ಭದ್ರತೆಗಾಗಿ ವಿಧಾನಸೌಧ ಸೇರಿ ನಗರದ ಕೆಲವೆಡೆ ನೂತನ ಹೈಟೆಕ್ ಸ್ಕ್ಯಾನರ್ ಅಳವಡಿಕೆ - hitech bag scanners Installation

ಭದ್ರತೆಯ ಉದ್ದೇಶದಿಂದ ರಾಜ್ಯ ಸರ್ಕಾರ ವಿಧಾನಸೌಧ ಸೇರಿದಂತೆ ನಗರದ ಕೆಲವೆಡೆ ಹೈಟೆಕ್​ ಬ್ಯಾಗ್​ ಸ್ಕ್ಯಾನರ್​ಗಳನ್ನು ಅಳವಡಿಸಿದೆ.

ಬೆಂಗಳೂರು: ವಿಧಾನಸೌಧದಲ್ಲಿ ಪಾಕಿಸ್ತಾನ್ ಜಿಂದಾಬಾದ್ ಘೋಷಣೆ ಕೂಗಿದ ಘಟನೆ ಹಾಗೂ ರಾಮೇಶ್ವರಂ ಕೆಫೆ ಸ್ಫೋಟ ಪ್ರಕರಣ ಬೆನ್ನಲ್ಲೇ ರಾಜ್ಯ ಸರ್ಕಾರ ಎಚ್ಚೆತ್ತುಕೊಂಡಿದೆ. ವಿಧಾನಸೌಧ ಹಾಗೂ ಹೈಕೋರ್ಟ್​ನಲ್ಲಿ ಹೈಟೆಕ್ ಬ್ಯಾಗ್ ಸ್ಕ್ಯಾನರ್​ಗಳನ್ನು ಅಳವಡಿಕೆ ಮಾಡಿ, ಭದ್ರತೆಗೆ ಹೆಚ್ಚಿನ ಒತ್ತು ನೀಡಿದೆ.

ಸಣ್ಣ ವಸ್ತುವನ್ನು ಕೊಂಡೊಯ್ದರೂ ಈ ಸ್ಕ್ಯಾನರ್​ನಲ್ಲಿ ಮಾಹಿತಿ ಲಭಿಸಲಿದೆ. ಪೊಲೀಸ್ ಕಮಿಷನರ್ ಕಚೇರಿಯಲ್ಲಿ ಮೊದಲು ಪ್ರಾಯೋಗಿಕ ಬ್ಯಾಗ್ ಸ್ಕ್ಯಾನರ್ ಪ್ರಾರಂಭವಾಗಿದ್ದು, ಒಟ್ಟು 14 ಬ್ಯಾಗ್​ ಸ್ಕ್ಯಾನರ್​ಗಳನ್ನು ಸರ್ಕಾರ ನೀಡಿದೆ. ಹೈಕೋರ್ಟ್​ಗೆ ಆರು ಬ್ಯಾಗ್ ಸ್ಕ್ಯಾನರ್​ಗಳು, ವಿಧಾನಸೌಧಕ್ಕೆ ಐದು ಬ್ಯಾಗ್ ಸ್ಕ್ಯಾನರ್​ಗಳನ್ನು ಅಳವಡಿಸಲು ಸೂಚನೆ ನೀಡಲಾಗಿದೆ. ರಾಜಭವನ, ಲೋಕಾಯುಕ್ತ, ವಿಕಾಸಸೌಧ, ಶಾಸಕರ ಭವನ ಹಾಗೂ ಪೊಲೀಸ್ ಕಮಿಷನರ್ ಕಚೇರಿಗೆ ಅಳವಡಿಸಲು ಸಿದ್ಧತೆ ನಡೆಸಲಾಗಿದೆ.‌

ಹೆಚ್ಚುವರಿಯಾಗಿ ಇನ್ನೆರಡು ಯಂತ್ರಗಳನ್ನು ತರಿಸಿ ವ್ಯವಸ್ಥೆ ಮಾಡಲು ಭದ್ರತಾ ಅಧಿಕಾರಿಗಳು ಸೂಚನೆ‌ ನೀಡಿದ್ದು, ಇದೀಗ ಪ್ರಾಯೋಗಿಕವಾಗಿ ಕಮಿಷನರ್ ಕಚೇರಿಯಲ್ಲಿ ಅಳವಡಿಕೆ‌ ಮಾಡಲಾಗಿದೆ. ಬ್ಲ್ಯಾಕ್ ಮಾರ್ಕ್ ವಸ್ತುಗಳನ್ನು ಗ್ರಹಿಸಿ ಸೈರನ್ ರೆಡ್ ಮಾರ್ಕ್ ತೋರಿಸುವ ಯಂತ್ರ ಇದಾಗಿದೆ. ಇದಕ್ಕಾಗಿ ತರಬೇತಿ ಪಡೆದಿರುವ ಪೊಲೀಸ್ ಸಿಬ್ಬಂದಿ ಎರಡು ಪಾಳಿಯಂತೆ ಕಾರ್ಯ ನಿರ್ವಹಿಸಲಿದ್ದಾರೆ.

ಇದನ್ನೂ ಓದಿ:ಆಹಾರ ಭದ್ರತೆ, ಎಂಎಸ್​ಪಿ; ವಿಶ್ವ ವ್ಯಾಪಾರ ಸಂಸ್ಥೆಯಲ್ಲಿ ದೃಢವಾಗಿ ನಿಲ್ಲಬೇಕಿದೆ ಭಾರತ