ಹೋಟೆಲ್ ಸ್ಟೈಲ್​ನ ಟೇಸ್ಟಿ ಮಟನ್ ಪಲಾವ್; ಅಡುಗೆ ಗೊತ್ತಿಲ್ಲದವರೂ ಸರಳವಾಗಿ ಸಿದ್ಧಪಡಿಸಬಹುದು!

ನಿಮಗಾಗಿ ಈ ಬಾರಿ ಹೋಟೆಲ್ ಸ್ಟೈಲ್​ನ ಟೇಸ್ಟಿಯಾದ ಮಟನ್ ಪಲಾವ್ ರೆಸಿಪಿಯನ್ನು ತಂದಿದ್ದೇವೆ. ಅಡುಗೆ ಮಾಡದವರೂ ಕೂಡ ಇದನ್ನು ಸರಳವಾಗಿ ತಯಾರಿಸಬಹುದು. ಮಟನ್ ಪಲಾವ್ ಮಾಡೋದು ಹೇಗೆ ಎಂಬುದನ್ನು ತಿಳಿಯೋಣ ಬನ್ನಿ..

How to Prepare Mutton Pulao Recipe in Pressure Cooker:ಬಹುತೇಕರಿಗೆ ಮಟನ್ ಪಲಾವ್ ಅಂದ್ರೆ ತುಂಬಾ ಇಷ್ಟವಾಗುತ್ತದೆ. ಆದರೆ, ಈ ರೆಸಿಪಿ ಮಾಡುವುದು ತುಂಬಾ ಕಷ್ಟ ಮತ್ತು ದೊಡ್ಡ ಪ್ರಕ್ರಿಯೆ ಎಂದು ಯೋಚಿಸುತ್ತೀರಾ? ನಾವು ಹೇಳಿರುವ ರೀತಿಯಲ್ಲಿ ಮಾಡಿದರೆ, ಬ್ಯಾಚುಲರ್‌ಗಳು ಮತ್ತು ಅಡುಗೆಯಲ್ಲಿ ನಿಪುಣತೆ ಹೊಂದಿರದೇ ಇರುವವರು ಕೂಡ ಈ ರೆಸಿಪಿಯನ್ನು ತುಂಬಾ ಸುಲಭವಾಗಿ ಮಾಡಬಹುದು. ಮತ್ತೇಕೆ ತಡ.. ಇದಕ್ಕೆ ಬೇಕಾದ ಪದಾರ್ಥಗಳು ಯಾವುವು? ಈಗ ಅದನ್ನು ಹೇಗೆ ಮಾಡಬೇಕೆಂದು ತಿಳಿಯೋಣ.

ಬೇಕಾಗುವ ಪದಾರ್ಥಗಳು:

• 4 ಚಮಚ ಎಣ್ಣೆ/ತುಪ್ಪ
• 2 ಇಂಚು ದಾಲ್ಚಿನ್ನಿ ಕಡ್ಡಿ
• ಒಂದು ಮರಾಟಿಮೊಗ್ಗು
• 6 ಲವಂಗ
• 6 ಏಲಕ್ಕಿ
• ಶಾಜೀರಿಗೆ ಒಂದು ಟೀಚಮಚ
• ಒಂದು ಕಪ್ಪು ಏಲಕ್ಕಿ (Black Cardamom)
• ಒಂದು ಬಿರಿಯಾನಿ ಎಲೆ
• ಒಂದು ಕಪ್ ಕತ್ತರಿಸಿದ ಈರುಳ್ಳಿ
• 6 ಹಸಿ ಮೆಣಸಿನಕಾಯಿ
• 1 ಟೀಚಮಚ ಗರಂ ಮಸಾಲ
• ಎರಡು ಚಿಟಿಕೆ ಅರಿಶಿನ
• ಅರ್ಧ ಟೀಚಮಚ ಹುರಿದ ಜೀರಿಗೆ ಪುಡಿ
• ರುಚಿಗೆ ತಕ್ಕಷ್ಟು ಉಪ್ಪು
• ಒಂದೂವರೆ ಚಮಚ ಶುಂಠಿ, ಬೆಳ್ಳುಳ್ಳಿ ಪೇಸ್ಟ್
• 2 ಚಮಚ ಒಣಗಿದ ಗುಲಾಬಿ ದಳಗಳು/ ರೋಸ್​ ವಾಟರ್​
• ಒಂದೂವರೆ ಕಪ್ ಬಾಸ್ಮತಿ ಅಕ್ಕಿ
• 300 ಗ್ರಾಂ ಮಟನ್

ತಯಾರಿಸುವ ವಿಧಾನ ಹೇಗೆ?

• ಮೊದಲು ಮಟನ್ ತೆಗೆದುಕೊಂಡು ಅದನ್ನು ಸ್ವಚ್ಛವಾಗಿ ತೊಳೆದು ಎರಡು ಚಮಚ ಉಪ್ಪು ಹಾಕಿ ಎರಡು ಗಂಟೆಗಳ ಕಾಲ ನೆನೆಸಿಡಿ.
• ಮತ್ತೊಂದೆಡೆ, ಬಾಸ್ಮತಿ ಅಕ್ಕಿಯನ್ನು ಸಹ ಸ್ವಚ್ಛವಾಗಿ ತೊಳೆದು ಸುಮಾರು ಒಂದು ಗಂಟೆ ಕಾಲ ನೆನೆಯಲು ಪಕ್ಕಕ್ಕೆ ಇಡಬೇಕು.
• ಈಗ ಒಲೆ ಹೊತ್ತಿಸಿ ಪ್ರೆಶರ್ ಕುಕ್ಕರ್‌ನಲ್ಲಿ ಎಣ್ಣೆ ಹಾಕಿ ಬಿರಿಯಾನಿ ಎಲೆ, ಮರಾಟಿ ಮೊಗ್ಗು, ಲವಂಗ, ದಾಲ್ಚಿನ್ನಿ ಕಡ್ಡಿ, ಕಪ್ಪು ಏಲಕ್ಕಿ, ಏಲಕ್ಕಿ, ಶಾಜೀರಿಗೆ ಹಾಕಿ ಸ್ವಲ್ಪ ಫ್ರೈ ಮಾಡಿ.
• ಮಸಾಲೆ ಹುರಿಯುತ್ತಿರುವಾಗ ಈರುಳ್ಳಿ ಚೂರುಗಳನ್ನು ಹಾಕಿ ಕೆಂಪಗೆ ಹುರಿಯಿರಿ.. ನಂತರ ಹಸಿ ಮೆಣಸಿನಕಾಯಿ, ಶುಂಠಿ ಮತ್ತು ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಹುರಿಯಲು ಬಿಡಿ.
• ಈಗ ಮಟನ್ ಹಾಕಿ ಸುಮಾರು 5 ನಿಮಿಷ ಫ್ರೈ ಮಾಡಿ. ಇದಕ್ಕೆ ಜೀರಿಗೆ ಪುಡಿ, ಉಪ್ಪು, ಗರಂ ಮಸಾಲ ಮತ್ತು ಅರಿಶಿನ ಸೇರಿಸಿ ಮತ್ತು ಇನ್ನೊಂದು ನಿಮಿಷ ಫ್ರೈ ಮಾಡಿ.
• ಅದರ ನಂತರ ಒಂದೂವರೆ ಕಪ್ ನೀರು ಸೇರಿಸಿ ಮತ್ತು ಮಟನ್ ಮೃದುವಾಗುವವರೆಗೆ ಬೇಯಿಸಿ.
• ಮಟನ್ ಬೆಂದ ನಂತರ ಇನ್ನೊಂದು ಕಪ್ ನೀರು, ಉಪ್ಪು, ಪುದೀನಾ, ಕೊತ್ತಂಬರಿ ಸೊಪ್ಪು, ನೆನೆಸಿದ ಬಾಸ್ಮತಿ ಅಕ್ಕಿ, ಒಣಗಿದ ಗುಲಾಬಿ ದಳಗಳನ್ನು ಹಾಕಿ ಕುಕ್ಕರ್ ಮುಚ್ಚಿ ಮಧ್ಯಮ ಉರಿಯಲ್ಲಿ ಎರಡು ಸೀಟಿ ಬರುವವರೆಗೆ ಬೇಯಿಸಿ.
• ಈಗ ಸ್ಟವ್ ಆಫ್ ಮಾಡಿ ಮತ್ತು ಸುಮಾರು 20 ನಿಮಿಷಗಳ ಕಾಲ ಪಕ್ಕಕ್ಕೆ ಇರಿಸಿ ಮತ್ತು ನಂತರ ಕೆಳಗಿನಿಂದ ಒಮ್ಮೆ ಚೆನ್ನಾಗಿ ಮಿಶ್ರಣ ಮಾಡಿ.
• ಆಗ, ಪ್ರೆಶರ್ ಕುಕ್ಕರ್‌ನಲ್ಲಿ ರುಚಿಯಾದ ಮಟನ್ ಪಲಾವ್ ರೆಡಿ! ಇದನ್ನು ಮೊಸರಿನಿಂದ ಸಿದ್ಧಪಡಿಸಿದ ರೈತದ ಜೊತೆಗೆ ಸೇವಿಸಿದರೆ ಸಖತ್​ ಟೇಸ್ಟಿಯಾಗಿರುತ್ತದೆ.

ಇದನ್ನೂ ಓದಿ: