ನವದೆಹಲಿ:ಭವಿಷ್ಯದಲ್ಲಿನ ಕೋವಿಡ್ 19 ಸೋಂಕಿನ ಉಲ್ಬಣತೆಯ ಚಿಕಿತ್ಸೆ ಮತ್ತು ತಡೆಯುವ ಉದ್ದೇಶದಿಂದ ವಿಜ್ಞಾನಿಗಳು ಸಾಮರ್ಥ್ಯ ದಾಯಕ ಹೊಸ ವರ್ಗದ ಆಂಟಿವೈರಲ್ ಡ್ರಗ್ವೊಂದನ್ನು ಕಂಡು ಹಿಡಿದಿದ್ದಾರೆ.
ಈ ಅಧ್ಯಯನವನ್ನು ಜರ್ನಲ್ ನೇಚರ್ನಲ್ಲಿ ಪ್ರಕಟಿಸಲಾಗಿದೆ. ಕೋವಿಡ್ -19ಗೆ ಕಾರಣವಾಗುವ ಸಾರ್ಸ್ ಕೋವ್-2 ಸೋಂಕು ಆಗಿದ್ದು, ಇದು ಪೆರೊಕ್ಸಿಸೊಮ್ಸ್ ಮತ್ತು ಇಂಟರ್ಫೆರಾನ್ ಎಂಬ ಎರಡು ಪ್ರಮುಖ ಸಾಮಾನ್ಯ ಪ್ರತಿರಕ್ಷಣೆ ಕೋಶದ ಉತ್ಪಾದನೆ ಸ್ಥಗಿತಗೊಳಿಸುತ್ತದೆ. ಇದೀಗ ಕೆನಡಾದ ಆಲ್ಬರ್ಟಾ ಯುನಿವರ್ಸಿಟಿ ಯಶಸ್ವಿಯಾಗಿ ಹೊಸ ಆಂಟಿವೈರಲ್ ಔಷಧವನ್ನು ಪರೀಕ್ಷೆ ಮಾಡಿದೆ. ಈ ಔಷಧವೂ ಇಂಟರ್ಫೆರಾನ್ ಉತ್ಪಾದನೆಯನ್ನು ಉತ್ತೇಜಿಸಿ, ವಿರುದ್ಧದ ಪರಿಣಾಮ ಬೀರುತ್ತದೆ.
ಇಂಟರ್ಫೆರಾನ್ ಸೋಂಕಿತ ಕೋಶವನ್ನು ಸ್ಥಗಿತಗೊಳಿಸುವ ಮೂಲಕ ಸೋಂಕಿತ ಕೋಶಗಳು ಹೆಚ್ಚು ವೈರಸ್ ಉತ್ಪಾದಿಸುವುದನ್ನು ನಿಲ್ಲಿಸುತ್ತದೆ. ಇದು ಸಾಮಾನ್ಯವಾಗಿ ಜೀವಕೋಶದ ಸಾವಿಗೆ ಕಾರಣವಾಗುತ್ತದೆ. ಇದು ಸೋಂಕಿಗೆ ಒಳಗಾಗದಂತೆ ತಡೆಯಲು ಸುತ್ತಮುತ್ತಲಿನ ಜೀವಕೋಶಗಳ ಮೇಲೆ ಕಾರ್ಯನಿರ್ವಹಿಸುತ್ತದೆ.
ಈ ಹಿಂದಿನ ಸಂಶೋಧನೆಯಲ್ಲಿ ಡಬ್ಲೂಎನ್ಟಿ/ ಕ್ಯಾಟೆನಿನ್ ಜೀವಕೋಶಗಳಲ್ಲಿ ಸಿಗ್ನಲಿಂಗ್ ಮಾರ್ಗವನ್ನು ಸಕ್ರಿಯಗೊಳಿಸಲು ಎಚ್ಐವಿ ಹೇಗೆ ವಿಕಸನಗೊಂಡಿತು ಎಂಬುದರ ಬಗ್ಗೆ ಅಧ್ಯಯನದ ವೇಳೆ ಕಂಡುಕೊಳ್ಳಲಾಗಿದೆ. ಇದು ದೇಹವು ಪೆರಾಕ್ಸಿಸೋಮ್‌ಗಳನ್ನು ಉತ್ಪಾದಿಸುವುದನ್ನು ತಡೆಯುವ ಮಾರ್ಗವಾಗಿದೆ.