ചണ്ഡീഗഡ്: മൊഹാലിയില്‍ 31-കാരിയെ അക്രമിച്ച്‌ കൊലപ്പടുത്തി. ജോലിസ്ഥലത്തേക്കുള്ള യാത്രാമധ്യേയാണ് യുവതി ആക്രമിക്കപ്പെട്ടത്‌. പ്രതി യുവതിയെ പിന്തുടരുന്നതും പിന്നീട് ക്രൂരമായി ആക്രമിക്കുന്നതും പ്രദേശത്ത് സ്ഥാപിച്ചിരുന്ന സിസിടിവിയില്‍ പതിഞ്ഞിട്ടുണ്ട്‌.
വാളുമായി എത്തിയ ഒരാൾ യുവതിയെ റോഡിൽ വച്ച് ആക്രമിക്കുന്നത് സിസിടിവി ദൃശ്യങ്ങളിൽ നിന്ന് വ്യക്തമാണെന്ന് പൊലീസ് പറഞ്ഞു. ഗുരുതരമായി പരിക്കേറ്റ യുവതിയെ ഉടൻ തന്നെ പ്രാദേശിക ആശുപത്രിയിൽ എത്തിച്ചെങ്കിലും മരിച്ചതായി സ്ഥിരീകരിച്ചു.