ഹൈദരാബാദ് : ഡൽഹി മുഖ്യമന്ത്രി അരവിന്ദ് കെജ്‌രിവാളിനെ അറസ്റ്റ് ചെയ്‌ത് ഇ ഡി നടപടിയിൽ അപലപിച്ച് ബിആർഎസ് വർക്കിങ് പ്രസിഡൻ്റ് കെ ടി രാമറാവു. കെജ്‌രിവാളിന്‍റെ അറസ്റ്റ് നിയമവിരുദ്ധമാണെന്ന് അദ്ദേഹം ആരോപിച്ചു. ബിജെപിയുടെ കൈകളിലെ പ്രധാന അടിച്ചമർത്തൽ ഉപകരണമായി ഇഡിയും സിബിഐയും മാറിയെന്നും അദ്ദേഹം വിമർശിച്ചു.
'ഡൽഹി മുഖ്യമന്ത്രി അരവിന്ദ് കെജ്‌രിവാൾ ജിയുടെ നിയമവിരുദ്ധ അറസ്റ്റിനെ ശക്തമായി അപലപിക്കുന്നു. ഇഡിയും സിബിഐയും ബിജെപിയുടെ കൈകളിലെ അടിച്ചമർത്തലിന്‍റെ പ്രധാന ഉപകരണമായി മാറി. അടിസ്ഥാന രഹിതമായ കാരണങ്ങൾ ഉന്നയിച്ച് രാഷ്ട്രീയ എതിരാളികളെ വേട്ടയാടുന്നു. രാഷ്ട്രീയ പകപോക്കൽ മാത്രമാണ് അവരുടെ ലക്ഷ്യമെ'ന്നും തെലങ്കാന മുൻ മുഖ്യമന്ത്രി കെ ചന്ദ്രശേഖർ റാവുവിൻ്റെ മകൻ രാമറാവു എക്‌സിൽ കുറിച്ചു.