ಕಾರವಾರ: ಆಟವಾಡುತ್ತಿದ್ದಾಗ ಮೈಮೇಲೆ ಗೇಟ್ ಬಿದ್ದು ಮಗು ಸಾವು

ಆಟವಾಡುತ್ತಿದ್ದಾಗ ಮೈಮೇಲೆ ಗೇಟ್​ ಬಿದ್ದು ಮಗು ಮೃತಪಟ್ಟ ಘಟನೆ ಅಂಕೋಲಾ ತಾಲೂಕಿನ ಕನಸೆಗದ್ದೆಯಲ್ಲಿ ನಡೆದಿದೆ.

ಕಾರವಾರ(ಉತ್ತರ ಕನ್ನಡ): ಆಟವಾಡುತ್ತಿದ್ದಾಗ ಮೈಮೇಲೆ‌ ಕಬ್ಬಿಣದ ಗೇಟ್ ಮುರಿದು ಬಿದ್ದು ಗಂಭೀರವಾಗಿ ಗಾಯಗೊಂಡಿದ್ದ ಮಗು ಸಾವನ್ನಪ್ಪಿದ ಘಟನೆ ಅಂಕೋಲಾ ತಾಲೂಕಿನ ಕನಸೆಗದ್ದೆಯಲ್ಲಿ ನಡೆದಿದೆ.

ಆಜಾನ ಜಾವೀದ ಶೇಖ್(6) ಮೃತಪಟ್ಟ ಮಗು. ಪಟ್ಟಣದ ಉರ್ದು ಮಾಧ್ಯಮದ ಶಾಲೆಯಲ್ಲಿ ಒಂದನೇ ತರಗತಿಯಲ್ಲಿ ಓದುತ್ತಿದ್ದ ಮಗು, ಮನೆಯೆದುರಿನ ಗೇಟ್​ನಲ್ಲಿ ತನ್ನ ಸಹಪಾಠಿಗಳೊಂದಿಗೆ ಆಟ ಆಡುತ್ತಿದ್ದಾಗ ಗೇಟ್​ಗೆ ಅಳವಡಿಸಿದ್ದ ಲಾಕ್ ತುಂಡಾಗಿ ಬಿದ್ದಿದೆ.

ಗಾಯಗೊಂಡ ಮಗುವನ್ನು ಮಣಿಪಾಲ ಆಸ್ಪತ್ರೆಗೆ ಸಾಗಿಸುವಾಗ ಹೊನ್ನಾವರ ಸಮೀಪ ಸಾವನ್ನಪ್ಪಿದೆ. ಅಂಕೋಲಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ:ಚಿಕ್ಕೋಡಿ: ಎರಡು ಕುಟುಂಬಗಳ ನಡುವಿನ ಜಗಳದಲ್ಲಿ ಮಗು ಸಾವು - child died