സിലിഗുരി (പശ്ചിമ ബംഗാൾ): പശ്ചിമ ബംഗാളിൽ 4 കിലോ പാമ്പ് വിഷം കണ്ടെടുത്ത് വനംവകുപ്പ്. ബാഗ്‌ഡോഗ്ര റേഞ്ച് കുർസിയോങ് വൈൽഡ് ലൈഫ് ഫോറസ്റ്റ് ഡിവിഷൻ, വൈൽഡ് ലൈഫ് ക്രൈം കൺട്രോൾ ബ്യൂറോ എന്നിവർ സംയുക്തമായി നടത്തിയ അന്വേഷണത്തിലാണ് പമ്പ് വിഷം കണ്ടെടുത്തത്. സംഭവത്തിൽ മൂന്ന് പേരെ അന്വേഷണ സംഘം അറസ്റ്റ് ചെയ്‌തു. ഏകദേശം 5 കോടി രൂപയോളം വിപണി മൂല്യമുള്ള വിഷമാണ് പിടികൂടിയത് (Forest Department Recovers Snake Venom Worth Rs 5 Crore).
കഴിഞ്ഞ കുറച്ച് കാലമായി മേഖലയിൽ പാമ്പിന്‍റെ വിഷം കടത്തുന്നത് പതിവായിരുന്നു. ഇത് വനം വകുപ്പിന് വലിയ തലവേദന സൃഷ്‌ടിക്കുകയും ചെയ്‌തിരുന്നു. കഴിഞ്ഞ വർഷം ഒക്ടോബർ 16, ഡിസംബർ 30 എന്നീ ദിവസങ്ങളിൽ സിലിഗുരി വഴിയുള്ള പാമ്പ് വിഷക്കടത്ത് വനം വകുപ്പ് പരാജയപ്പെടുത്തിയിരുന്നു.