ಬ್ಯಾಡ್ಮಿಂಟನ್​ ಸಿಂಗಲ್ಸ್​: ಗ್ವಾಟೆಮಾಲಾ ವಿರುದ್ಧ ಗೆಲುವು ಸಾಧಿಸಿದ ಭಾರತದ ಲಕ್ಷ್ಯ ಸೇನ್​ - Paris Olympics 2024

ಒಲಿಂಪಿಕ್ಸ್​ ಬ್ಯಾಡ್ಮಿಂಟನ್​ ಸ್ಪರ್ಧೆಯಲ್ಲಿ ಭಾರತದ ಲಕ್ಷ್ಯ ಸೇನ್ ​ಗ್ವಾಟೆಮಾಲಾದ ಆಟಗಾರ ವಿರುದ್ಧ ಗೆಲುವು ಸಾಧಿಸಿದ್ದಾರೆ.

ಪ್ಯಾರಿಸ್​: ಭಾರತದ ಸ್ಟಾರ್ ಷಟ್ಲರ್ ಲಕ್ಷ್ಯ ಸೇನ್ ಅವರು ಪ್ಯಾರಿಸ್ ಒಲಿಂಪಿಕ್ಸ್​ನಲ್ಲಿ ಶುಭಾರಂಭ ಮಾಡಿದ್ದಾರೆ. ಇಂದು ನಡೆದ ಬ್ಯಾಡ್ಮಿಂಟನ್ ಪುರುಷರ ಸಿಂಗಲ್ಸ್‌ನ ಗುಂಪು ಹಂತದ ಪಂದ್ಯದಲ್ಲಿ ಸೇನ್ ಗ್ವಾಟೆಮಾಲಾದ ಆಟಗಾರ ಕಾರ್ಡನ್ ಕೆವಿನ್ ಅವರನ್ನು ನೇರ ಸೆಟ್‌ಗಳಿಂದ ಸೋಲಿಸಿದರು. ಮೊದಲ ಸೆಟ್ ಅನ್ನು 21-8 ರಿಂದ ಸುಲಭವಾಗಿ ಗೆದ್ದುಕೊಂಡ ಸೇನ್ ಎರಡನೇ ಸೆಟ್​ನಲ್ಲಿ ಕಠಿಣ ಹೋರಾಟ ಎದುರಿಸಿದರು. ಆದರೂ ಎರಡನೇ ಸೆಟ್ ಅನ್ನು 22-20 ರಿಂದ ಗೆದ್ದು ಪಂದ್ಯವನ್ನು ಗೆದ್ದುಕೊಂಡರು.

ಮೊದಲ ಸೆಟ್:ಪ್ಯಾರಿಸ್‌ನಲ್ಲಿ ಪದಕ ಗೆಲ್ಲುವ ಪ್ರಬಲ ಸ್ಪರ್ಧಿಯಾಗಿರುವ 22 ವರ್ಷದ ಭಾರತೀಯ ಆಟಗಾರ, ಪಂದ್ಯವನ್ನು ವೇಗವಾಗಿ ಪ್ರಾರಂಭಿಸಿದರು ಮತ್ತು ತನ್ನ 37 ವರ್ಷದ ಎದುರಾಳಿಗೆ ಗೆಲುವಿನ ಯಾವುದೇ ಅವಕಾಶವನ್ನು ನೀಡಲಿಲ್ಲ. ಮೊದಲ ಹಂತದಲ್ಲಿ ಸೇನ್ ಅದ್ಭುತ ಪ್ರದರ್ಶನ ನೀಡಿದರು. ಮಧ್ಯ ವಿರಾಮದಲ್ಲಿ 11-3 ಅಂತರದಿಂದ ಮುನ್ನಡೆ ಸಾಧಿಸಿದ್ದರು. ಇದಾದ ಬಳಿಕ ತಮ್ಮ ಪ್ರದರ್ಶನವನ್ನು ಮುಂದುವರಿಸಿದ ಅವರು ಮೊದಲ ಸೆಟ್ ಅನ್ನು 21-8 ರಿಂದ ಗೆದ್ದುಕೊಂಡರು.

ಎರಡನೇ ಹಂತದಲ್ಲಿ ರೋಚಕ ಪಂದ್ಯ:ಗ್ವಾಟೆಮಾಲಾದ ಆಟಗಾರ ಕಾರ್ಡನ್ ಕೆವಿನ್ ಅವರು ಸೇನ್ ವಿರುದ್ಧ ಎರಡನೇ ಸುತ್ತಿನ ಮೊದಲ ಹಂತದಲ್ಲಿ 6-2 ಅಂತರದಿಂದ ಮುನ್ನಡೆ ಸಾಧಿಸಿದ್ದರು. ಸೇನ್ ಈ ಸುತ್ತಿನಲ್ಲಿ ಕೆಲ ತಪ್ಪು ಹೊಡೆತಗಳಿಂದ ಹಿನ್ನಡೆ ಅನುಭವಿಸಿದರು. ಈ ಹಂತದಲ್ಲಿ ಕೆವಿನ್ ಭಾರತೀಯ ಆಟಗಾರನ ಮೇಲೆ ಪ್ರಾಬಲ್ಯ ತೋರಿದ್ದರು. ಮಧ್ಯ-ವಿರಾಮದವರೆಗೆ 11-6 ಅಂತರದಿಂದ ಹಿನ್ನಡೆ ಅನುಭವಿಸಿದ್ದ ಸೇನ್​

ಮಧ್ಯ ವಿರಾಮದಲ್ಲಿ ಹಿನ್ನಡೇ ಅನುಭವಿಸದ್ದ ಸೇನ್ ನಂತರ ಬಲವಾದ ಪುನರಾಗಮನ ಮಾಡಿದರು. ನಂತರ ಸೆಟ್​ನಲ್ಲಿ ಕಠಿಣ ಪೈಪೋಟಿ ನಡೆಸಿದ 18ನೇ ಶ್ರೇಯಾಂಕದ ಭಾರತದ ಆಟಗಾರ ಲಕ್ಷ್ಯ ಸೇನ್ 41ನೇ ಶ್ರೇಯಾಂಕದ ಗ್ವಾಟೆಮಾಲಾದ ಕಾರ್ಡನ್ ಕೆವಿನ್ ಅವರನ್ನು 22-20 ಅಂತರದ ಸೆಟ್​ಗಳಿಂದ ಸೋಲಿಸಿ ಪಂದ್ಯವನ್ನು ತಮ್ಮದಾಗಿಸಿಕೊಂಡರು.

ಇದನ್ನೂ ಓದಿ:ಒಲಿಂಪಿಕ್ಸ್​ ಪದಾರ್ಪಣೆ ಪಂದ್ಯದಲ್ಲೇ ಮಿಂಚಿದ ಹರ್ಮೀತ್ ದೇಸಾಯಿ: ಟೇಬಲ್​ ಟೆನಿಸ್​ನಲ್ಲಿ ಮೊದಲ ಗೆಲುವು - Harmeet Desai Beats Jordans Abo