ന്യൂ ഡൽഹി: ഇന്തോ ടിബറ്റൻ ബോർഡർ പൊലീസ് (ഐടിബിപി) ഫോഴ്‌സിൽ വിവിധ തസ്‌തികകളിലായി 819 ഒഴിവുകൾ. ഓൺലൈൻ രജിസ്‌ട്രേഷൻഇന്ന് മുതല്‍ആരംഭിച്ചു. യോഗ്യരായ ഉദ്യോഗാർത്ഥികൾക്ക് ഔദ്യോഗിക വെബ്സൈറ്റായ recruitment.itbpolice.nic.in സന്ദർശിച്ച് സ്വയം രജിസ്‌റ്റർ ചെയ്‌ത് അപേക്ഷ സമർപ്പിക്കാം. ഒക്ടോബർ 1 വരെയാണ് അപേക്ഷ സമര്‍പ്പിക്കാന്‍ കഴിയുക.
ഒഴിവുകൾ
ഐടിബിപി കോൺസ്‌റ്റബിൾ കിച്ചൻ സർവീസസിലേക്കാണ് അപേക്ഷകൾ ക്ഷണിച്ചിരിക്കുന്നത്. പുരുഷ ഉദ്യോഗാർത്ഥികൾക്ക് 697 ഒഴിവുകളും വനിതാ ഉദ്യോഗാർത്ഥികൾക്കായി 122 ഒഴിവുകളുമാണ് റിപ്പോർട്ട് ചെയ്‌തിരിക്കുന്നത്.
അപേക്ഷ സമർപ്പിക്കേണ്ട വിധം
- ഐടിബിപിയുടെ ഔദ്യോഗിക വെബ്സൈറ്റ് ആയ recruitment.itbpolice.nic.in സന്ദർശിക്കുക.
- ഹോംപേജിൽ നിന്നും "ഐടിബിപി കോൺസ്‌റ്റബിൾ റിക്രൂട്ട്മെൻ്റ് 2024" സെലക്‌ട് ചെയ്യുക.
- പുതുതായി തുറക്കുന്ന വിൻഡോയിൽ രജിസ്ട്രേഷൻ വിശദാംശങ്ങൾ പൂരിപ്പിക്കുക.
- പുതിയ അക്കൗണ്ട് ക്രിയേറ്റ് ചെയ്‌തതിന് ശേഷം ലോഗിൻ ചെയ്യുക.
- ലഭിക്കുന്ന അപേക്ഷ ഫോമിൽ കൃത്യമായ വിവരങ്ങൾ പൂരിപ്പിക്കുക.
- അപേക്ഷാ ഫീസ് അടച്ചതിന് ശേഷം ഫോം സബ്‌മിറ്റ് ചെയ്യുക.
- കൺഫർമേഷൻ പേജ് ഡൗൺലോഡ് ചെയ്‌ത് ഭാവി റഫറൻസിനായി പ്രിൻ്റൗട്ട് എടുത്ത് സൂക്ഷിക്കാം.