ಗ್ರಾಸ್ ಐಲೆಟ್ (ಸೇಂಟ್ ಲೂಸಿಯಾ): ಸೋಮವಾರ ಇಲ್ಲಿನ ಡೇರೆನ್ ಸಮಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ T20 ವಿಶ್ವಕಪ್ 2024ರ ಸೂಪರ್ 8 ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಇನ್ನಿಂಗ್ಸ್‌ನಲ್ಲಿ ಭಾರತದ ನಾಯಕ ರೋಹಿತ್ ಶರ್ಮಾ ಅವರು ಕೆಲವು ಅದ್ಭುತ ದಾಖಲೆಗಳನ್ನು ಮಾಡಿದ್ದಾರೆ.
ಮುಂಬೈಕರ್ ರೋಹಿತ್ ಶರ್ಮಾ ಅಬ್ಬರ ಬ್ಯಾಟಿಂಗ್ ಮಾಡುವ ಟೀಂ ಇಂಡಿಯಾ ಗೆಲುವಿಗೆ ಪ್ರಮುಖ ಸ್ಥಾನವಹಿಸಿದ್ದರು. ರೋಹಿತ್ ಶರ್ಮಾ 41 ಎಸೆತಗಳಲ್ಲಿ ಏಳು ಬೌಂಡರಿಗಳು ಮತ್ತು ಎಂಟು ಸಿಕ್ಸರ್‌ಗಳೊಂದಿಗೆ 92 ರನ್ ಗಳಿಸಿದರು. ನಾಗ್ಪುರ ಮೂಲದ ರೋಹಿತ್ ಅವರು ಆಸ್ಟ್ರೇಲಿಯಾದ ಎಲ್ಲಾ ಬೌಲರ್‌ಗಳನ್ನು ಮನಬಂದಂತೆ ದಂಡಿಸಿದರು.
ಗ್ರೌಂಡ್ನಲ್ಲಿ 360 ಡಿಗ್ರಿ ಆ್ಯಂಗಲ್ನಲ್ಲಿ ಬ್ಯಾಟಿಂಗ್ ಮಾಡಿದರು. ಪಂದ್ಯವನ್ನು ವೀಕ್ಷಿಸಲು ಆಗಮಿಸಿದ್ದ ಭಾರತೀಯ ಅಭಿಮಾನಿಗಳು ರೋಹಿತ್ ಅದ್ಭುತ ಪ್ರದರ್ಶನವನ್ನು ಆನಂದಿಸಿದರು. ರೋಹಿತ್ ಅವರ ಮಿಂಚಿನ ದಾಳಿಯಿಂದಾಗಿ ಭಾರತ ಸವಾಲಿನ ಮೊತ್ತವನ್ನು ದಾಖಲಿಸಿತು. ಜೊತೆಗೆ ರೋಹಿತ್ ಟಿ20ಯಲ್ಲಿ 200 ಸಿಕ್ಸರ್ ಸಿಡಿಸಿದ ಮೊದಲ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.
ರೋಹಿತ್ ಶರ್ಮಾ ಮುರಿದ ದಾಖಲೆಗಳ ವಿವರ:
ಟಿ20 ಡಬ್ಲ್ಯೂಸಿಗಳಲ್ಲಿ ರೋಹಿತ್ ಶರ್ಮಾ ಅತ್ಯಧಿಕ ಸ್ಕೋರ್
- 83* ವಿರುದ್ಧ ಆಸ್ಟ್ರೇಲಿಯಾ (2024)
- 79* ವಿರುದ್ಧ ಆಸ್ಟ್ರೇಲಿಯಾ (2010)
- 74 ವಿರುದ್ಧ ಅಫ್ಘಾನಿಸ್ತಾನ (2021)
- ರೋಹಿತ್ ಕೇವಲ 19 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು. (ನಡೆಯುತ್ತಿರುವ 2024 T20 ವಿಶ್ವಕಪ್‌ನ ಅತ್ಯಂತ ವೇಗದ ಅರ್ಧ ಶತಕ).