ചെന്നൈ (തമിഴ്‌നാട്) : ലോക്‌സഭ തെരഞ്ഞെടുപ്പിന് മുന്നോടിയായി തമിഴ്‌നാട്ടിൽ ഭരണകക്ഷിയായ ഡിഎംകെയും ഇടത് പാർട്ടികളും തമ്മിൽ സീറ്റ് ധാരണയായി. മധുരയും ഡിണ്ടിഗലും സിപിഎമ്മിനും നാഗപട്ടണം, തിരുപ്പൂർ എന്നിവ സിപിഐക്കും നൽകി. അതേസമയം സിപിഎമ്മിന്‍റെ സിറ്റിങ് സീറ്റായ കോയമ്പത്തൂർ ഡിഎംകെ എടുത്തു (DMK Allots Madurai, Dindigul to CPIM).
സിപിഎം സംസ്ഥാന സെക്രട്ടറി കെ ബാലകൃഷ്‌ണൻ സിപിഐ സംസ്ഥാന സെക്രട്ടറി ആർ മുത്തരശൻ എന്നിവർ മുഖ്യമന്ത്രിയും ഡിഎംകെ അധ്യക്ഷനുമായ എംകെ സ്‌റ്റാലിനുമായി നടത്തിയ കൂടിക്കാഴ്‌ചയിലാണ് സീറ്റ് ധാരണയായത്. ചെന്നൈയിലെ പാർട്ടി ആസ്ഥാനമായ അണ്ണാ അറിവാലയത്തിലായിരുന്നു ചർച്ച.