ಪಿನಾಕಾ ವೆಪನ್​ ಸಿಸ್ಟಮ್​ ಪರೀಕ್ಷೆ ಯಶಸ್ವಿ: ಡಿಆರ್​ಡಿಒ ಮತ್ತೊಂದು ಸಾಧನೆ

Pinaka Weapon System: ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್‌ಡಿಒ) ಪಿನಾಕಾ ವೆಪನ್​ ಸಿಸ್ಟಮ್​ ಅನ್ನು ಯಶಸ್ವಿಯಾಗಿ ಪರೀಕ್ಷೆ ನಡೆಸಿದೆ. ಇದರಿಂದ ಭಾರತೀಯ ಸೇನೆಯ ಬಲ ಹೆಚ್ಚಲಿದೆ.

Pinaka Weapon System: ಪಿನಾಕಾ ವೆಪನ್​ ಸಿಸ್ಟಮ್​ ಅನ್ನು ಡಿಆರ್‌ಡಿಒ ಯಶಸ್ವಿಯಾಗಿ ಪರೀಕ್ಷೆ ನಡೆಸಿದೆ. ಪ್ರವೇಜಿನಲ್​ ಸ್ಟಾಫ್​ ಕ್ವಾಲಿಟೇಟಿವ್​ ರಿಕ್ರ್ಯೂಟಮೆಂಟ್​ (PSQR) ಅಡಿಯಲ್ಲಿ ಈ ಪರೀಕ್ಷೆ ನಡೆಯಿತು. ವಿವಿಧ ಫೈರಿಂಗ್ ರೇಂಜ್‌ಗಳಲ್ಲಿ ನಡೆದ ಮೂರು ಹಂತಗಳ ಪರೀಕ್ಷೆಯಲ್ಲಿ ರಾಕೆಟ್‌ನ ಉಡಾವಣಾ ಸಾಮರ್ಥ್ಯ, ನಿಖರತೆ ಮತ್ತು ಸ್ಥಿರತೆಯನ್ನು ಗಮನಿಸಲಾಗಿದೆ.

ಈ ಪರೀಕ್ಷೆ ರಕ್ಷಣಾ ದೃಷ್ಟಿಯಿಂದ ಬಹಳ ಮಹತ್ವದ್ದಾಗಿದೆ. ಇದು ಪಿನಾಕಾ ವೆಪನ್​ ಸಿಸ್ಟಮ್ ಅನ್ನು ಭಾರತೀಯ ಸೇನೆಗೆ ಸೇರಿಸುವ ಮೊದಲು ಕೊನೆಯ ಹಂತದ ಪರೀಕ್ಷೆಯಾಗಿತ್ತು. ಈ ವೇಳೆ ರಾಕೆಟ್‌ನ ವ್ಯಾಪ್ತಿ, ನಿಖರತೆ, ಸ್ಥಿರತೆ ಮತ್ತು ಏಕಕಾಲದಲ್ಲಿ ಅನೇಕ ಗುರಿಗಳ ಮೇಲೆ ದಾಳಿ ಮಾಡುವ ಸಾಮರ್ಥ್ಯವನ್ನು ಪರೀಕ್ಷಿಸಲಾಯಿತು. ಪರೀಕ್ಷೆಗೆ ಎರಡು ಪಿನಾಕಾ ಲಾಂಚರ್‌ಗಳನ್ನು ಬಳಸಲಾಗಿದೆ. ಇದು ಯಶಸ್ವಿಯಾದ ನಂತರ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಡಿಆರ್​ಡಿಒ ಮತ್ತು ಭಾರತೀಯ ಸೇನೆಯನ್ನು ಅಭಿನಂದಿಸಿದ್ದಾರೆ. ಗೈಡೆಡ್​ ಪಿನಾಕಾ ವೆಪನ್​ ಸಿಸ್ಟಮ್​ ಅನ್ನು ಸಶಸ್ತ್ರ ಪಡೆಗಳ ಫೈರ್‌ಪವರ್ ಅನ್ನು ಇನ್ನಷ್ಟು ಹೆಚ್ಚಿಸುತ್ತದೆ ಎಂದು ಅವರು ಹೇಳಿದ್ದಾರೆ.

ಡಿಆರ್‌ಡಿಒ ಮುಖ್ಯಸ್ಥ ಡಾ.ಸಮೀರ್ ವಿ. ಕಾಮತ್ ಪರೀಕ್ಷೆಯಲ್ಲಿ ಭಾಗವಹಿಸಿದ ತಂಡಗಳನ್ನು ಅಭಿನಂದಿಸಿದರು. ರಾಕೆಟ್ ವ್ಯವಸ್ಥೆಯು ಭಾರತೀಯ ಸೇನೆಗೆ ಸೇರ್ಪಡೆಗೊಳ್ಳುವ ಮೊದಲು ಅಗತ್ಯವಿರುವ ಎಲ್ಲಾ ಅಗತ್ಯ ಹಾರಾಟ ಪರೀಕ್ಷೆಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದೆ ಎಂದು ಹೇಳಿದರು.

ನಿಖರವಾದ ಸ್ಟ್ರೈಕ್ ಪಿನಾಕಾ ಮಲ್ಟಿಪಲ್ ಲಾಂಚ್ ರಾಕೆಟ್ ಸಿಸ್ಟಮ್ ಅನ್ನು ಸಂಪೂರ್ಣವಾಗಿ ಭಾರತದಲ್ಲಿ ತಯಾರಿಸಲಾಗುತ್ತದೆ. ಇದನ್ನು ಅನೇಕ ಇತರ ಸಂಸ್ಥೆಗಳ ಸಹಯೋಗದೊಂದಿಗೆ ಆರ್ಮಾಮೆಂಟ್ಸ್ ರಿಸರ್ಚ್ ಅಂಡ್ ಡೆವಲಪ್‌ಮೆಂಟ್ ಎಸ್ಟಾಬ್ಲಿಷ್‌ಮೆಂಟ್ ಅಭಿವೃದ್ಧಿಪಡಿಸಿದೆ. ಈ ಸಂಸ್ಥೆಗಳಲ್ಲಿ ಸಂಶೋಧನಾ ಕೇಂದ್ರ ಕಟ್ಟಡಗಳು, ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಪ್ರಯೋಗಾಲಯಗಳು, ಹೆಚ್ಚಿನ ಶಕ್ತಿಯ ವಸ್ತುಗಳ ಸಂಶೋಧನಾ ಪ್ರಯೋಗಾಲಯಗಳು ಸೇರಿವೆ.

ಪಿನಾಕಾ ವೆಪನ್​ ಎಂದರೇನು?: ಪಿನಾಕಾ ವೆಪನ್​ ಸಿಸ್ಟಮ್​ ಶತ್ರುಗಳಿಗೆ ಮಾರಕವಾಗಲಿದೆ. ಇದರ ಶಕ್ತಿ ಅಗಾಧವಾಗಿದೆ. ಈಗ ಇದು 25 ಮೀಟರ್ ಗುರಿಯ ನಿಖರತೆಯನ್ನು 75 ಕಿಮೀ ದೂರದವರೆಗೆ ಸಾಧಿಸಬಹುದು. ಇದರ ವೇಗ ಸೆಕೆಂಡಿಗೆ 1000-1200 ಮೀಟರ್ ಆಗಿದೆ. ಅಂದರೆ ಒಂದು ಸೆಕೆಂಡಿನಲ್ಲಿ ಒಂದು ಕಿಲೋಮೀಟರ್​ವರೆಗೆ ಕ್ರಮಿಸುತ್ತದೆ. ಒಮ್ಮೆ ಲಾಂಚ್​ ಆದ್ರೆ ಇದನ್ನು ತಡೆಯುವುದು ಅಸಾಧ್ಯ. ಮೊದಲು 38 ಕಿ.ಮೀ ಇದ್ದ ಪಿನಾಕಾದ ವ್ಯಾಪ್ತಿ ಈಗ 75 ಕಿ.ಮೀ.ಗೆ ಏರಿಕೆಯಾಗಲಿದೆ. ಇದರ ನಿಖರತೆಯೂ ಮೊದಲಿಗಿಂತ ಹಲವು ಪಟ್ಟು ಉತ್ತಮವಾಗಿದೆ.

ಇದನ್ನೂ ಓದಿ:ಒಡಿಶಾ ಕರಾವಳಿಯಲ್ಲಿ DRDO 'ಲಾಂಗ್ ರೇಂಜ್ ಲ್ಯಾಂಡ್ ಅಟ್ಯಾಕ್ ಕ್ರೂಸ್' ಕ್ಷಿಪಣಿ ಪರೀಕ್ಷೆ ಯಶಸ್ವಿ