ಆಂಡ್ರಾಯ್ಡ್​ ಬಳಕೆದಾರರಿಗೆ ಹೊಸ 5 ವೈಶಿಷ್ಟ್ಯಗಳನ್ನು ಪರಿಚಯಿಸಿದ ಗೂಗಲ್​ - Google Features For Android Users

Google Features For Android Users: ಆಂಡ್ರಾಯ್ಡ್ ಬಳಕೆದಾರರಿಗಾಗಿ ಗೂಗಲ್​ ಕಂಪನಿ 5 ಹೊಸ ವೈಶಿಷ್ಟ್ಯಗಳನ್ನು ಪರಿಚಯಿಸಿದೆ. ಇವುಗಳಲ್ಲಿ 'ಸರ್ಕಲ್ ಟು ಸರ್ಚ್' ಮತ್ತು 'ಟಾಕ್ ಬ್ಯಾಕ್' ನಂತಹ ವೈಶಿಷ್ಟ್ಯಗಳು ಸೇರಿವೆ. ಇವುಗಳು ಹೇಗೆ ಕೆಲಸ ಮಾಡುತ್ತವೆ ಎಂಬುದರ ಮಾಹಿತಿ ಇಲ್ಲಿದೆ..

Google Features For Android Users:ಆಂಡ್ರಾಯ್ಡ್ ಬಳಕೆದಾರರಿಗಾಗಿ ಗೂಗಲ್ ಕಂಪನಿ 5 ಹೊಸ ವೈಶಿಷ್ಟ್ಯಗಳನ್ನು ತಂದಿದೆ. ಆಡಿಯೋ ಸಹಾಯದಿಂದ ಸಂಗೀತವನ್ನು ಅನ್ವೇಷಿಸಲು 'ಸರ್ಕಲ್ ಟು ಸರ್ಚ್' ಎಂಬ ವೈಶಿಷ್ಟ್ಯವನ್ನು ತಂದಿದೆ. ನೈಸರ್ಗಿಕ ವಿಕೋಪಗಳ ಆರಂಭಿಕ ಜ್ಞಾನವನ್ನು ಸಕ್ರಿಯಗೊಳಿಸಲು ಮತ್ತೊಂದು ವೈಶಿಷ್ಟ್ಯವನ್ನು ಪರಿಚಯಿಸಲಾಗಿದೆ. ಗೂಗಲ್ ತನ್ನ ಬ್ಲಾಗ್ ಪೋಸ್ಟ್‌ನಲ್ಲಿ ಇದನ್ನು ಬಹಿರಂಗಪಡಿಸಿದೆ. ಈ ವೈಶಿಷ್ಟ್ಯಗಳನ್ನು Android ಸ್ಮಾರ್ಟ್‌ಫೋನ್‌ಗಳು, ಟ್ಯಾಬ್ಲೆಟ್‌ಗಳು ಮತ್ತು OS ಚಾಲಿತ ವಾಚ್‌ಗಳಲ್ಲಿ ಬಳಸಬಹುದಾಗಿದೆ.

Circle to Search:ನಾವು ಸಾಮಾಜಿಕ ಮಾಧ್ಯಮದಲ್ಲಿ ಅನೇಕ ಹಾಡುಗಳನ್ನು ಇಷ್ಟಪಡುತ್ತೇವೆ. ಆ ಹಾಡನ್ನು ಹುಡುಕಲು ಸಾಹಿತ್ಯವನ್ನು ನೆನಪಿಸಿಕೊಳ್ಳಬೇಕು ಅಥವಾ ವಿಶೇಷ ಸಾಧನಗಳನ್ನು ಬಳಸಬೇಕಾಗುತ್ತದೆ. ಇದೆಲ್ಲವೂ ತುಂಬಾ ಕಷ್ಟಕರವಾಗಿರುತ್ತದೆ. ಅದಕ್ಕಾಗಿಯೇ ಗೂಗಲ್ ಇನ್ಮುಂದೆ ಅಂತಹ ಅಗತ್ಯವಿಲ್ಲದೆ 'ಸರ್ಕಲ್ ಟು ಸರ್ಚ್' ಎಂಬ ವೈಶಿಷ್ಟ್ಯವನ್ನು ತಂದಿದೆ. 'ಸರ್ಕಲ್ ಟು ಸರ್ಚ್' ವೈಶಿಷ್ಟ್ಯವನ್ನು ಸಕ್ರಿಯಗೊಳಿಸಲು ನಿಮ್ಮ Android ಫೋನ್‌ನಲ್ಲಿ ಹೋಮ್ ಬಟನ್ ಅನ್ನು ದೀರ್ಘಕಾಲ ಒತ್ತಿರಿ. ಅದು ಪ್ಲೇ ಆಗುತ್ತಿರುವ ಹಾಡನ್ನು ತಕ್ಷಣವೇ ಪತ್ತೆ ಮಾಡುತ್ತದೆ ಮತ್ತು ಅದರ ವಿವರಗಳನ್ನು ಸ್ಕ್ರೀನ್​ ಮೇಲೆ ಪ್ರದರ್ಶಿಸುತ್ತದೆ. ಇದು ಹಾಡಿಗೆ ಸಂಬಂಧಿಸಿದ ಚಲನಚಿತ್ರ, ಗಾಯಕ/ಗಾಯಕಿ ಸೇರಿದಂತೆ ಮುಂತಾದ ಎಲ್ಲಾ ವಿವರಗಳನ್ನು ನೀಡುತ್ತದೆ. ಇದಲ್ಲದೆ, ಇದು ಆ ಹಾಡಿಗೆ ಸಂಬಂಧಿಸಿದ YouTube ವಿಡಿಯೋಗಳನ್ನು ಸಹ ತೋರಿಸುತ್ತದೆ.

TalkBack:ದೃಷ್ಟಿ ವಿಕಲಚೇತನರಿಗಾಗಿ ಗೂಗಲ್ ಈ ಟಾಕ್‌ಬ್ಯಾಕ್ ವೈಶಿಷ್ಟ್ಯವನ್ನು ತಂದಿದೆ. ಇದನ್ನು ಬಳಸಿಕೊಂಡು ದೃಷ್ಟಿ ವಿಕಲಚೇತನರು ಡಿಜಿಟಲ್ ವಿಷಯವನ್ನು ಸುಲಭವಾಗಿ ನ್ಯಾವಿಗೇಟ್ ಮಾಡಬಹುದು. ಈ Google ಉಪಕರಣವು ಬಳಕೆದಾರರಿಗೆ ಪರದೆಯ ಮೇಲಿನ ಪಠ್ಯವನ್ನು ಗಟ್ಟಿಯಾಗಿ ಓದುತ್ತದೆ. ಈ ಟಾಕ್‌ಬ್ಯಾಕ್ ವೈಶಿಷ್ಟ್ಯವು Google ನ ಮುಂದುವರಿದ ಆವೃತ್ತಿಯ AI ಜೆಮಿನಿಯ ಸಹಾಯದಿಂದ ಕಾರ್ಯನಿರ್ವಹಿಸುತ್ತದೆ.

ಉದಾಹರಣೆಗೆ, ಸಾಮಾಜಿಕ ಮಾಧ್ಯಮದಲ್ಲಿ ಯಾವುದೇ ಫೋಟೋವನ್ನು ಹುಡುಕುವಾಗ ಈ ಟಾಕ್‌ಬ್ಯಾಕ್ ಆ ಫೋಟೋದಲ್ಲಿರುವ ಜನರು, ಅವರು ಧರಿಸಿರುವ ಬಟ್ಟೆ, ಅವರ ಸುತ್ತಲಿನ ಪರಿಸರ ಮತ್ತು ಅವರು ಮಾಡುತ್ತಿರುವ ಕೆಲಸಗಳ ಬಗ್ಗೆ ಎಲ್ಲವನ್ನೂ ವಿವರಿಸುತ್ತದೆ. ಜೆಮಿನಿ AI ಅನ್ನು ಬೆಂಬಲಿಸುವ ಸಾಧನಗಳಲ್ಲಿ ಈ ವೈಶಿಷ್ಟ್ಯವು ಲಭ್ಯವಿರುತ್ತದೆ ಎಂದು ಗೂಗಲ್ ಹೇಳಿದೆ.

Text To Speech: ಯಾವುದಾದ್ರು ವಿಷಯದ ಬಗ್ಗೆ ತಿಳಿದುಕೊಳ್ಳಬೇಕಂದ್ರೆ ನಾವು ಅದರ ಬಗ್ಗೆ ಓದಬೇಕು. ಆದರೆ ಇದು ತುಂಬಾ ಬೇಸರವಾಗುತ್ತದೆ. ಅದಕ್ಕಾಗಿಯೇ ನಿಮ್ಮ ನೆಚ್ಚಿನ ವಿಷಯವನ್ನು ನೇರವಾಗಿ ಕೇಳಲು ಗೂಗಲ್ ಹೊಸ ಉಪಕರಣವನ್ನು ತಂದಿದೆ. ನೀವು ಇತ್ತೀಚಿನ ಸುದ್ದಿಗಳನ್ನು ತಿಳಿದುಕೊಳ್ಳಲು ಅಥವಾ ಪಾಕವಿಧಾನಗಳ ಬಗ್ಗೆ ಓದಲು ಬಯಸುತ್ತಿದ್ದರೆ ಈ ಹೊಸ Google ಉಪಕರಣವು ನಿಮಗೆ ಓದಿ ಹೇಳುತ್ತದೆ. ಗೂಗಲ್ ಕ್ರೋಮ್ ಬ್ರೌಸರ್ ಈ ವೈಶಿಷ್ಟ್ಯವನ್ನು ಹೊಂದಿದೆ. ಆದ್ದರಿಂದ ನೀವು ನಿಮ್ಮ ನೆಚ್ಚಿನ ವಿಷಯವನ್ನು ನಿಮ್ಮ ನೆಚ್ಚಿನ ಧ್ವನಿ, ಸ್ಪೀಡ್​ ಮತ್ತು ಇತರೆ ಭಾಷೆಗಳಲ್ಲಿ ಕೇಳಬಹುದು. ಮನೆಯಲ್ಲಿ ಕೆಲಸ ಮಾಡುವಾಗ ತಮ್ಮ ನೆಚ್ಚಿನ ವಿಷಯವನ್ನು ಕೇಳಲು ಬಯಸುವವರಿಗೆ ಇದು ಅತ್ಯುತ್ತಮ ವೈಶಿಷ್ಟ್ಯವಾಗಿದೆ.

Android Earthquake Alerts System: ಭೂಕಂಪನದ ಮುನ್ನ ಬಳಕೆದಾರರಿಗೆ ಎಚ್ಚರಿಕೆ ನೀಡಲು ಗೂಗಲ್ ಮತ್ತೊಂದು ಹೊಸ ವೈಶಿಷ್ಟ್ಯವನ್ನು ತಂದಿದೆ. ಸಮೀಪದ ಪ್ರದೇಶದಲ್ಲಿ ಭೂಕಂಪ ಸಂಭವಿಸಿದರೆ, ಈ ವೈಶಿಷ್ಟ್ಯವು ಕೆಲವು ಸೆಕೆಂಡುಗಳ ಮೊದಲು ನಿಮ್ಮನ್ನು ಎಚ್ಚರಿಸುತ್ತದೆ. ಅಷ್ಟೇ ಅಲ್ಲ, ಭೂಕಂಪ ಸಂಭವಿಸಿದಾಗ ಯಾವ ಮುನ್ನೆಚ್ಚರಿಕೆ ವಹಿಸಬೇಕು ಎಂಬ ಸಲಹೆ, ಸೂಚನೆಗಳನ್ನೂ ನೀಡುತ್ತದೆ. ಪ್ರಸ್ತುತ ಈ ವೈಶಿಷ್ಟ್ಯವು ಅಮೆರಿಕದಲ್ಲಿ ಮಾತ್ರ ಲಭ್ಯವಿದೆ. ಶೀಘ್ರದಲ್ಲೇ ಇತರ ದೇಶಗಳಿಗೂ ವಿಸ್ತರಿಸುವ ಸಾಧ್ಯತೆ ಇದೆ.

Wear OS smartwatches:ನಮಗೆ ಬೇಕಾದ ಸ್ಥಳಗಳ ಬಗ್ಗೆ ನಾವು ತಿಳಿದುಕೊಳ್ಳಲು ಬಯಸಿದಾಗ ಮೊದಲು ನೆನಪಾಗುವುದು ಗೂಗಲ್​ ಮ್ಯಾಪ್​. ಈಗ ನಾವು ಫೋನ್‌ ಮೂಲಕ ಗೂಗಲ್ ಮ್ಯಾಪ್​ ಸಹಾಯದಿಂದ ಇತರೆ ಸ್ಥಳಗಳ ಅಥವಾ ನಮ್ಮ ಗಮ್ಯ ಸ್ಥಾನದ ಬಗ್ಗೆ ತಿಳಿದುಕೊಳ್ಳುತ್ತೇವೆ. ಆದರೆ ಇದಕ್ಕಾಗಿ ಪ್ರತಿ ಬಾರಿ ಮೊಬೈಲ್ ನೋಡಬೇಕಾಗುತ್ತದೆ. ಇನ್ನು ಇದರ ಅಗತ್ಯವಿಲ್ಲ. ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಮ್ಯಾಪ್​ ನೋಡುವ ವೈಶಿಷ್ಟ್ಯವನ್ನು ಗೂಗಲ್ ತಂದಿದೆ. ಆದರೆ ಇದಕ್ಕಾಗಿ ನೀವು ಮೊದಲು ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಗೂಗಲ್ ನಕ್ಷೆಗಳನ್ನು ಡೌನ್‌ಲೋಡ್ ಮಾಡಿಕೊಳ್ಳಬೇಕು. ಇದು ನೆಟ್‌ವರ್ಕ್ ಐಡಲ್‌ನೊಂದಿಗೆ ಕಾರ್ಯನಿರ್ವಹಿಸುತ್ತದೆ.

ಓದಿ:ಉಚಿತ ಇ-ಪ್ಯಾನ್ ಕಾರ್ಡ್‌ಗೆ ಅರ್ಜಿ ಸಲ್ಲಿಸುವುದು ಹೇಗೆ ಗೊತ್ತೇ? ಇಲ್ಲಿದೆ ಸುಲಭ ವಿಧಾನ - Free e PAN Card