക്ക് ശേഷം മലയാളത്തിൽ നായികയായി നസ്രിയ അഭിനയിക്കുന്ന ചിത്രമെന്ന പ്രത്യേകത കൂടിയുണ്ട്. അനൗൺസ്‌മെൻ്റ് മുതൽ സമൂഹമാധ്യമത്തിൽ ചിത്രം വലിയ ചർച്ച വിഷയം ആയിരുന്നു.
ദീപക് പറമ്പോൽ, സിദ്ധാർഥ് ഭരതൻ, മെറിൻ ഫിലിപ്പ്, അഖില ഭാർഗവൻ, പൂജ മോഹൻരാജ്, കോട്ടയം രമേഷ്, ഗോപൻ മങ്ങാട്ട്, മനോഹരി ജോയ്, റിനി ഉദയകുമാർ, ജയ കുറുപ്പ്, മുസ്‌കാൻ ബിസാരിയ, അപർണ റാം, അഭിരാം പൊതുവാൾ, ബിന്നി റിങ്കി, നന്ദൻ ഉണ്ണി, നൗഷാദ് അലി, ആതിര രാജീവ്, മിർസ ഫാത്തിയ തുടങ്ങിയവരാണ് മറ്റു കഥാപാത്രങ്ങൾ.