ಪ್ಯಾರಿಸ್: ಪ್ಯಾರಿಸ್ ಒಲಿಂಪಿಕ್ನ ಮಹಿಳಾ ಆರ್ಚರಿ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿಂದ ಭಾರತ ಮಹಿಳಾ ತಂಡ ನೆದರ್ಲೆಂಡ್ಸ್ ವಿರುದ್ಧ 6-0 ಅಂತರದಿಂದ ಹೀನಾಯ ಸೋಲನುಭವಿಸಿದೆ. ನೆದರ್ಲೆಂಡ್ಸ್ 52-51, 54-49, 53-48 ಮೂರು ನೇರ ಸೆಟ್‌ಗಳಿಂದ ಪಂದ್ಯವನ್ನು ಗೆದ್ದುಕೊಂಡಿದೆ.
ಅಂಕಿತಾ ಭಕ್ತ, ಭಜನ್ ಕೌರ್ ಮತ್ತು ದೀಪಿಕಾ ಕುಮಾರಿ ಅವರನ್ನು ಒಳಗೊಂಡ ನಾಲ್ಕನೇ ಶ್ರೇಯಾಂಕದ ಭಾರತೀಯ ಮಹಿಳಾ ಆರ್ಚರಿ ತಂಡವು ಮೂರು ಸೆಟ್‌ಗಳಲ್ಲಿ ಕೇವಲ 51, 49 ಮತ್ತು 48 ಅಂಕಗಳನ್ನು ಗಳಿಸಿತು. ಇದರಲ್ಲಿ ಐದು ಬಾರಿ 10 ಅಂಕಗಳನ್ನು ಕಲೆಹಾಕಿತು. ಒಲಂಪಿಕ್ ಪದಕ ವಿಜೇತ ಗ್ಯಾಬಿ ಸ್ಕ್ಲೋಸರ್ ನೇತೃತ್ವದ ನೆದರ್ಲೆಂಡ್ಸ್ ತಂಡವು ಇದಕ್ಕೆ ಪ್ರತ್ಯುತ್ತರವಾಗಿ ಕೇವಲ ಮೂರು 10 ಅಂಕಗಳನ್ನು ಗಳಿಸಿದರೆ, ಅವರು ಲೆಸ್ ಇನ್ವಾಲಿಡ್ಸ್‌ನಲ್ಲಿ ಸತತ 9 ಅಂಕಗಳನ್ನು ಗಳಿಸಿ ತಂಡದ ಗೆಲುವಿನಲ್ಲಿ ಸಹಾಯ ಮಾಡಿದರು.