ചെന്നൈ (തമിഴ്‌നാട്) :മുൻ ഡിഎംകെ പ്രവർത്തകനും തമിഴ് ചലച്ചിത്ര നിർമ്മാതാവുമായ ജാഫർ സാദിഖിനും മറ്റുള്ളവർക്കുമെതിരെ മയക്കുമരുന്ന് കടത്തുമായി ബന്ധപ്പെട്ട കള്ളപ്പണം വെളുപ്പിക്കൽ അന്വേഷണത്തിന്‍റെ ഭാഗമായി എൻഫോഴ്‌സ്‌മെൻ്റ് ഡയറക്‌ടറേറ്റ് (ഇഡി) ചൊവ്വാഴ്‌ച (മാർച്ച് 9) തമിഴ്‌നാട്ടിലെ ഒന്നിലധികം നഗരങ്ങളിൽ റെയ്‌ഡ് നടത്തിയതായി ഉദ്യോഗസ്ഥർ പറഞ്ഞു.
സംസ്ഥാന തലസ്ഥാനമായ ചെന്നൈ, മധുര, തിരുച്ചിറപ്പള്ളി എന്നിവിടങ്ങളിലെ 25 ഓളം സ്ഥലങ്ങളിലാണ് കള്ളപ്പണം വെളുപ്പിക്കൽ നിരോധന നിയമത്തിന്‍റെ (പിഎംഎൽഎ) വകുപ്പുകൾ പ്രകാരം കേന്ദ്ര അർധസൈനിക വിഭാഗത്തിന്‍റെ അകമ്പടിയോടെ ഇഡി ഉദ്യോഗസ്ഥർ പരിശോധന നടത്തുന്നത്. തമിഴ് ചലച്ചിത്ര നിർമ്മാതാവ് സാദിഖ്, സംവിധായകൻ അമീർ, മറ്റ് ചിലരുടെ സ്ഥാപനങ്ങൾ റെയ്‌ഡ് ചെയ്‌തതായി ഇഡി ഉദ്യോഗസ്ഥൻ പറഞ്ഞു.