ಲೈಟ್ ಕಮರ್ಷಿಯಲ್ ವಿಭಾಗಕ್ಕೆ ಲಗ್ಗೆಯಿಟ್ಟ ಮಹೀಂದ್ರಾ ವೀರೊ: ಇದರ ಬೆಲೆ ಎಷ್ಟು ಗೊತ್ತಾ!? - Mahindra Veero LCV Launched

Mahindra Veero LCV Launched: ಮಹೀಂದ್ರಾ ಆ್ಯಂಡ್​ ಮಹೀಂದ್ರಾ ಇತ್ತೀಚೆಗೆ ಲಘು ವಾಣಿಜ್ಯ ವಿಭಾಗಕ್ಕೆ ಪ್ರವೇಶಿಸಿದೆ. ಮಹೀಂದ್ರಾ ಶಕ್ತಿಶಾಲಿ ಎಂಜಿನ್‌ನೊಂದಿಗೆ LCV ವಿಭಾಗದಲ್ಲಿ ವೀರೋವನ್ನು ಬಿಡುಗಡೆ ಮಾಡಿದೆ. ಇದರ ಬೆಲೆ, ವೈಶಿಷ್ಟ್ಯತೆಗಳು, ಇಂಜಿನ್ ಬಗ್ಗೆ ತಿಳಿಯೋಣ..

Mahindra Veero LCV Launched:ದೇಶದ ಪ್ರಮುಖ ಆಟೋಮೊಬೈಲ್ ತಯಾರಿಕಾ ಸಂಸ್ಥೆ ಮಹೀಂದ್ರಾ ಆ್ಯಂಡ್​ ಮಹೀಂದ್ರಾ ತನ್ನ ಹೊಸ ವಾಣಿಜ್ಯ ವಾಹನವನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. LCV ವಿಭಾಗದಲ್ಲಿ ಮಹೀಂದ್ರಾ ವೀರೊ 3.5 ಟನ್‌ಗಳ ಅಡಿಯಲ್ಲಿ ಲಘು ವಾಣಿಜ್ಯ ವಾಹನವನ್ನು ಪರಿಚಯಿಸಿದೆ. ಕಂಪನಿಯು ಈ ವೀರೊ ಲಘು ವಾಣಿಜ್ಯ ವಾಹನವನ್ನು ಮೂರು ರೂಪಾಂತರಗಳಲ್ಲಿ ಬಿಡುಗಡೆ ಮಾಡಿದೆ. ಇದರ ಬೆಲೆ, ವೈಶಿಷ್ಟ್ಯಗಳು, ಇಂಜಿನ್ ಕುರಿತು ಹೆಚ್ಚಿನ ವಿವರಗಳು ಇಲ್ಲಿವೆ..

ಮಹೀಂದ್ರ Viro LCV ವೈಶಿಷ್ಟ್ಯಗಳು:

• ಡ್ರೈವರ್ ಸೀಟ್ ಸ್ಲೈಡ್ ಮತ್ತು ರಿಕ್ಲೈನ್​
• ಫ್ಲಾಟ್ ಫೋಲ್ಡ್ ಸೀಟ್ಸ್​
• ಡೋರ್ ಆರ್ಮ್ ರೆಸ್ಟ್​ಗಳು
• ಮೊಬೈಲ್ ಡಾಕ್
• ಪಿಯಾನೋ ಬ್ಲ್ಯಾಕ್​ ಕ್ಲಸ್ಟರ್ ಬೆಜೆಲ್​
• ಡ್ರೈವರ್​ ಏರ್​ಬ್ಯಾಗ್​
• ಹೀಟರ್ ಆ್ಯಂಡ್​ ಎಸಿ
• ಸ್ಪೀಡ್​ ಚಾರ್ಜಿಂಗ್ USB C- ಟೈಪ್
• 26.03 ಸೆಂ. ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್
• ರಿವರ್ಸ್ ಪಾರ್ಕಿಂಗ್
• ಕ್ಯಾಮರಾ
• ಸ್ಟೀರಿಂಗ್-ಮೌಂಟೆಡ್ ಕಂಟ್ರೋಲ್ಸ್​
• ಪವರ್ಡ್​ ವಿಂಡೋಸ್
• ಡೀಸೆಲ್ ವರ್ಸನ್​ ಲೀಟರ್​ಗೆ 18.4 ಕಿ.ಮೀ. ಮೈಲೇಜ್
• CNG ರೂಪಾಂತರಕ್ಕಾಗಿ 19.2 kmpl ಮೈಲೇಜ್​
• ಬೆಲೆ: ರೂ. 7.99 ಲಕ್ಷದಿಂದ ಆರಂಭ

ಮಹೀಂದ್ರ ವೀರೋ LCV ಎಂಜಿನ್: ಕಂಪನಿಯು ಮಹೀಂದ್ರಾ ವೀರೊವನ್ನು ಡೀಸೆಲ್ ಮತ್ತು CNG ಆಯ್ಕೆಗಳಲ್ಲಿ ಬಿಡುಗಡೆ ಮಾಡಿದೆ. ಇದು 1.5-ಲೀಟರ್ mDI ಡೀಸೆಲ್ ಎಂಜಿನ್​ನಿಂದ ನಿಯಂತ್ರಿಸಲ್ಪಡುತ್ತದೆ ಮತ್ತು ಇದು 59.7 kW ಪವರ್ ಮತ್ತು 210 Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. CNG ಯೊಂದಿಗೆ ಲಭ್ಯವಿರುವ ಈ ಎಂಜಿನ್ 67.2 kW ಪವರ್ ಮತ್ತು 210 Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.

ಮಹೀಂದ್ರಾ ವೀರೊ LCV ಸಾಮರ್ಥ್ಯ: ಈ ಮಹೀಂದ್ರಾ ವಾಹನವನ್ನು CBC, ಸ್ಟ್ಯಾಂಡರ್ಡ್ ಡೆಕ್ ಮತ್ತು ಹೈ ಡೆಕ್ ಕಾರ್ಗೋಗಾಗಿ ವಿನ್ಯಾಸಗೊಳಿಸಲಾಗಿದೆ. ಅವುಗಳು XL 2765 mm, XXL 3035 mm ಅನ್ನು ಒಳಗೊಂಡಿವೆ. ಇದರ ಹೊರೆ ಸಾಮರ್ಥ್ಯ ಡೀಸೆಲ್ 1.55 ಟನ್ ಮತ್ತು CNG ಎಂಜಿನ್ ಸಾಮರ್ಥ್ಯ 1.5 ಟನ್.

Mahindra Veero LCV ಬೆಲೆ:Mahindra Veero LCV ಬೆಲೆ ರೂ. 7.99 ಲಕ್ಷ ಪ್ರಾರಂಭವಾಗುತ್ತದೆ. V2 CBC XL ರೂಪಾಂತರವನ್ನು ಈ ಬೆಲೆಯಲ್ಲಿ ಖರೀದಿಸಬಹುದು. ಅಲ್ಲದೆ, V6 SD XL ರೂಪಾಂತರವು ರೂ.9.56 ಲಕ್ಷ (ಎಕ್ಸ್ ಶೋ ರೂಂ) ಬೆಲೆಯಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಿದೆ.

ಓದಿ:ಸ್ವೀಡನ್‌ನಿಂದ ಫಿನ್‌ಲ್ಯಾಂಡ್‌ಗೆ ಪ್ರಯಾಣಿಸಿ ವಿಶ್ವದಾಖಲೆ ಬರೆದ ಎಲೆಕ್ಟ್ರಿಕ್ ಬೋಟ್​! - High Speed Electric Boat