ലഖ്‌നൗ: ഉത്തർപ്രദേശിലെ ഗോണ്ടയിൽ ട്രെയിന്‍ പാളം തെറ്റി. ഗുരുതര പരിക്കേറ്റ നാലു പേര്‍ മരിച്ചു. ചണ്ഡീഗഡ്-ദിബ്രുഗഡ് എക്‌സ്‌പ്രസ് ട്രെയിനാണ് അപകടത്തില്‍പ്പെട്ടത്. ഇന്ന് (ജൂലൈ 18) ഉച്ചയ്‌ക്ക് 2.37 ഓടെയാണ് സംഭവം.
ചണ്ഡീഗഡില്‍ നിന്നും വരികയായിരുന്നു ട്രെയിന്‍ പാളം തെറ്റുകയായിരുന്നു. ട്രെയിന്‍റെ 4 കോച്ചുകളാണ് പാളം തെറ്റിയത്. ട്രാക്കില്‍ നിന്നും തെന്നിമാറിയ കോച്ചുകള്‍ തലകീഴായി മറിഞ്ഞു. സ്ഥലത്ത് രക്ഷാപ്രവര്‍ത്തനം പുരോഗമിക്കുകയാണ്. ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥും ഉപമുഖ്യമന്ത്രി ബ്രജേഷ് പഥകും സംഭവ സ്ഥലം സന്ദര്‍ശിച്ചു.