ബെംഗളൂരു : ഗണേശ ഘോഷയാത്രയ്ക്ക് നേരെ കല്ലേറെയുണ്ടായതോടെ നാഗമങ്കലയില്‍ കനത്ത സംഘര്‍ഷം പൊട്ടിപ്പുറപ്പെട്ടു. കര്‍ണാടകയിലാണ് സംഭവം. ആക്രമണത്തിനിടെ വാഹനങ്ങള്‍ കത്തിക്കല്‍ അടക്കം നടന്നു. ഉടന്‍ തന്നെ പൊലീസ് കാര്യങ്ങള്‍ നിയന്ത്രണ വിധേയമായി. ഇരുഭാഗത്ത് നിന്നുമുള്ള 52 പേരെ അറസ്റ്റ് ചെയ്‌തതായി ആഭ്യന്തരമന്ത്രി ജി പരമേശ്വര പറഞ്ഞു.
ഇത് സംഭവിക്കാന്‍ പാടില്ലായിരുന്നുവെന്ന് സദാശിവനഗറിലെ തന്‍റെ വസതിക്ക് സമീപം മാധ്യമങ്ങളോട് സംസാരിക്കവെ അദ്ദേഹം കൂട്ടിച്ചേര്‍ത്തു. ജില്ല പൊലീസ് മേധാവി അടക്കമുള്ള ഉന്നത പൊലീസ് ഉദ്യോഗസ്ഥര്‍ സ്ഥലത്ത് ക്യാമ്പ് ചെയ്യുന്നുണ്ട്. ക്രമസമാധാനച്ചുമതലയുള്ള എഡിജിപിയേയും സ്ഥലത്തേക്ക് അയച്ചിട്ടുണ്ട്. ഇതിനെയൊരു വര്‍ഗീയ സംഘര്‍ഷമെന്ന് വിളിക്കാനാകില്ല. അത്തരത്തില്‍ പടരാന്‍ പൊലീസ് അനുവദിച്ചില്ല. ഇതിന് വലിയ പ്രചാരണം നല്‍കേണ്ടതില്ലെന്നും അദ്ദേഹം അഭ്യര്‍ഥിച്ചു.
ഇടിവി ഭാരത് കേരളം ഇനി വാട്‌സ്‌ആപ്പിലും