ಬೆಂಗಳೂರು :ಅಂಗಡಿ ಸಿಬ್ಬಂದಿಯ ಗಮನ ಬೇರೆಡೆ ಸೆಳೆದು 19 ಕೆಜಿ 800 ಗ್ರಾಂ ತೂಕದ ಬೆಳ್ಳಿ ಗಟ್ಟಿ ಹಾಗೂ ಶೀಟ್ಸ್ ಕಳ್ಳತನ ಮಾಡಿದ್ದ ಇಬ್ಬರು ಆರೋಪಿಗಳನ್ನ ಹಲಸೂರು ಗೇಟ್ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
ದರ್ಶನ್ ಬೋತ್ರಾ (36) ಹಾಗೂ ಕುಂದನ್ ಸಿಂಗ್ (28) ಬಂಧಿತರು. ಕಬ್ಬನ್ ಪೇಟೆಯಲ್ಲಿರುವ ವರದರಾಜ್ ಪೆರುಮಾಳ್ ಎಂಬುವವರ ಸಿಲ್ವರ್ ವರ್ಕ್ ಶಾಪ್‌ನಲ್ಲಿ ಡಿಸೆಂಬರ್ 23ರಂದು ಆರೋಪಿಗಳು ಕಳ್ಳತನವೆಸಗಿದ್ದರು.
ಈ ಬಗ್ಗೆ ಬೆಂಗಳೂರು ಕೇಂದ್ರ ವಿಭಾಗದ ಡಿಸಿಪಿ ಶೇಖರ್ ಹೆಚ್. ಟಿ ಅವರು ಮಾತನಾಡಿ, ಅಂಗಡಿ ಮಾಲೀಕ ವರದರಾಜ್ ಪೆರುಮಾಳ್ ಅವರೊಂದಿಗೆ ಆರೋಪಿ ದರ್ಶನ್ ಬೋತ್ರಾ ಬೆಳ್ಳಿ ವ್ಯವಹಾರ ನಡೆಸುತ್ತಿದ್ದ. ಕಳ್ಳತನಕ್ಕೆ ಸಂಚು ರೂಪಿಸಿಕೊಂಡಿದ್ದ ದರ್ಶನ್ ಬೋತ್ರಾ, ಡಿಸೆಂಬರ್ 23ರಂದು ಬೆಳಗ್ಗೆ ವರದರಾಜ್ ಪೆರುಮಾಳ್ ಅವರು ಅಂಗಡಿಯಲ್ಲಿ ಇರದಿದ್ದಾಗ ತನ್ನಿಬ್ಬರು ಸಹಚರರೊಂದಿಗೆ ಬಂದಿದ್ದ ಎಂದಿದ್ದಾರೆ.
ಬೆಂಗಳೂರು ಕೇಂದ್ರ ವಿಭಾಗದ ಡಿಸಿಪಿ ಶೇಖರ್ ಹೆಚ್. ಟಿ ಮಾತನಾಡಿದರು (ETV Bharat)