ಒನ್​ಪ್ಲಸ್​ 13 ಸೀರಿಸ್​ ಬಿಡುಗಡೆಗೆ ಕ್ಷಣಗಣನೆ: ಏನುಂಟು, ಏನಿಲ್ಲ! ನೀವೇ ನೋಡಿ

OnePlus 13 Series: OnePlus ತನ್ನ ಎರಡು ಹೊಸ ಸ್ಮಾರ್ಟ್‌ಫೋನ್‌ಗಳಾದ OnePlus 13 ಮತ್ತು OnePlus 13R ಅನ್ನು ಇಂದು ಬಿಡುಗಡೆ ಮಾಡಲಿದೆ.

OnePlus 13 Series:ಒನ್​ಪ್ಲಸ್​ ತನ್ನ ಎರಡು ಹೊಸ ಸ್ಮಾರ್ಟ್‌ಫೋನ್‌ಗಳಾದ OnePlus 13 ಮತ್ತು OnePlus 13R ಅನ್ನು ಇಂದು ಬಿಡುಗಡೆ ಮಾಡುತ್ತಿದೆ. ಕಂಪನಿಯ ಪ್ರೀಮಿಯಂ ಶ್ರೇಣಿಯಲ್ಲಿ ಬರುವ ಈ ಸ್ಮಾರ್ಟ್‌ಫೋನಿನ ವಿನ್ಯಾಸ, ಕಾರ್ಯಕ್ಷಮತೆ ಮತ್ತು ವೈಶಿಷ್ಟ್ಯಗಳಲ್ಲಿ ಹಲವು ಅಪ್​ಡೇಟ್​ಗಳನ್ನು ಮಾಡಲಾಗಿದೆ. ಬಿಡುಗಡೆಗೆ ಒಂದು ದಿನ ಮುಂಚಿತವಾಗಿ ಕಂಪನಿ ಅದರ ಕೆಲವು ವೈಶಿಷ್ಟ್ಯಗಳು ಮತ್ತು ಅಪ್​ಡೇಟ್​ಗಳ ಬಗ್ಗೆ ಮಾಹಿತಿ ನೀಡಿದೆ.

ಎರಡೂ ಫೋನ್‌ಗಳಲ್ಲಿ ಫ್ಲಾಟ್ ಡಿಸ್​ಪ್ಲೇ: ಈ ಸಾಲಿನಲ್ಲಿ ಕರ್ವ್ಡ್​ ಡಿಸ್​​ಪ್ಲೇಯನ್ನು ಬದಲಾಯಿಸುತ್ತಿದೆ. ಎರಡೂ ಸ್ಮಾರ್ಟ್‌ಫೋನ್‌ಗಳು ಹೊಸ ಫ್ಲಾಟ್ ಡಿಸ್‌ಪ್ಲೇಯೊಂದಿಗೆ ಬರಲಿದ್ದು, ಇದು ಹೊಸ ಲುಕ್​ ನೀಡುತ್ತದೆ. ಕ್ಯಾಮೆರಾ ಮಾಡ್ಯೂಲ್ ಹಳೆಯ ಸ್ಮಾರ್ಟ್‌ಫೋನ್‌ಗಳಂತೆ ವೃತ್ತಾಕಾರವಾಗಿದೆ. ಆದರೆ ಕ್ಯಾಮೆರಾ ಬಂಪ್ ಅನ್ನು ಫೋನ್‌ನ ಫ್ರೇಮ್‌ಗೆ ಸಂಪರ್ಕಿಸುವ ವಿನ್ಯಾಸ ಅಂಶವನ್ನು ತೆಗೆದುಹಾಕಲಾಗಿದೆ. ಇದರಿಂದಾಗಿ ಫೋನ್‌ನ ನೋಟ ಸಾಕಷ್ಟು ಬದಲಾಗಿದೆ. OnePlus 13 ವೀಗನ್​ ಲೇದರ್​ ಮತ್ತು ಗ್ಲಾಸ್​ ಫಿನಿಶಿಂಗ್‌ನಲ್ಲಿ ಮೂಡಿ ಬರಲಿದೆ. ಇದು ವಾಟರ್​ ಮತ್ತು ಡಸ್ಟ್​ ರೆಸಿಸ್ಟೆನ್ಸಿ IP68 ಮತ್ತು IP69 ರೇಟಿಂಗ್ ಪಡೆದುಕೊಂಡಿದೆ. OnePlus 13R ನಲ್ಲಿ ಗ್ರಾಹಕರು ಲೇದರ್​ ಆಯ್ಕೆಯನ್ನು ಪಡೆಯುವುದಿಲ್ಲ.

ಬ್ಯಾಟರಿ ಮತ್ತು ಸಾಫ್ಟ್‌ವೇರ್:ಎರಡೂ ಫೋನ್‌ಗಳು 6,000mAh ಪವರ್​ಫುಲ್​ ಬ್ಯಾಟರಿಯೊಂದಿಗೆ ಬರುತ್ತವೆ. ಇದು ಸ್ಪೀಡ್​ ಚಾರ್ಜಿಂಗ್ ಅನ್ನು ಸಪೋರ್ಟ್​ ಮಾಡುತ್ತದೆ. ಎರಡೂ ಫೋನ್‌ಗಳು ಆಂಡ್ರಾಯ್ಡ್ 15 ಆಧಾರಿತ ಆಕ್ಸಿಜನ್ OS15 ನಲ್ಲಿ ಕಾರ್ಯನಿರ್ವಹಿಸುತ್ತವೆ. OnePlus 13 ನಾಲ್ಕು ವರ್ಷಗಳವರೆಗೆ Android ಅಪ್​ಡೇಟ್​ಗಳನ್ನು ಮತ್ತು ಐದು ವರ್ಷಗಳವರೆಗೆ ಭದ್ರತಾ ಅಪ್​ಡೇಟ್​ಗಳನ್ನು ಪಡೆಯುವ ನಿರೀಕ್ಷೆಯಿದೆ. ಆದರೆ OnePlus 13R ಕ್ರಮವಾಗಿ ಮೂರು ಮತ್ತು ನಾಲ್ಕು ವರ್ಷಗಳವರೆಗೆ Android ಮತ್ತು ಭದ್ರತಾ ಅಪ್​ಡೇಟ್​ಗಳನ್ನು ಪಡೆಯುತ್ತದೆ.

ಟ್ರಿಪಲ್ ಕ್ಯಾಮೆರಾ ಸೆಟಪ್: OnePlus 13 50MP ಸೋನಿ LYT-808 ಪ್ರಾಥಮಿಕ ಸೆನ್ಸಾರ್​, 50MP ಟೆಲಿಫೋಟೋ ಲೆನ್ಸ್ ಮತ್ತು 50MP ಅಲ್ಟ್ರಾ-ವೈಡ್ ಕ್ಯಾಮೆರಾವನ್ನು ಹೊಂದುವ ನಿರೀಕ್ಷೆಯಿದೆ. ಮತ್ತೊಂದೆಡೆ, OnePlus 13R 50MP ಪ್ರಾಥಮಿಕ ಸೆನ್ಸಾರ್​, 50MP ಟೆಲಿಫೋಟೋ ಲೆನ್ಸ್ ಮತ್ತು 8MP ಅಲ್ಟ್ರಾ-ವೈಡ್ ಸೆನ್ಸಾರ್​ ಪಡೆಯಬಹುದು. ಈ OnePlus 13R ಕಂಪನಿಯ R-ಸರಣಿಯಲ್ಲಿ ಟೆಲಿಫೋಟೋ ಲೆನ್ಸ್‌ನೊಂದಿಗೆ ಬರುವ ಮೊದಲ ಫೋನ್ ಆಗಿರುತ್ತದೆ.

ಬೆಲೆ ಎಷ್ಟು?: ದೇಶದಲ್ಲಿ OnePlus 13 ನ ಬೆಲೆಯು 67,000 ರಿಂದ 70,000 ರೂಪಾಯಿಗಳ ನಡುವೆ ಇರಬಹುದು. ಆದರೆ OnePlus 13R ಅನ್ನು 50,000 ರೂಪಾಯಿಗಳಿಗಿಂತ ಕಡಿಮೆ ಬೆಲೆಗೆ ಬಿಡುಗಡೆ ಮಾಡಬಹುದು. 13 ರ ದುಬಾರಿ ಬೆಲೆಗೆ ಕಾರಣವೆಂದರೆ ಅದರಲ್ಲಿ ನೀಡಲಾದ ಸ್ನಾಪ್‌ಡ್ರಾಗನ್ 8 ಎಲೈಟ್ ಚಿಪ್‌ಸೆಟ್. ಆದರೆ, ಕಂಪನಿ ಇನ್ನೂ ಬೆಲೆಯ ಕುರಿತು ಯಾವುದೇ ಮಾಹಿತಿ ನೀಡಿಲ್ಲ.

ಇದನ್ನೂ ಓದಿ:ಅಥರ್​ ಇವಿ ಸ್ಕೂಟರ್​ 450 ಮಾಡೆಲ್​ ಬುಕಿಂಗ್​ ಶುರು, ಬೆಲೆ ಹೆಚ್ಚಿಸಿದ್ರೂ ಫೀಚರ್ಸ್ ಬೊಂಬಾಟ್