ಪಟಾಕಿ ಸಿಡಿಸಿ, ಭರ್ಜರಿ ಸ್ಟೆಪ್​ನೊಂದಿಗೆ 2025ನ್ನು ಬರಮಾಡಿಕೊಂಡ ಮಲೆನಾಡ ಮಂದಿ

ಶಿವಮೊಗ್ಗ ಜಿಲ್ಲೆಯಲ್ಲಿ ಮಕ್ಕಳಿಂದ ಹಿಡಿದು ವೃದ್ಧರವರೆಗೆ ಎಲ್ಲರೂ ಅತ್ಯಂತ ಸಂತೋಷದಿಂದ ಹೊಸ ವರ್ಷವನ್ನು ಸ್ವಾಗತಿಸಿದರು.

ಶಿವಮೊಗ್ಗ:2025 ಹೊಸ ವರ್ಷವನ್ನು ಮಲೆನಾಡಿನ ಜನತೆ ಅತ್ಯಂತ ಸಂಭ್ರಮದಿಂದ ಬರ ಮಾಡಿಕೊಂಡು 2024 ಅನ್ನು ಸಂತೋಷದಿಂದ ಬಿಳ್ಕೋಟ್ಟರು.

ಜಿಲ್ಲೆಯಾದ್ಯಂತ ಹೊಸ ವರ್ಷವನ್ನು ಪ್ರೀತಿಯಿಂದ ಸ್ವಾಗತಿಸಿದರು. ಜಿಲ್ಲೆಯ ವಿವಿಧ ಕ್ಲಬ್​​, ರೆಸಾರ್ಟ್​ಗಳಲ್ಲಿ ಹೊಸ ವರ್ಷಕ್ಕಾಗಿ ವಿವಿಧ ಈವೆಂಟ್ಸ್​​​, ಡಿಜೆ ಸೇರಿದಂತೆ ವಿವಿಧ ರಸಮಂಜರಿ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ರಾತ್ರಿ 12 ಗಂಟೆ ಆಗುವುದನ್ನು ಕಾಯುತ್ತಿದ್ದ ಯುವ ಜನತೆಯು ಕುಣಿದು ಕುಪ್ಪಣಿಸುತ್ತಾ ಹೊಸ ವರ್ಷವನ್ನು ವೆಲ್​ಕಮ್​ ಮಾಡಿದರು. ಶಿವಮೊಗ್ಗದ ಕಂಟ್ರಿ ಕ್ಲಬ್​, ಮಲೆನಾಡ್​ ಶೈರ್​ನಲ್ಲಿ ಹಾಗೂ ಸಾಗರದ ಗ್ರೀನ್ ಆ್ಯಂಬಾಸಿ, ತ್ಯಾಗರ್ತಿ ಕ್ರಾಸ್​ನಲ್ಲಿ ಹೊಸ ವರ್ಷಕ್ಕಾಗಿ ವಿವಿಧ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿತ್ತು.

ನಗರದ ಕಂಟ್ರಿ ಕ್ಲಬ್​ನಲ್ಲಿ ಪಟಾಕಿ ಸಿಡಿಸಿ ಸಂಭ್ರಮಿಸಲಾಯಿತು. ಬೆಂಗಳೂರಿನ ಒನ್​ ನೈಟ್​ ಇನ್ ಟುಮಾರೋ ಲ್ಯಾಂಡ್ ಎಂಬ ಈವೆಂಟ್​ನಲ್ಲಿ ಎಲ್ಲಾ ವಯೋಮಾನದವರು ಭಾಗವಹಿಸಿ ಕುಣಿದು ಕುಪ್ಪಳಿಸಿದರು.

ಇದನ್ನೂ ಓದಿ:ಹೊಸ ವರ್ಷ 2025: ಏನಂತಾರೆ ಬೆಳಗಾವಿಯ ಯುವ ಮನಸ್ಸುಗಳು? ಈಟಿವಿ ಭಾರತದ ಜೊತೆ ಮುಕ್ತ ಮಾತು