ബെംഗളുരു:ബെംഗളൂരുവിലെ കെന്‍ഗേരിയില്‍ 119 -ാമത് ശാഖ തുറന്ന് കര്‍ണാടകയിലേക്കും പ്രവർത്തനം വ്യാപിപ്പിച്ച് മാര്‍ഗദര്‍ശി ചിറ്റ്ഫണ്ട്‌സ്. മാനേജിങ് ഡയറക്‌ടറായ ശൈലജ കിരണ്‍ പുതിയ ശാഖയുടെ ഉദ്ഘാടനം നിര്‍വഹിച്ചു. നാട മുറിച്ചാണ് ശാഖ ഉദ്ഘാടനം ചെയ്‌തത്. തുടര്‍ന്ന് പ്രത്യേക പൂജയും നടന്നു. ആദ്യ ഇടപാടുകാരനില്‍ നിന്ന് ഫണ്ട് ഏറ്റുവാങ്ങിയശേഷമാണ് എംഡി മടങ്ങിയത്. മാര്‍ഗദര്‍ശി ചിറ്റ് ഫണ്ടിന്‍റെ 120 -ാം ശാഖ ഇന്ന് വൈകിട്ട് തമിഴ്‌നാട്ടിലെ ഹൊസൂരില്‍ ഉദ്ഘാടനം ചെയ്യും.
MD Sailaja Kiron inaugurated 119 th branch of Margadarshi Chit Fund in Kengeri (ETV Bharat) രാജ്യത്തെ ഏറ്റവും വിശ്വാസ്യതയാര്‍ന്ന ധനകാര്യ സ്ഥാപനങ്ങളിലൊന്നായ മാര്‍ഗദര്‍ശി തെലങ്കാന, ആന്ധ്രാപ്രദേശ്, കര്‍ണാടക, തമിഴ്‌നാട് സംസ്ഥാനങ്ങളിലായി വ്യാപിച്ചു കിടക്കുന്നു. ഇടപാടുകാരുടെ മനസിൽ വിശ്വസ്‌തതയുടെ മറുപേരാണ് മാര്‍ഗദര്‍ശി.
കര്‍ണാടകയില്‍ മാര്‍ഗദര്‍ശി ചിറ്റ് 2000ത്തിലാണ് പ്രവര്‍ത്തനം തുടങ്ങിയത്. 24 വര്‍ഷമായി സംസ്ഥാനത്ത് വിജയകരമായി പ്രവര്‍ത്തനം തുടരുന്നു. സംസ്ഥാനത്തെ 25മത്തെ ശാഖയാണ് ഇന്ന് പ്രവര്‍ത്തനം ആരംഭിച്ചത്.
കര്‍ണാടകയുടെ തലസ്ഥാനമായ ബെംഗളുരുവില്‍ നിന്ന് 40 കിലോമീറ്റര്‍ അകലെയാണ് കെന്‍ഗേരി. നഗര പരിധിയില്‍ തന്നെയാണിത്. അടുത്തമാസം രണ്ട് പുതിയ ശാഖകള്‍ കൂടി സംസ്ഥാനത്ത് ആരംഭിക്കുമന്ന് ശൈലജ കിരണ്‍ അറിയിച്ചു. സംസ്ഥാനത്ത് അതിവേഗത്തിലാണ് കമ്പനിയുടെ വളര്‍ച്ചയെന്നും അവര്‍ പറഞ്ഞു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
രാജ്യത്തെ മൂന്നാമത്തെ ഏറ്റവും വലിയ ജിഎസ്‌ഡിപിയുള്ള കര്‍ണാടകയ്ക്ക് വലിയ സാമ്പത്തിക ശേഷിയുണ്ടെന്നും അവര്‍ ചൂണ്ടിക്കാട്ടി. സംസ്ഥാനത്തിന്‍റെ സമ്പദ്ഘടനയുടെ നാല്‍പ്പത് ശതമാനവും ബെംഗളുരുവിന്‍റെ സംഭാവനയാണ്. വാഹന വ്യവസായം മുതല്‍ ഇലക്‌ട്രോണിക്‌സും വിവരസാങ്കേതികതയും വരെ നീളുന്ന വമ്പന്‍ വ്യവസായ കേന്ദ്രങ്ങളുടെ ആസ്ഥാനമാണ് ബെംഗളുരു.
കര്‍ണാടകയുടെ കരുത്ത്
രാജ്യത്തെ മൂന്നില്‍ രണ്ട് ഐടി കമ്പനികളും കര്‍ണാടകയിലാണ്. കാര്‍ഷിക, ഉത്പാദന കമ്പനികളും സംസ്ഥാനത്തുണ്ട്. അത് കൊണ്ട് തന്നെ തങ്ങളുടെ സേവനം ഇവിടെ വളരെ ആവശ്യമുണ്ടെന്നും ശൈലജ കിരണ്‍ ചൂണ്ടിക്കാട്ടി. കര്‍ണാടകയിലെ ജനങ്ങള്‍ക്ക് ചെറുതം വലുതുമായ അവരുടെ സംരംഭങ്ങള്‍ക്ക് ഞങ്ങള്‍ സേവനം നല്‍കും. 100ഉം 200 കോടി ലാഭമുള്ള വന്‍കിടക്കാര്‍ മുതല്‍ ചെറുകിട സംരംഭകര്‍ വരെയുള്ള സംസ്ഥാനമാണിത്.
ജീവനക്കാര്‍ക്കും മാര്‍ഗദര്‍ശി സേവനം ഉറപ്പ് നല്‍കുന്നു. ആരോഗ്യമേഖലയില്‍ ജോലി ചെയ്യുന്ന ഡോക്‌ടര്‍മാര്‍ അടക്കമുള്ളവര്‍ക്ക് തങ്ങളുടെ സേവനം ലഭ്യമാക്കും. ആവശ്യക്കാര്‍ക്ക് കൃത്യസമയത്ത് സഹായമെത്തിക്കുക എന്നതാണ് മാര്‍ഗദര്‍ശിയുടെ നിലപാട്. അച്ചടക്കമുള്ളതും കൃത്യമായി തിരിച്ചടയ്ക്കുന്നവരുമായ ഇടപാടുകാരാണ് തങ്ങളുടെ കരുത്ത്. അത് കൊണ്ട് തന്നെ അവര്‍ക്ക് തിരിച്ചും തങ്ങള്‍ കൃത്യമായി പണം നല്‍കുന്നു.
പല ബുദ്ധിമുട്ടുകളും തങ്ങള്‍ നേരിടുന്നുണ്ടെങ്കിലും മാര്‍ഗദര്‍ശി തങ്ങളുടെ ഇടപാടുകാര്‍ക്ക് മികച്ച സേവനങ്ങള്‍ ഉറപ്പ് നല്‍കുന്നു. ഏറെ ആതിഥ്യമര്യാദയുള്ള കര്‍ണാടകയിലെ ജനങ്ങള്‍ക്ക് താന്‍ നന്ദി പറയുന്നുവെന്നും ശൈലജ കിരണ്‍ കൂട്ടിച്ചേര്‍ത്തു. കര്‍ണാടകയിലെ ജനങ്ങള്‍ തങ്ങളെ ഏറെ പിന്തുണയ്ക്കുന്നവരും പ്രോത്സാഹിപ്പിക്കുന്നവരുമാണെന്നും അവര്‍ കൂട്ടിച്ചേര്‍ത്തു. വാക്കില്‍ ഉറച്ച് നില്‍ക്കുക എന്നതാണ് സേവനങ്ങളിലും ഇടപാടുകാരെ തെരഞ്ഞെടുക്കുന്നതിലും പണം നല്‍കുന്നതിലും മാര്‍ഗദര്‍ശിയുടെ ആപ്‌തവാക്യം.
സാമ്പത്തിക വികസനത്തിന് പ്രതിജ്ഞാബദ്ധം
വ്യക്തികളുടെ സാമ്പത്തിക ശേഷി ശാക്തീകരിക്കുക എന്നതിനാണ് കമ്പനി ഊന്നല്‍ നല്‍കുന്നതെന്നും എംഡി ശൈലജ കിരണ്‍ പറഞ്ഞു. തങ്ങളുടെ 25ാം ശാഖയിലൂടെ കൂടുതല്‍ ജനങ്ങള്‍ക്ക് സാമ്പത്തിക അവസരം നല്‍കാന്‍ മാര്‍ഗദര്‍ശി ലക്ഷ്യമിടുന്നു. സുതാര്യത നിലനിര്‍ത്താന്‍ തങ്ങള്‍ ലക്ഷ്യം വയ്ക്കുന്നു.
ഉപഭോക്താക്കളുടെ സംതൃപ്‌തി തന്നെയാണ് മാര്‍ഗദര്‍ശിയുടെ തുടക്കം മുതലുള്ള ചരിത്രം. 4100 ജീവനക്കാര്‍ മാര്‍ഗദര്‍ശിക്കുണ്ട്. ഇതിന് പുറമെ 18000 ഏജന്‍റുമാരും. മേഖലയില്‍ തൊഴില്‍ നല്‍കിയും ഇവിടുത്തെ സാമ്പത്തിക സ്ഥിരതയെ സഹായിക്കുന്നു. കെന്‍ഗേരിയില്‍ പുതുതായി തുടങ്ങിയ ശാഖ നാട്ടുകാരുടെ സാമ്പത്തിക പ്രശ്‌നങ്ങള്‍ക്ക് നല്ലൊരു പരിഹാരമാകും.
മാര്‍ഗദര്‍ശിയുടെ കര്‍ണാടക റീജ്യണല്‍ മേധാവി ലക്ഷ്‌മണ്‍ റാവു, വൈസ്‌പ്രസിഡന്‍റ് ബാലാറാം കൃഷ്‌ണ, കര്‍ണാടകയിലെ എല്ലാ ശാഖകളിലെയും മാനേജര്‍മാര്‍ തുടങ്ങിയവര്‍ ചടങ്ങില്‍ പങ്കെടുത്തു.
വൈകിട്ട് തമിഴ്‌നാട്ടിലെ ഹൊസൂരിലെ ശാഖയും ഉദ്ഘാടനം ചെയ്‌തു.
ഉപഭോക്താക്കള്‍ തങ്ങളില്‍ അര്‍പ്പിച്ചിരിക്കുന്ന വിശ്വാസവും ആത്മാര്‍ത്ഥതയുമാണ് തങ്ങളുടെ വികസനമെന്ന് റീജ്യണല്‍ മേധാവി ലക്ഷ്‌മണ്‍ റാവു പറഞ്ഞു. ജീവിതങ്ങളെ ശാക്തീകരിക്കാനുള്ള ഞങ്ങളുടെ യാത്രയില്‍ കെന്‍ഗേരി മറ്റൊരു നാഴികക്കല്ലാണ്.
തങ്ങളുടെ കുടുംബത്തിന്‍റെ സാമ്പത്തിക ആവശ്യങ്ങള്‍ക്കുള്ള ജീവരേഖയാണ് മാര്‍ഗദര്‍ശിയെന്ന് ഒരു ഉപയോക്താവ് വ്യക്തമാക്കി. ഉപഭോക്തൃ കേന്ദ്രീകൃത സേവനങ്ങള്‍ക്കുള്ള അവരുടെ പ്രതിബദ്ധതയാണ് പുതിയ ശാഖയിലൂടെ വെളിവാക്കുന്നതെന്നും അദ്ദേഹം കൂട്ടിച്ചേര്‍ത്തു.
സാമ്പത്തിക ശാക്തീകരണം
ദക്ഷിണേന്ത്യന്‍ സംസ്ഥാനങ്ങളായ കര്‍ണാടക, തെലങ്കാന, ആന്ധ്രാപ്രദേശ്, തമിഴ്‌നാട് തുടങ്ങിയിടങ്ങളില്‍ മാര്‍ഗദര്‍ശി തങ്ങളുടെ സാന്നിധ്യം ശക്തമാക്കുകയാണ്. സാമ്പത്തിക ആവശ്യങ്ങള്‍ നിറവേറ്റാന്‍ കുടുംബങ്ങളെയും വ്യക്തികളെയും പ്രാപ്‌തരാക്കുന്നു. ജനങ്ങള്‍ക്ക് സാമ്പത്തിക സ്വാതന്ത്ര്യം ഉറപ്പാക്കാനും കമ്പനി ലക്ഷ്യമിടുന്നു.
1962ല്‍ കമ്പനി സ്ഥാപിതമായത് മുതല്‍ വിശ്വാസ്യത തന്നെയാണ് കമ്പനിയുടെ മുഖമുദ്ര. അറുപത് ലക്ഷത്തിലേറെ ഇടപാടുകാരിലേക്ക് കമ്പനി വളര്‍ന്നിരിക്കുന്നു. 9396 കോടി രൂപയുടെ ആസ്‌തി കമ്പനിക്കുണ്ട്. ആറു പതിറ്റാണ്ടായി മാര്‍ഗദര്‍ശി ഓരോ കുടുംബങ്ങളുടെയും സ്വപ്നസാക്ഷാത്ക്കാരത്തിന്‍റെ സാമ്പത്തിക ശക്തിയുടെ നെടുംതൂണായി നിലകൊള്ളുന്നു.
തങ്ങളുടെ ദൗത്യത്തിലെ വലിയൊരു ചുവടുവയ്‌പാണ് പുതിയ ശാഖകളെന്ന് കഴിഞ്ഞ ദിവസം പുതിയ ശാഖകളുടെ ഉദ്ഘാടനം സംബന്ധിച്ച് അറിയിക്കാന്‍ വിളിച്ച് ചേര്‍ത്ത വാര്‍ത്താ സമ്മേളനത്തില്‍ ശൈലജ കിരണ്‍ ചൂണ്ടിക്കാട്ടിയിരുന്നു. തങ്ങളുടെ സാന്നിധ്യം മൂലം കര്‍ണാടകയിലെ ജനങ്ങളുടെ സാമ്പത്തിക സ്വാതന്ത്ര്യം മെച്ചപ്പെട്ടെന്നും അവര്‍ അവകാശപ്പെട്ടു. സുരക്ഷിതവും, സുതാര്യവും, അച്ചടക്കവുമുള്ള നിക്ഷേപത്തിനും, മറ്റ് സാമ്പത്തിക ഇടപാടുകള്‍ക്കും, ഇടപാടുകാരുടെ സ്വപ്‌നസാക്ഷാത്ക്കാരത്തിനും മാര്‍ഗദര്‍ശി ഫണ്ട് എപ്പോഴും നിലകൊള്ളുന്നുവെന്നും അവര്‍ കൂട്ടിച്ചേര്‍ത്തു.
1962 ല്‍ സ്ഥാപിതമായതു മുതല്‍ മാര്‍ഗദര്‍ശി ചിറ്റ്സ് വിശ്വസ്‌തതയുടെയും സത്യസന്ധതയുടെയും പര്യായമായി നിലകൊള്ളുന്നുവെന്നും ശൈലജ കിരണ്‍ പറഞ്ഞു. അറുപത് ലക്ഷത്തോളം ഉപഭോക്താക്കള്‍ കമ്പനിക്കുണ്ട്. 9396 കോടിയുടെ വിറ്റുവരവും കമ്പനിക്കുണ്ട്. ഇടപാടുകാരുടെ പണം സുരക്ഷിത കരങ്ങളിലാണെന്ന് ഉറപ്പുവരുത്താന്‍ തങ്ങള്‍ ഒരിക്കലും മറക്കാറില്ല. ഒപ്പം അച്ചടക്കവും സുതാര്യതയും അഖണ്ഡതയും എല്ലാം ഉറപ്പാക്കുന്നുവെന്നും അവര്‍ കൂട്ടിച്ചേര്‍ത്തു.
അറുപത് കൊല്ലമായി കുടുംബങ്ങൾക്കും വ്യവസായികൾക്കും തങ്ങള്‍ പിന്തുണ നൽകിവരുന്നു. ജീവിതങ്ങളെ ശാക്തീകരിക്കുന്നതിന് മറ്റൊരു സുപ്രധാന ചുവട് വയ്‌പാണ് കെന്‍ഗേരിയിലെ പുതിയ ശാഖയിലൂടെ നടത്തുന്നതെത്. അതുവഴി സാമ്പത്തിക വളര്‍ച്ചയ്ക്കുള്ള അവസരങ്ങള്‍ സൃഷ്‌ടിക്കുമെന്നും അവര്‍ വ്യക്തമാക്കി.
Also Read:കര്‍ണാടകയിലും തമിഴ്‌നാട്ടിലും പുതിയ ശാഖകളുമായി മാര്‍ഗദര്‍ശി ചിറ്റ്സ്; ദക്ഷിണേന്ത്യയില്‍ പ്രവര്‍ത്തനം വ്യാപിപ്പിക്കുന്നു
