OnePlus Offers Free Repair:ಟೆಕ್ ಬ್ರ್ಯಾಂಡ್ ಒನ್‌ಪ್ಲಸ್‌ನ ಅನೇಕ ಸ್ಮಾರ್ಟ್‌ಫೋನ್‌ಗಳು ಸ್ಕ್ರೀನ್ ಮೇಲೆ ಗ್ರೀನ್ ಲೈನ್ಸ್ ಕಾಣಿಸಿಕೊಳ್ಳುವುದು ಮತ್ತು ಮದರ್ಬೋರ್ಡ್ ಅಸಮರ್ಪಕವಾಗಿ ಕಾರ್ಯ ನಿರ್ವಹಿಸುತ್ತಿರುವ ಸಮಸ್ಯೆಗಳನ್ನು ನಿರಂತರವಾಗಿ ಎದುರಿಸುತ್ತಿವೆ. ಕಳೆದ ಕೆಲವು ತಿಂಗಳುಗಳಲ್ಲಿ ಬಳಕೆದಾರರು ಸಾಮಾಜಿಕ ಮಾಧ್ಯಮದಲ್ಲಿ ಈ ನ್ಯೂನತೆಗಳ ಬಗ್ಗೆ ನಿರಂತರವಾಗಿ ದೂರುತ್ತಿದ್ದಾರೆ. ಈಗ FoneArena ಜೊತೆ ಕಂಪನಿ ಮಾತನಾಡುತ್ತಿದ್ದಾಗ, OnePlus ಗುಣಮಟ್ಟ ಮತ್ತು ಬಳಕೆದಾರರ ತೃಪ್ತಿಯು ತಮ್ಮ ಮೊದಲ ಆದ್ಯತೆಯಾಗಿದೆ ಎಂದು ಖಚಿತಪಡಿಸಿದೆ. ಕಂಪನಿಯು ತನ್ನ ಲೈಫ್‌ಟೈಮ್ ಡಿಸ್ಪ್ಲೇ ವಾರಂಟಿ ಪ್ಲಾನ್ ಬಗ್ಗೆಯೂ ಪ್ರಸ್ತಾಪಿಸಿದೆ.
FoneArena ಜೊತೆಗಿನ OnePlus ಕಂಪನಿಯ ಸಂಭಾಷಣೆಯಲ್ಲಿ, ಅದರ ಹಲವು ಸಾಧನಗಳು, ವಿಶೇಷವಾಗಿ OnePlus 8 ಮತ್ತು OnePlus 9 ಸರಣಿಗಳು ವಿವಿಧ ಸಮಸ್ಯೆಗಳನ್ನು ಎದುರಿಸುತ್ತಿವೆ ಎಂದು ಒಪ್ಪಿಕೊಂಡರು. ಪರದೆಯ ಮೇಲೆ ಹಠಾತ್ ಗ್ರೀನ್ ಲೈನ್ಸ್ ಕಾಣಿಸಿಕೊಳ್ಳುವ ಸಮಸ್ಯೆ OnePlus ಸಾಧನಗಳಿಗೆ ಮಾತ್ರ ಸೀಮಿತವಾಗಿಲ್ಲ. ಈ ಸಮಸ್ಯೆ ಇಡೀ ಮೊಬೈಲ್ ಉದ್ಯಮವು ಎದುರಿಸುತ್ತಿದೆ. ಒನ್ಪ್ಲಸ್ ತನ್ನ ಪೂರೈಕೆದಾರರೊಂದಿಗೆ ಸುಧಾರಣೆಗಳ ಕುರಿತು ಕೆಲಸ ಮಾಡುತ್ತಿದೆ ಮತ್ತು ಪೂರೈಕೆ ಸರಪಳಿಗೆ ಸಂಬಂಧಿಸಿದ ಸವಾಲುಗಳನ್ನು ಸಹ ಪರಿಹರಿಸಲಾಗುತ್ತಿದೆ ಎಂದು ಬ್ರ್ಯಾಂಡ್ ಹೇಳಿದೆ.