ಇಂದಿನಿಂದ ಮುತ್ತಿನ ನಗರಿಯಲ್ಲಿ ತಂತ್ರಜ್ಞಾನ ಉತ್ಸವ, ಸಾವಿರಾರು ವಿದ್ಯಾರ್ಥಿಗಳ ಪ್ರತಿಭೆ ಅನಾವರಣಕ್ಕೆ ವೇದಿಕೆ

ATMOS 2024: ಇಂದಿನಿಂದ ತೆಲಂಗಾಣದ ರಾಜಧಾನಿ ಹೈದರಾಬಾದ್​ನಲ್ಲಿ ತಂತ್ರಜ್ಞಾನ ಜಾತ್ರೆ ನಡೆಯಲಿದೆ. ಈವೆಂಟ್​ನಲ್ಲಿ ಸಾವಿರಾರು ವಿದ್ಯಾರ್ಥಿಗಳು ತಮ್ಮ ಪ್ರತಿಭೆ ಪ್ರದರ್ಶಿಸಲಿದ್ದಾರೆ.

ATMOS 2024:ಇಂದಿನಿಂದ ನವೆಂಬರ್ 10ರವರೆಗೆ 'ATMOS 2024' ತಂತ್ರಜ್ಞಾನ ಜಾತ್ರೆ ಹೈದರಾಬಾದ್‌ನ ಬಿಟ್ಸ್ ಪಿಲಾನಿ​ ಕ್ಯಾಂಪಸ್‌ನಲ್ಲಿ ನಡೆಯಲಿದೆ.

ಇದು ವಾರ್ಷಿಕ ATMOS ಈವೆಂಟ್ ಆಗಿದ್ದು ವಿವಿಧ ಚಟುವಟಿಕೆಗಳೊಂದಿಗೆ ಯುವಜನತೆಯನ್ನು ಆಕರ್ಷಿಸಲಿದೆ. ರೋಬೋಟ್​ ವಾರ್ಸ್​, ಡ್ರೋನ್​ ರೇಸಿಂಗ್​ ಮತ್ತು ಹ್ಯಾಕಥಾನ್​ನಂತಹ ಸ್ಪರ್ಧೆಗಳನ್ನು ಆಯೋಜಿಸಲಾಗಿದೆ. ಅಷ್ಟೇ ಅಲ್ಲದೇ ಟೆಕ್​ ಎಕ್ಸ್​ಪೋ, ಇನ್ನೋವೇಶನ್ಸ್​, ರೇಸಿಂಗ್​ ಮತ್ತು ಕ್ವಿಜ್​ ಸ್ಪರ್ಧೆಗಳಿವೆ.

ಈ ವರ್ಷದ ವಿಶೇಷ ರೊಬೊಟ್ ವಾರ್ಸ್. ರಾಷ್ಟ್ರವ್ಯಾಪಿ ವಿವಿಧ ಕಾಲೇಜುಗಳ ವಿದ್ಯಾರ್ಥಿಗಳು ತಯಾರಿಸಿದ 20ಕ್ಕೂ ಹೆಚ್ಚು ರೋಬೋಟ್‌ಗಳನ್ನು ಇದು ಒಳಗೊಂಡಿದೆ. ಡ್ರೋನ್ ರೇಸಿಂಗ್ ಕೂಡ ಪ್ರಮುಖ ಆಕರ್ಷಣೆಯಾಗಲಿದೆ. ಮೇಳದಲ್ಲಿ ವೃತ್ತಿಪರ ಎಫ್​ಪಿವಿ ಚಾಲಕರೂ ಭಾಗವಹಿಸಲಿದ್ದಾರೆ.

ಎಟಿವಿ ರೇಸಿಂಗ್‌ನಲ್ಲಿ ವಿದ್ಯಾರ್ಥಿಗಳು ಆಟೋ ಎಕ್ಸ್‌ಪೋ ಮತ್ತು ಟೈಮ್ ಅಟ್ಯಾಕ್ ಸ್ಪರ್ಧೆಯ ಭಾಗವಾಗಿ ತಾವು ನಿರ್ಮಿಸಿದ ವಾಹನಗಳನ್ನು ಓಡಿಸುತ್ತಾರೆ. ದೇಶಾದ್ಯಂತ ಹತ್ತು ಎಟಿವಿ ತಂಡಗಳು ಸ್ಪರ್ಧಿಸಲಿವೆ. ವಿದ್ಯಾರ್ಥಿಗಳ ಕೋಡಿಂಗ್ ಕೌಶಲ್ಯಗಳನ್ನು ಪ್ರದರ್ಶಿಸುವ ಹ್ಯಾಕಥಾನ್ ಸಹ ಇರುತ್ತದೆ.

ಟೆಕ್ ಎಕ್ಸ್‌ಪೋ, ಎಐ, ರೊಬೊಟಿಕ್ಸ್ ಮತ್ತು ಸಾಫ್ಟ್‌ವೇರ್ ಅಭಿವೃದ್ಧಿಯಲ್ಲಿನ ನಾವೀನ್ಯತೆಗಳನ್ನು ಒಳಗೊಂಡಂತೆ 100ಕ್ಕೂ ಹೆಚ್ಚು ಯೋಜನೆಗಳನ್ನು ಪ್ರದರ್ಶಿಸಲಾಗುತ್ತದೆ. 5,000ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ತಮ್ಮ ಹೊಸ ಯೋಜನೆಗಳನ್ನು ಪ್ರಸ್ತುತಪಡಿಸಲಿದ್ದಾರೆ. ಎಲ್ಲ ಸ್ಪರ್ಧೆಗಳಿಗೂ ಆಯೋಜಕರು ಬಹುಮಾನ ನೀಡಲಿದ್ದಾರೆ.

ATMOS ತಾಂತ್ರಿಕ ಸ್ಪರ್ಧೆಗಳು, ಮ್ಯೂಸಿಕ್​ ವರ್ಕ್​ಶಾಪ್​, ಅಪರಾಧ ದೃಶ್ಯ ತನಿಖೆಗಳು, ವ್ಯಾಪಾರ ಸ್ಪರ್ಧೆಗಳು, ಆಟದ ಕೊಠಡಿಗಳು ಮತ್ತು ಪೇಪರ್​ ಪ್ರೆಸೆಂಟೇಶನ್​ ಒಳಗೊಂಡಿದೆ. ಸೆಲೆಬ್ರಿಟಿಗಳ ಭೇಟಿ ಮತ್ತು ಸಂಗೀತ ಕಚೇರಿಗಳೂ ಇವೆ. ವಿದ್ಯಾರ್ಥಿಗಳು ಮತ್ತು ಸಂದರ್ಶಕರಿಗೆ ಆಧುನಿಕ ತಂತ್ರಜ್ಞಾನ ಆಧರಿತ ಜ್ಞಾನ ಮತ್ತು ಮೂರು ದಿನಗಳ ಕಾಲ ವಿವಿಧ ರೀತಿಯ ಮನರಂಜನೆಯನ್ನು ಒದಗಿಸುವ ಗುರಿಯನ್ನು ಈವೆಂಟ್ ಹೊಂದಿದೆ.

ATMOS 2024ಕ್ಕೆ 'ಈಟಿವಿ ತೆಲಂಗಾಣ' ಮತ್ತು 'ಈಟಿವಿ ಭಾರತ' ಡಿಜಿಟಲ್​ ಪಾಲುದಾರರಾಗಿದ್ದಾರೆ.

ಇದನ್ನೂ ಓದಿ:ಬೈಕ್​ ಲವರ್ಸ್​ಗೆ ಖುಷಿ ಸುದ್ದಿ​: ಮಾರುಕಟ್ಟೆಗೆ ಬರಲಿವೆ ಹೀರೋ ಮೋಟೋಕಾರ್ಪ್​ನ 4 ವಾಹನಗಳು​