ನವದೆಹಲಿ: ಇತ್ತೀಚಿನ ದಿನದಲ್ಲಿ ಆಹಾರ ಪ್ರಿಯರನ್ನು ಆಕರ್ಷಿಸುತ್ತಿರುವ ಡ್ರೈ ಐಸ್, ಲಿಕ್ವಿಡ್ ನೈಟ್ರೋಜನ್ ಸೇವಿಸುವುದು ಸುರಕ್ಷಿತವಲ್ಲ ಎಂಬುದಾಗಿ ವೈದ್ಯರು ತಿಳಿಸಿದ್ದಾರೆ. ಗುರುಗ್ರಾಮದ ಕೆಫೆಯೊಂದರಲ್ಲಿ ಮೌತ್ ಫ್ರೆಶರ್ ಎಂದು ಡ್ರೈ ಐಸ್ ನೀಡಲಾಗಿದೆ. ಇದನ್ನು ಸೇವಿಸಿದ ಐದು ಮಂದಿ ಗಂಭೀರವಾಗಿ ರಕ್ತದ ವಾಂತಿ ಮಾಡಿದ್ದು, ಅವರ ಬಾಯಲ್ಲಿ ಉರಿಯೂತದ ಅನುಭವ ಆಗಿರುವ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಡ್ರೈ ಐಸ್ ಎಂಬುದು ಘನೀಕೃತ ಇಂಗಾಲದ ಡೈ ಆಕ್ಸೈಡ್ (ಸಿಇ2) ಆಗಿದ್ದು, -109.3 ಫ್ಯಾರನ್ಹೀಟ್ ತಾಪಮಾನದಲ್ಲಿರುತ್ತದೆ. ಇಂಗಾಲದ ಡೈ ಆಕ್ಸೈಡ್ ಅಧಿಕ ತಾಪಮಾನದಲ್ಲಿ ಹೆಚ್ಚಿನ ಒತ್ತಡದೊಂದಿಗೆ ಸಂಕುಚಿತಗೊಳಿಸಿ ತಂಪಾಗಿಸಿ ಉತ್ಪಾದನೆ ಮಾಡಲಾಗುವುದು. ಈ ಡ್ರೈ ಐಸ್ ಮುರಿದಾಗ ಇದು ದ್ರವವಾಗುವ ಬದಲಾಗಿ ನೇರವಾಗಿ ಇಂಗಾಲದ ಡೈ ಆಕ್ಸೈಡ್ ಅನಿಲವಾಗುತ್ತದೆ. ಹೆಚ್ಚಿನ ತಂಪು ತಾಪಮಾನ ಮತ್ತು ಇದರ ಲಕ್ಷಣಗಳು ರೆಫ್ರಿಜರೇಟರ್ನಲ್ಲಿ ಉತ್ತಮವಾಗಿ ಕಾರ್ಯ ನಿರ್ವಹಿಸುತ್ತದೆ.
ಈ ಡ್ರೈ ಐಸ್ ತ್ವಚೆ ಮತ್ತು ದೇಹದ ಒಳಗಿನ ಅಂಗಾಂಗ ಮೇಲೆ ಗಂಭೀರ ಪರಿಣಾಮ ಬೀರುತ್ತದೆ. ಈ ಡ್ರೈ ಐಸ್ ಕೈಯಲ್ಲಿ ಹಿಡಿದಾಗ ಇದು ಕೆಲವೇ ಸೆಕೆಂಡ್ನಲ್ಲಿ ಚರ್ಮದ ಕೋಶವನ್ನು ಘನೀಕರಿಸಿ, ಸಾಯುವಂತೆ ಮಾಡುತ್ತದೆ. ಅಲ್ಲದೇ ಈ ಡ್ರೈ ಐಸ್ ಸುಡುವಿಕೆ ಮತ್ತು ಗಾಯಗಳಿಗೆ ಕಾರಣವಾಗುತ್ತದೆ ಎಂದು ಗುರುಗಾಂವ್ನ ಸಿಕೆ ಬಿರ್ಲಾ ಆಸ್ಪತ್ರೆಯ ಇಂಟರ್ನಲ್ ಮೆಡಿಸಿನ್ ವಿಭಾಗದ ಡಾ ತುಷಾರ್ ಟಯಲ್ ತಿಳಿಸಿದ್ದಾರೆ.