ವಾಹನ​ ಪ್ರಿಯರಿಗೆ ಗುಡ್​ ನ್ಯೂಸ್​: ಕೆಟಿಎಂ ಇಂಡಿಯಾ ಬೈಕ್​ ಮೇಲೆ ಭಾರೀ ಡಿಸ್ಕೌಂಟ್​!

2024 KTM 250 Duke: ಕೆಟಿಎಂ ಇಂಡಿಯಾ ಬೈಕ್​ ಅಭಿಮಾನಿಗಳಿಗೆ ಸಿಹಿ ಸುದ್ದಿಯೊಂದಿದೆ. 2024 KTM 250 ಡ್ಯೂಕ್ ಮೇಲೆ 20 ಸಾವಿರ ರೂಪಾಯಿವರೆಗೆ ರಿಯಾಯಿತಿ ಘೋಷಿಸಿದೆ.

2024 KTM 250 Duke:ಬೈಕ್ ಪ್ರಿಯರಿಗೆ ಸಂತಸದ ಸುದ್ದಿ. ಪ್ರೀಮಿಯಂ ಮತ್ತು ಸ್ಪೋರ್ಟ್ಸ್ ಬೈಕ್‌ಗಳ ತಯಾರಕ ಕೆಟಿಎಂ ಇಂಡಿಯಾ ತನ್ನ ವರ್ಷಾಂತ್ಯದ ಕೊಡುಗೆ ಪ್ರಕಟಿಸಿದೆ. ಇನ್ನು ಕೆಲವೇ ದಿನಗಳಲ್ಲಿ ಹೊಸ ವರ್ಷ ಬರಲಿದೆ. ಈ ಹಿನ್ನೆಲೆ ಕಂಪನಿಯು ತನ್ನ '2024 KTM 250 Duke' ಪರ್ಫಾರ್ಮೆನ್ಸ್​ ಬೈಕ್ ಮೇಲೆ ವರ್ಷಾಂತ್ಯದ ಕೊಡುಗೆಯಾಗಿ ಭಾರೀ ರಿಯಾಯಿತಿ ನೀಡುತ್ತಿದೆ ಎಂದು ಬಹಿರಂಗಪಡಿಸಿದೆ. ಈ ಬೈಕಿನ ಬೆಲೆ ರೂ.20,000 ಇಳಿಕೆಯಾಗಿದ್ದು, ಇದೀಗ ರೂ. 2.25 ಲಕ್ಷಕ್ಕೆ ಮಾರಾಟವಾಗುತ್ತಿದೆ. ಈ ಕೊಡುಗೆಯು ಡಿಸೆಂಬರ್ 31 ರವರೆಗೆ ಮಾತ್ರ ಮಾನ್ಯವಾಗಿರುತ್ತದೆ.

ಅಕ್ಟೋಬರ್​​ನಲ್ಲಿ ಅಪ್ಡೇಟ್​​ ವರ್ಶನ್​ ಬಿಡುಗಡೆ:ಹಿಂದಿನ ಮಾದರಿಯನ್ನು ಅಪ್​ಡೇಟ್​ ಮಾಡಿ '2024 KTM 250 ಡ್ಯೂಕ್' ಬೈಕ್ ಅನ್ನು ಇತ್ತೀಚೆಗೆ ಅಕ್ಟೋಬರ್‌ನಲ್ಲಿ ಬಿಡುಗಡೆ ಮಾಡಲಾಯಿತು. KTM 250 ಡ್ಯೂಕ್ ಹಳೆಯ ಮಾದರಿಯಲ್ಲಿ TFT ಡಿಸ್​ಪ್ಲೇ ಮತ್ತು ಹೆಡ್‌ಲೈಟ್‌ನಂತಹ ವಿಷಯಗಳನ್ನು ನವೀಕರಿಸುವ ಮೂಲಕ ವಿನ್ಯಾಸಗೊಳಿಸಲಾಗಿದೆ. ಇವುಗಳ ಜೊತೆಗೆ, ಕಂಪನಿಯು ಈ '2024 KTM 250 ಡ್ಯೂಕ್' ಮಾದರಿಯಲ್ಲಿ 'ಸ್ಟ್ರೀಟ್' ಮತ್ತು 'ಟ್ರ್ಯಾಕ್' ಎಂಬ ಎರಡು ರೈಡಿಂಗ್ ಮೋಡ್‌ಗಳನ್ನು ಅಳವಡಿಸಿದೆ.

ಸ್ಮಾರ್ಟ್​​ಫೋನ್​​​​ನೊಂದಿಗೂ ಕನೆಕ್ಟ್​ ಮಾಡಿಕೊಳ್ಳಬಹುದು:ಇದನ್ನು ಸ್ಮಾರ್ಟ್‌ಫೋನ್‌ಗೆ ಸಂಪರ್ಕಿಸುವ ಆಯ್ಕೆಯನ್ನು ಸಹ ಹೊಂದಿದೆ. ಇದು TFT ಡ್ಯಾಶ್‌ನಲ್ಲಿ ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್, ಮ್ಯೂಸಿಕ್​ ಪ್ಲೇಬ್ಯಾಕ್ ಕಂಟ್ರೋಲ್​ ಸಹ ಸಪೋರ್ಟ್​ ಮಾಡುತ್ತದೆ. ಆದರೆ, ಕಂಪನಿಯು ಈ ಬೈಕ್​ ಅಪ್​ಡೇಟ್​ ಮಾಡಿದರೂ ಸಹ ಅದರಲ್ಲಿ ಯಾವುದೇ ಯಾಂತ್ರಿಕ ಬದಲಾವಣೆಗಳನ್ನು ಮಾಡಿಲ್ಲ. ಅಂದರೆ ಅದರ ಹಿಂದಿನ ಮಾದರಿಯಂತೆಯೇ ಯಾಂತ್ರಿಕ ಲಕ್ಷಣಗಳನ್ನು ಹೊಂದಿದೆ.

249cc, ಸಿಂಗಲ್-ಸಿಲಿಂಡರ್ ಎಂಜಿನ್: ಬೈಕ್​ ಅದರ ಹಿಂದಿನ ಮಾದರಿಯಂತೆ ಅದೇ ಲಿಕ್ವಿಡ್-ಕೂಲ್ಡ್, 249cc, ಸಿಂಗಲ್-ಸಿಲಿಂಡರ್ ಎಂಜಿನ್ ಹೊಂದಿದೆ. ಇದು 9,250rpm ನಲ್ಲಿ 31hp ಪವರ್ ಮತ್ತು 7,250rpm ನಲ್ಲಿ 25Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಎಂಜಿನ್ ಅನ್ನು 6-ಸ್ಪೀಡ್ ಗೇರ್‌ಬಾಕ್ಸ್‌ಗೆ ಜೋಡಿಸಲಾಗಿದೆ. ಇದು ಸ್ಲಿಪ್ಪರ್ ಕ್ಲಚ್ ಮತ್ತು ಬೈಡೈರೆಕ್ಷನಲ್ ಕ್ವಿಕ್‌ಶಿಫ್ಟರ್ ಎರಡನ್ನೂ ಹೊಂದಿದೆ.

ಮೂರು ಬಣ್ಣಗಳಲ್ಲಿ ಆಯ್ಕೆಗೆ ಲಭ್ಯ:ಇನ್ನು 2024 KTM 250 ಡ್ಯೂಕ್ ಬೈಕ್ ಡಾರ್ಕ್ ಗಾಲ್ವನೋ, ಎಲೆಕ್ಟ್ರಾನಿಕ್ ಆರೆಂಜ್ ಮತ್ತು ಅಟ್ಲಾಂಟಿಕ್ ಬ್ಲೂ ಎಂಬ ಮೂರು ಬಣ್ಣಗಳ ಆಯ್ಕೆಯಲ್ಲಿ ಲಭ್ಯವಿದೆ. ಇದರ ಬೆಲೆ ಕಡಿಮೆಯಾದರೂ ಈ 'KTM 250 Duke' ಬೈಕ್ ದರ.. ಇದರ Husqvarna ಪ್ರತಿರೂಪವಾದ Vitpilen 250 ಬೆಲೆ ರೂ. 8,000 ಹೆಚ್ಚಾಗಿದೆ.. ಆದ್ರೆ ಈ ಬಗ್ಗೆ ಹೆಚ್ಚು ಚಿಂತೆ ಮಾಡುವ ಅವಶ್ಯಕತೆಯಿಲ್ಲ. ಏಕೆಂದ್ರೆ ಇದು ಹೆಚ್ಚು ಸೌಲಭ್ಯಗಳೊಂದಿಗೆ ಬರುತ್ತದೆ.

ಓದಿ:ನವೆಂಬರ್​ ತಿಂಗಳಲ್ಲಿ ಯಾವಾವ ಕಾರುಗಳು ಎಷ್ಷೆಷ್ಟು ಮಾರಾಟವಾಗಿವೆ ಗೊತ್ತಾ? ಇಲ್ಲಿದೆ ಮಾಹಿತಿ