ന്യൂഡൽഹി :സിവില്‍ സര്‍വീസ് കോച്ചിങ് സെന്‍ററിലെ ബേസ്‌മെൻ്റിൽ വെള്ളം കയറി മലയാളി ഉൾപ്പെടെ മൂന്ന് വിദ്യാര്‍ഥികള്‍ മുങ്ങി മരിച്ച സംഭവത്തിൽ സ്വമേധയാ കേസെടുത്ത് സുപ്രീം കോടതി. കേന്ദ്രസർക്കാരിനോടും ഡൽഹി സർക്കാരിനോടും സുപ്രീം കോടതി പ്രതികരണം തേടി. ഡൽഹിയിൽ അടുത്തിടെ നടന്ന ഈ സംഭവം എല്ലാവരുടെയും കണ്ണ് തുറപ്പിക്കുന്നതാണെന്ന് ജസ്റ്റിസുമാരായ സൂര്യകാന്ത്, ഉജ്ജൽ ഭൂയാൻ എന്നിവരടങ്ങിയ ബെഞ്ച് പറഞ്ഞു.
'കോച്ചിങ് സെൻ്ററുകൾ ഇപ്പോൾ മരണമുറികളായി മാറിയിരിക്കുന്നു. സുരക്ഷ മാനദണ്ഡങ്ങളും അടിസ്ഥാന മാനദണ്ഡങ്ങളും പൂർണമായും പാലിച്ചില്ലെങ്കിൽ കോച്ചിങ് സെൻ്ററുകൾ ഓൺലൈനായി പ്രവർത്തിച്ചാൽ മതിയാകും. രാജ്യത്തിൻ്റെ വിവിധ ഭാഗങ്ങളിൽ നിന്നെത്തുന്ന ഉദ്യോഗാർഥികളുടെ ജീവിതം കൊണ്ടാണ് കോച്ചിങ് സെൻ്ററുകൾ കളിക്കുന്നത്' -ബെഞ്ച് പറഞ്ഞു.