ಫೇರ್‌ಬ್ಯಾಂಕ್ಸ್ (ಅಮೆರಿಕ): ಇಬ್ಬರನ್ನು ಹೊತ್ತೊಯ್ಯುತ್ತಿದ್ದ ಡೌಗ್ಲಾಸ್ ಸಿ-54 ಸ್ಕೈಮಾಸ್ಟರ್ ವಿಮಾನವು ಮಂಗಳವಾರ ಫೇರ್‌ಬ್ಯಾಂಕ್ಸ್ ಬಳಿಯ ತಾನಾನಾ ನದಿಯ ಸಮೀಪವಿರುವ ಬೆಟ್ಟದಲ್ಲಿ ಪತನಗೊಂಡಿದೆ. ಈ ವಿಮಾನದಲ್ಲಿದ್ದವರು ಇನ್ನೂ ಪತ್ತೆಯಾಗಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಫೇರ್‌ಬ್ಯಾಂಕ್ಸ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಬೆಳಗ್ಗೆ ವಿಮಾನ ಟೇಕ್ ಆಫ್ ಆಗಿತ್ತು. ಅಲಾಸ್ಕಾ ಸ್ಟೇಟ್ ಟ್ರೂಪರ್ಸ್ ಪ್ರಕಾರ, ಅದು ಅಲ್ಲಿಂದ ಸುಮಾರು ಏಳು ಮೈಲಿಗಳು (11 ಕಿಲೋಮೀಟರ್) ದೂರಕ್ಕೆ ಸಾಗುತ್ತಿದ್ದಂತೆ ಅಪಘಾತಕ್ಕೆ ಒಳಗಾಗಿದೆ. ನದಿಯ ದಡದಲ್ಲಿರುವ ಕಡಿದಾದ ಬೆಟ್ಟದಲ್ಲಿ ವಿಮಾನ ಪತನಗೊಂಡಿದೆ.
ಕ್ಲಿಂಟ್ ಜಾನ್ಸನ್ ಮಾಹಿತಿ:ರಾಷ್ಟ್ರೀಯ ಸಾರಿಗೆ ಸುರಕ್ಷತಾ ಮಂಡಳಿಯ ಅಲಾಸ್ಕಾ ಪ್ರಾದೇಶಿಕ ಕಚೇರಿಯ ಮುಖ್ಯಸ್ಥ ಕ್ಲಿಂಟ್ ಜಾನ್ಸನ್ ಮಾತನಾಡಿ, ವಿಮಾನ ಟೇಕಾಫ್ ಮತ್ತು ಅಪಘಾತದ ನಡುವಿನ ಸಮಯದಲ್ಲಿ ಏನಾಯಿತು ಎಂಬುದು ಸ್ಪಷ್ಟವಾಗಿಲ್ಲ. ಆದರೆ, ಟವರ್ ಆಪರೇಟರ್ಗೆ ದೊಡ್ಡದಾಗಿ ಬೆಂಕಿ ಹೊತ್ತಿಕೊಂಡಿದ್ದು, ಹೊಗೆ ಆವರಿಸಿರುವುದು ಕಂಡು ಬಂದಿದೆ'' ಎಂದು ಅವರು ತಿಳಿಸಿದರು.