ಹೈದರಾಬಾದ್: ಪುರುಷರಲ್ಲಿ 50 ವರ್ಷದ ಬಳಿಕ ಪ್ರಾಸ್ಟೇಟ್ ಹಿಗ್ಗುವಿಕೆ ಲಕ್ಷಣಗಳು ಗೋಚರಿಸುತ್ತದೆ. ಇದು ಯಾವುದೇ ರೀತಿಯ ಕ್ಯಾನ್ಸರ್ ಅಲ್ಲ. ಅನೇಕ ಮಂದಿ ಇದು ಪ್ರಾಸ್ಟೇಟ್ ಕ್ಯಾನ್ಸರ್ಗೆ ಕಾರಣವಾಗುತ್ತದೆ ಎಂಬ ಭಯದಲ್ಲಿ ಇರುತ್ತಾರೆ. ಆದರೆ, ಇದು ನಿಜವಲ್ಲ. ಪ್ರಾಸ್ಟೇಟ್ ಹಿಗ್ಗುವಿಕೆಗೆ ನಿಖರವಾದ ಕಾರಣ ತಿಳಿದಿಲ್ಲ. ಆದರೆ, ಮೂತ್ರಕೋಶದ ಕೆಳಗೆ, ನಂತರ ಕ್ರಮೇಣ ಮೂತ್ರನಾಳದ ಸುತ್ತಲೂ ಬೆಳೆಯುತ್ತದೆ. ಇದು ಮೂತ್ರ ಕೋಶ ಮತ್ತು ಮೂತ್ರನಾಳದ ಮೇಲೆ ಒತ್ತಡವನ್ನು ಹೆಚ್ಚಿಸುತ್ತದೆ. ಫಲಿತಾಂಶವಾಗಿ ಮೂತ್ರನಾಳದ ಹರಿವಿನ ಮೇಲೆ ಪರಿಣಾಮ ಬೀರುತ್ತದೆ. ಇದರಿಂದ ಪದೇ ಪದೆ ಮೂತ್ರ ವಿಸರ್ಜನೆಯಂತಹ ಸಮಸ್ಯೆಗಳು ಕಾಣುತ್ತದೆ. ಈ ರೀತಿಯ ಲಕ್ಷಣಗಳು ಕಂಡು ಬಂದಾಗ ನಿರ್ಲಕ್ಷ್ಯ ಮಾಡದೇ, ವೈದ್ಯರ ಸಂಪರ್ಕಕ್ಕೆ ಬರಬೇಕು. ಕೆಲವು ಪರೀಕ್ಷೆಗಳು ಈ ಸಮಸ್ಯೆಗೆ ಪರಿಹಾರವಾಗಬಹುದು.
ಇನ್ನು ಈ ಪ್ರಾಸ್ಟೇಟ್ ಹಿಗ್ಗುವಿಕೆ ಸಮಸ್ಯೆ ಕಾಡುತ್ತಿದೆ ಎಂಬ ಅನುಮಾನ ವ್ಯಕ್ತವಾಗುತ್ತಿದ್ದರೆ, ಅವುಗಳ ಲಕ್ಷಣಗಳನ್ನು ಆಧಾರಿಸಿ ಮುನ್ನೆಚ್ಚರಿಕೆ ವಹಿಸಬಹುದು. ಈ ಸಂಬಂಧ ವೈದ್ಯರನ್ನು ಸಂಪರ್ಕಿಸಿ, ಸಮಸ್ಯೆಗೆ ಪರಿಹಾರ ಕಾಣಬಹುದು. ಇನ್ನು ಅದರ ಹೊರತಾಗಿ ಈ ಮುನ್ನೆಚ್ಚರಿಕೆ ವಹಿಸುವ ಮೂಲಕ ಸಮಸ್ಯೆ ಕಡಿಮೆ ಮಾಡಬಹುದು.
ಹೀಗಿದೆ ಇವುಗಳ ಲಕ್ಷಣ
- ಮೂತ್ರ ವಿಸರ್ಜನೆ ಆರಂಭಿಸಲು ಸಮಸ್ಯೆ ಉಂಟಾಗುವುದು
- ಮೂತ್ರ ವಿಸರ್ಜಿಸಲು ಕಷ್ಟಪಡುವುದು.
- ಮೂತ್ರದ ದುರ್ಬಲ ಹರಿವನ್ನು ಹೊಂದಿರುವುದು.
- ಪದೇ ಪದೆ ಮೂತ್ರ ವಿಸರ್ಜಿಸುವಂತಾಗುವುದು.
- ಮೂತ್ರ ವಿಸರ್ಜನೆಗೆ ರಾತ್ರಿಯಲ್ಲಿ ಪದೇ ಪದೆ ಎಚ್ಚರವಾಗುವುದು.
- ಮೂತ್ರದ ಅಸಂಯಮ.