ಹಾಕಿ ಕ್ವಾರ್ಟರ್​ ಫೈನಲ್​ನಲ್ಲಿ ಬ್ರಿಟನ್​ ಮಣಿಸಿದ ಭಾರತ: ಸೆಮಿ ಫೈನಲ್​ ಪ್ರವೇಶ - paris olympics 2024

ಇಂದು ನಡೆದ ಒಲಿಂಪಿಕ್​ ಪುರುಷರ ಹಾಕಿ ಕ್ವಾರ್ಟರ್​ ಫೈನಲ್​ ಪಂದ್ಯದಲ್ಲಿ ಬ್ರಿಟನ್​ ವಿರುದ್ಧ ಭಾರತ ಭರ್ಜರಿ ಜಯ ಸಾಧಿಸಿದೆ.

ಪ್ಯಾರಿಸ್​ (ಫ್ರಾನ್ಸ್​):ಪ್ಯಾರಿಸ್ ಒಲಿಂಪಿಕ್​ನಲ್ಲಿಂದು ಭಾರತ ಮತ್ತು ಗ್ರೇಟ್ ಬ್ರಿಟನ್ ನಡುವೆ ಹಾಕಿ ಕ್ವಾರ್ಟರ್‌ಫೈನಲ್ ಪಂದ್ಯ ನಡೆಯಿತು. ಈ ರೋಚಕ ಪಂದ್ಯದಲ್ಲಿ ಗ್ರೇಟ್ ಬ್ರಿಟನ್ ತಂಡವನ್ನು ಶೂಟೌಟ್​ನಲ್ಲಿ ಮಣಿಸುವ ಮೂಲಕ ಭಾರತ ಸೆಮಿಫೈನಲ್ ಪ್ರವೇಶಿಸಿದೆ. ಪೂರ್ಣ ಸಮಯದವರೆಗೆ ಸ್ಕೋರ್ 1-1 ರಲ್ಲಿ ಸಮನಾಗಿತ್ತು. ಭಾರತದ ಪರ ಹರ್ಮನ್‌ಪ್ರೀತ್ ಸಿಂಗ್ (22ನೇ ನಿಮಿಷ) ಗೋಲು ಗಳಿಸಿದರು. ಅದೇ ಸಮಯದಲ್ಲಿ ಗ್ರೇಟ್ ಬ್ರಿಟನ್ ಪರ ಲೀ ಮಾರ್ಟನ್ (27ನೇ ನಿಮಿಷ) ಗೋಲು ಗಳಿಸಿದರು. ಇದಾದ ಬಳಿಕ ಪಂದ್ಯ ಶೂಟೌಟ್‌ಗೆ ಸಾಗಿತು.

ಶೂಟೌಟ್​ನಲ್ಲಿ ಭಾರತ:ರೋಚಕ ಶೂಟೌಟ್​ನಲ್ಲಿ ಭಾರತ 4-2 ಗೋಲುಗಳಿಂದ ಗ್ರೇಟ್ ಬ್ರಿಟನ್ ತಂಡವನ್ನು ಸೋಲಿಸಿತು. ಶೂಟೌಟ್‌ನಲ್ಲಿ ಹರ್ಮನ್‌ಪ್ರೀತ್ ಸಿಂಗ್ ಭಾರತದ ಪರ ಮೊದಲ ಗೋಲು ದಾಖಲಿಸಿದರೆ, ಸುಖಜಿತ್ ಸಿಂಗ್ ಎರಡನೇ ಗೋಲು, ಮೂರನೇ ಗೋಲು ಲಲಿತ್ ಕುಮಾರ್ ಉಪಾಧ್ಯಾಯ ದಾಖಲಿಸಿದರು.

ಈ ಪಂದ್ಯದಲ್ಲಿ ಗ್ರೇಟ್ ಬ್ರಿಟನ್ ಮೊದಲ ಕ್ವಾರ್ಟರ್​ನಲ್ಲಿ ಪ್ರಾಬಲ್ಯ ಮೆರೆದಿತ್ತು. ಇದರ ಫಲವಾಗಿ 5ನೇ ನಿಮಿಷದಲ್ಲಿ ಪೆನಾಲ್ಟಿ ಕಾರ್ನರ್ ಸಿಕ್ಕಿತು, ಅದನ್ನು ಭಾರತ ಉತ್ತಮವಾಗಿ ರಕ್ಷಿಸಿಕೊಂಡಿತು. 13ನೇ ನಿಮಿಷದಲ್ಲಿ ಭಾರತಕ್ಕೆ ಪೆನಾಲ್ಟಿ ಕಾರ್ನರ್ ಸಿಕ್ಕಿತು, ಅದರಲ್ಲಿ ಹರ್ಮನ್‌ಪ್ರೀತ್ ಸಿಂಗ್ ಗೋಲು ಗಳಿಸುವಲ್ಲಿ ವಿಫಲರಾದರು. ಮೊದಲ ಕ್ವಾರ್ಟರ್ 0-0 ಸ್ಕೋರ್‌ನೊಂದಿಗೆ ಕೊನೆಗೊಂಡಿತು.

ಇದೇ ವೇಳೆ 18ನೇ ನಿಮಿಷದಲ್ಲಿ, ಭಾರತದ ಸ್ಟಾರ್ ಡಿಫೆಂಡರ್ ಅಮಿತ್ ರೋಹಿದಾಸ್ ಅವರಿಗೆ ರೆಡ್ ಕಾರ್ಡ್​ ತೋರಿಸಿ ಪಂದ್ಯದಿಂದ ಹೊರಹಾಕಲಾಯಿತು. ಇದರಿಂದ ಭಾರತ 11 ಆಟಗಾರರ ಬದಲಿಗೆ 10 ಆಟಗಾರರೊಂದಿಗೆ ಇಡೀ ಪಂದ್ಯವನ್ನು ಆಡಬೇಕಾಯಿತು. ಆದರೂ ಎದೆಗುಂದದ ಭಾರತ ತಂಡ 22ನೇ ನಿಮಿಷದಲ್ಲಿ ಪೆನಾಲ್ಟಿ ಕಾರ್ನರ್​ ಅವಕಾಶ ಸಿಕ್ಕಿತು. ಭಾರತದ ನಾಯಕ ಹರ್ಮನ್‌ಪ್ರೀತ್ ಸಿಂಗ್ ಈ ಅವಕಾಶವನ್ನು ಸದುಪಯೋಗಪಡಿಸಿಕೊಂಡು ಗೋಲು ಗಳಿಸಿದರು. ಇದರೊಂದಿಗೆ ಭಾರತ 1-0 ಮುನ್ನಡೆ ಸಾಧಿಸಿತು.

ಇದಾದ ಬಳಿಕ 27ನೇ ನಿಮಿಷದಲ್ಲಿ ಬ್ರಿಟನ್​ನ ಲೀ ​​ಮಾರ್ಟನ್ ಅದ್ಭುತ ಫೀಲ್ಡ್ ಗೋಲು ಬಾರಿಸಿ 1-1ರಿಂದ ಪಂದ್ಯವನ್ನು ಸಮಬಲ ಸಾಧಿಸಿದರು. ಪಂದ್ಯ ಅಂತ್ಯದವರೆಗೂ ಇದೇ ಸ್ಕೋರ ಮುಂದುವರೆದು ಕೊನೆಗೆ ಪಂದ್ಯ ಡ್ರಾನಲ್ಲಿ ಕೊನೆಗೊಂಡಿತು. ಇದರಿಂದ ಶೂಟೌಟ್ ಹಂತಕ್ಕೆ ತಲುಪಿತು. ಭಾರತ ಇದರಲ್ಲಿ 4-2 ಅಂತರದಿಂದ ಗೆಲುವು ಸಾಧಿಸಿ ಸೆಮಿ ಫೈನಲ್​ಗೆ ತಲುಪಿತು. ​

ಇದನ್ನೂ ಓದಿ:ಒಲಿಂಪಿಕ್ಸ್‌ ಚಿನ್ನದ ಬೇಟೆಗೆ ನೀರಜ್ ಚೋಪ್ರಾ ರೆಡಿ: ಪಂದ್ಯ ಯಾವಾಗ? ವೀಕ್ಷಿಸುವುದು ಹೇಗೆ ಗೊತ್ತೇ? - Neeraj Chopra