ആന്ധ്രാപ്രദേശ് : സംസ്ഥാനത്തെ മുതിര്‍ന്ന ഐപിഎസ് ഉദ്യോഗസ്ഥന്‍ എബി വെങ്കിടേശ്വര റാവു വിരമിച്ചു. ഇന്നലെ (മെയ് 31) വൈകിട്ടാണ് അദ്ദേഹം സര്‍വീസില്‍ നിന്നും പടിയിറങ്ങിയത്. കഴിഞ്ഞ അഞ്ച് വര്‍ഷമായി സസ്‌പെന്‍ഷനിലായിരുന്ന എബിവിയെ ഇന്നലെ രാവിലെയാണ് സര്‍വീസില്‍ തിരിച്ചെടുത്തത്. തുടര്‍ന്ന് വൈകിട്ടോടെ വിരമിക്കുകയും ചെയ്‌തു.
പ്രതിരോധ ഉപകരണങ്ങള്‍ വാങ്ങുന്നതുമായി ബന്ധപ്പെട്ട് അദ്ദേഹത്തിനെതിരെ ക്രമക്കേട് ആരോപണം ഉയര്‍ന്നിരുന്നു. ഇതിന് പിന്നാലെയാണ് എബിവി സസ്‌പെന്‍ഷനിലായത്. ഡയറക്‌ടർ ജനറൽ പദവിയിലായിരുന്നിട്ടും കഴിഞ്ഞ അഞ്ച് വർഷമായി അദ്ദേഹം സസ്‌പെന്‍ഷനില്‍ തുടരുകയായിരുന്നു.