ന്യൂഡൽഹി:ഇത്തവണത്തെ കീര്‍ത്തിചക്ര പുരസ്‌കാരങ്ങള്‍ പ്രഖ്യാപിച്ചു. ജമ്മു കശ്‌മീരിലെ അനന്ത്നാഗിലുണ്ടായ ഭീകരാക്രമണത്തില്‍ വീരമൃത്യു വരിച്ച കേണൽ മൻപ്രീത് സിങ് ഉള്‍പ്പെടെ നാല് പേര്‍ക്കാണ് കീർത്തിചക്ര നൽകി ആദരിച്ചത്. മരണാനന്തര ബഹുമതിയായാണ് കേണൽ മൻപ്രീതിന് കീർത്തി ചക്ര നൽകുക.
17 വർഷത്തോളം സൈന്യത്തിൽ സേവനമനുഷ്‌ഠിച്ചിട്ടുണ്ട് കേണൽ മൻപ്രീത്. ഭീകരാക്രമണ സമയത്ത് രാഷ്ട്രീയ റൈഫിൾസ് 19ന്‍റെ ഭാഗമായിരുന്നു മൻപ്രീത് സിങ്. ആർആർലെ കാലാവധി പൂർത്തിയാക്കാൻ നാല് മാസം മാത്രം ശേഷിക്കേയാണ് ഭീകരാക്രമണത്തില്‍ മൻപ്രീത് സിങിന്‍റെ ജീവന്‍ നഷ്‌ടപ്പെടുന്നത്.