ಹೊರನಾಡು ಅನ್ನಪೂರ್ಣೇಶ್ವರಿ ದೇಗುಲದಲ್ಲಿ ಡ್ರೆಸ್​ಕೋಡ್ ಜಾರಿ: ಈ ಉಡುಪು ಧರಿಸಿ ಬಂದರೆ ಮಾತ್ರ ಪ್ರವೇಶ - DRESS CODE FOR DEVOTEES

ಚಿಕ್ಕಮಗಳೂರು ಜಿಲ್ಲೆಯ ಪ್ರಸಿದ್ಧ ಯಾತ್ರ ಸ್ಥಳವಾದ ಹೊರನಾಡು ಶ್ರೀ ಅನ್ನಪೂರ್ಣೇಶ್ವರಿ ದೇವಸ್ಥಾನದಲ್ಲಿ ಡ್ರೆಸ್​ಕೋಡ್ ಜಾರಿಯಾಗಿದೆ. ಪುರುಷರು ಮತ್ತು ಸ್ತ್ರೀಯರು ಇನ್ಮುಂದು ಸಾಂಪ್ರದಾಯಿಕ ಉಡುಗೆ ತೊಟ್ಟು ದೇವಸ್ಥಾನಕ್ಕೆ ಬರಬೇಕು ಎಂದು ಆಡಳಿತ ಮಂಡಳಿ ಮನವಿ ಮಾಡಿದೆ.

ಚಿಕ್ಕಮಗಳೂರು: ಪ್ರಸಿದ್ಧ ಯಾತ್ರಾ ಸ್ಥಳವಾದ ಕಳಸ ತಾಲೂಕಿನ ಹೊರನಾಡು ಶ್ರೀ ಅನ್ನಪೂರ್ಣೇಶ್ವರಿ ದೇವಸ್ಥಾನದಲ್ಲಿ ವಸ್ತ್ರ ಸಂಹಿತೆ ಜಾರಿಗೊಳಿಸಲಾಗಿದೆ. ದೇವಸ್ಥಾನಕ್ಕೆ ಬರುವ ಭಕ್ತಾದಿಗಳಿಗೆ ನಿರ್ದಿಷ್ಟ ಉಡುಪುಗಳನ್ನು ನಿಗದಿಗೊಳಿಸಿ ದೇವಸ್ಥಾನದ ಆಡಳಿತ ಮಂಡಳಿ ಸಾರ್ವಜನಿಕವಾಗಿ ಪ್ರಕಟಣೆ ನೀಡಿದೆ.

ಅದರಂತೆ, ಪುರುಷರು ಪ್ಯಾಂಟ್, ಪಂಚೆ, ಶಲ್ಯ, ಶರ್ಟ್​ ಧರಿಸುವುದು ಇನ್ನು ಕಡ್ಡಾಯವಾಗಲಿದೆ. ಸ್ತ್ರೀಯರು ಸೀರಿ ಮತ್ತು ಚೂಡಿದಾರ್ ಮಾತ್ರ ಧರಿಸಬೇಕು. ಸಾಂಪ್ರದಾಯಿಕ ಉಡುಗೆ ತೊಟ್ಟು ಬರದಿದ್ದರೆ ದೇವಸ್ಥಾನಕ್ಕೆ ಪ್ರವೇಶವಿಲ್ಲ ಎಂದು ಆಡಳಿತ ಮಂಡಳಿ ತಿಳಿಸಿದೆ.

ಇತ್ತೀಚೆಗೆ ಜಿಲ್ಲೆಯ ಪ್ರಮುಖ ಯಾತ್ರಾ ಸ್ಥಳವಾದ ಶೃಂಗೇರಿಯ ಶ್ರೀ ಶಾರದಾಂಬೆ ಸನ್ನಿಧಾನದಲ್ಲಿಯೂ ಡ್ರೆಸ್​ಕೋಡ್ ಜಾರಿಯಾಗಿತ್ತು. ಅದಾದ ಬಳಿಕ ಮತ್ತೊಂದು ಖ್ಯಾತ ದೇಗುಲವಾದ ಹೊರನಾಡಿನಲ್ಲಿ ಡ್ರೆಸ್​ಕೋಡ್ ಜಾರಿಯಾಗಿದೆ. ಈ ಹಿಂದೆ ರಾಜ್ಯ ಕೆಲವು ದೇವಸ್ಥಾನಗಳಲ್ಲಿ ಡ್ರೆಸ್​ಕೋಡ್ ಜಾರಿಯಾಗಿತ್ತು.

ಇದನ್ನೂ ಓದಿ:ಶೃಂಗೇರಿ ಮಠದಲ್ಲಿ ವಸ್ತ್ರ ಸಂಹಿತೆ ಜಾರಿ; ಪುರುಷರಿಗೆ ಧೋತಿ-ಶಲ್ಯ, ಮಹಿಳೆಯರಿಗೆ ಸೀರೆ-ಚೂಡಿದಾರ ಕಡ್ಡಾಯ - DRESS CODE FOR DEVOTEES IN SRINGERI