ന്യൂഡൽഹി: ഭരണഘടനയിന്മേലുള്ള രണ്ട് ദിവസത്തെ ചർച്ചയ്ക്ക് ലോക്‌സഭ ഇന്ന് (ഡിസംബർ 12) ചേരും. ഇന്ത്യൻ ഭരണഘടന അംഗീകരിച്ച് 75 വർഷം പിന്നിടുന്നതിലാണ് ഇന്ന് ചർച്ച നടക്കുക. തിങ്കൾ, ചൊവ്വ ദിവസങ്ങളിൽ രാജ്യസഭയിലും സമാനമായ ചർച്ച നടക്കുന്നതായിരിക്കും. ബിജെപിയും പ്രതിപക്ഷവും തമ്മിലുള്ള തർക്കങ്ങളെത്തുടർന്ന് പാർലമെൻ്റ് നടപടികൾ നിർത്തിവച്ചിരുന്നു. ഉപതെരഞ്ഞടുപ്പിൽ വിജയിച്ച വയനാട് എംപി പ്രിയങ്കാ ഗാന്ധി ലോക്‌സഭയിൽ തൻ്റെ കന്നി പ്രസംഗം നടത്തിയേക്കും.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
പ്രതിരോധമന്ത്രി രാജ്‌നാഥ് സിങ് ചർച്ച ആരംഭിച്ചേക്കും. രണ്ട് ദിവസം നീണ്ട് നിൽക്കുന്ന ചർച്ച ഇന്ന് ഉച്ചയ്ക്ക് ആരംഭിക്കുമെന്നാണ് കരുതുന്നത്. ബിജെപിയുടെ പന്ത്രണ്ടോളം നേതാക്കൾ ഇന്ന് ചർച്ചയിൽ പങ്കെടുക്കുന്നതായിരിക്കും. നാളെ (ഡിസംബർ 14) വൈകിട്ട് ചർച്ചയ്ക്ക് പ്രധാനമന്ത്രി നരേന്ദ്ര മോദി മറുപടി നൽകും.