ರಾತ್ರಿ ಊಟದಲ್ಲಿ ಈ ಆಹಾರ ಸೇವಿಸಿದರೆ ಆರೋಗ್ಯಕ್ಕೆ ಅಪಾಯ!; ಅಂತಹ ಪದಾರ್ಥಗಳಾದರೂ ಯಾವವು?

ರಾತ್ರಿ ಊಟದಲ್ಲಿ ಈ ಆಹಾರ ತಿಂದರೆ ಆರೋಗ್ಯಕ್ಕೆ ಅಪಾಯ ಉಂಟಾಗುತ್ತದೆ. ಇವುಗಳನ್ನು ತಿಂದರೆ ಅಜೀರ್ಣ ಸಮಸ್ಯೆಯಿಂದ ಹಿಡಿದು ಡಯಾಬಿಟಿಸ್​ ಕಾಯಿಲೆ ಸೇರಿದಂತೆ ಹಲವು ಆರೋಗ್ಯ ಸಮಸ್ಯೆಗಳು ಎದುರಾಗಲಿವೆ. ಆ ಪದಾರ್ಥಗಳು ಯಾವವು ಎಂಬುದನ್ನು ತಿಳಿಯೋಣ.

Avoid These Foods in Dinner:ರಾತ್ರಿಯ ಊಟ ತುಂಬಾ ಮುಖ್ಯವಾಗಿದೆ. ದೇಹವು ಹೆಚ್ಚು ಚಲಿಸುವುದಿಲ್ಲ, ಇದರಿಂದ ತಜ್ಞರು ಲಘು ಆಹಾರ ಸೇವನೆ ಮಾಡಲು ಸಲಹೆ ನೀಡುತ್ತಾರೆ. ಮೇಲಾಗಿ ರಾತ್ರಿ 7 ಗಂಟೆಯೊಳಗೆ ಊಟ ಮುಗಿಸಬೇಕು. ಆದರೆ, ಅನೇಕರು 10 ಗಂಟೆಯವರೆಗೂ ಊಟ ಮಾಡುವುದಿಲ್ಲ. ಅವರು ಟಿವಿ ನೋಡುತ್ತಾ ಅಥವಾ ಕುಟುಂಬದ ಸದಸ್ಯರೊಂದಿಗೆ ಮಾತನಾಡುತ್ತಾ ಸಮಯ ಕಳೆಯುತ್ತಾರೆ. ಈ ಗ್ಯಾಪ್‌ನಲ್ಲಿ ರಾತ್ರಿ ಏನನ್ನು ಸೇವಿಸ ಬಾರದೋ ಅದೆಲ್ಲವನ್ನು ಚೆನ್ನಾಗಿ ತಿನ್ನುತ್ತಾರೆ. ಇದರಿಂದ ಹಲವಾರು ಆರೋಗ್ಯ ಸಮಸ್ಯೆಗಳು ಎದುರಾಗಬಹುದು ಎಂದು ತಜ್ಞರು ಎಚ್ಚರಿಕೆ ನೀಡಿದ್ದಾರೆ.

ಸಿಹಿ ತಿಂಡಿಗಳು: ರಾತ್ರಿಯಲ್ಲಿ ಅನೇಕ ಜನರು ಸಿಹಿತಿಂಡಿಗಳನ್ನು ತಿನ್ನುತ್ತಾರೆ. ಕೆಲವರು ಸಮಯ ಕಳೆಯಲು ಏನಾದರೂ ತಿಂದರೆ, ಇನ್ನು ಕೆಲವರು ಸಿಹಿತಿಂಡಿ ತಿಂದರೆ ಚೆನ್ನಾಗಿ ನಿದ್ದೆ ಬರುತ್ತದೆ ಎಂದು ತಾವು ಭಾವಿಸುತ್ತಾರೆ. ಆದರೆ, ರಾತ್ರಿಯಂತೂ ಸಕ್ಕರೆ ಹೆಚ್ಚಿರುವ ಪದಾರ್ಥಗಳನ್ನು ತಿನ್ನದೇ ಇರುವುದು ಒಳ್ಳೆಯದು ಎಂದು ತಜ್ಞರು ತಿಳಿಸುತ್ತಾರೆ. ಮಲಗುವ ಮುನ್ನ ಸಿಹಿತಿಂಡಿಗಳನ್ನು ಸೇವಿಸಿದರೆ.. ಅದರಲ್ಲಿರುವ ಸಕ್ಕರೆ ಅಂಶವು ರಕ್ತದಲ್ಲಿ ಬೆರೆತು ದೇಹದಲ್ಲಿನ ಶಕ್ತಿಯನ್ನು ಕುಂದಿಸುತ್ತದೆ. ನಿದ್ರೆಗೆ ತೊಂದರೆಯಾಗುವ ಸಾಧ್ಯತೆ ಕೂಡ ಹೆಚ್ಚಿದೆ. ಈ ರೀತಿ ಮಲಗುವ ಮುನ್ನ ಸಿಹಿ ಪದಾರ್ಥಗಳನ್ನು ತಿನ್ನುವುದರಿಂದ ಟೈಪ್-2 ಮಧುಮೇಹದ ಸಾಧ್ಯತೆಯಿದೆ ಎಂದು "ಜರ್ನಲ್ ಆಫ್ ಕ್ಲಿನಿಕಲ್ ಎಂಡೋಕ್ರೈನಾಲಜಿ ಮತ್ತು ಮೆಟಾಬಾಲಿಸಮ್"ನಲ್ಲಿ ಪ್ರಕಟವಾದ ಅಧ್ಯಯನವು ತಿಳಿಸುತ್ತದೆ.

ಪಿಜ್ಜಾ, ಬರ್ಗರ್:ಕೇವಲ ಐಸ್‌ಕ್ರೀಂ, ಕೇಕ್‌ಗಳಷ್ಟೇ ಅಲ್ಲ, ರಾತ್ರಿ ವೇಳೆ ಪಿಜ್ಜಾ, ಬರ್ಗರ್‌ನಂತಹ ಕೊಬ್ಬಿನಾಂಶವಿರುವ ಆಹಾರಗಳನ್ನು ಸೇವಿಸದಿರುವುದು ಉತ್ತಮ. ಕೊಲೆಸ್ಟ್ರಾಲ್ ಹೆಚ್ಚಿರುವ ಆಹಾರವನ್ನು ಸೇವಿಸುವುದರಿಂದ ಹೊಟ್ಟೆ ತುಂಬಿದ ಅನುಭವವಾಗುತ್ತದೆ. ಇದರಿಂದ.. ಕೆಲವೊಮ್ಮೆ ಜೀರ್ಣಕ್ರಿಯೆ ನಿಧಾನಗೊಂಡು ಜೀರ್ಣಕ್ರಿಯೆ ಸಮಸ್ಯೆ ಉಂಟಾಗುತ್ತದೆ. ಇದರಿಂದ ಬೆಳಗ್ಗೆ ಸೋಮಾರಿತನ ಕಾಡುತ್ತಿದೆ ಎಂದು ತಜ್ಞರು ತಿಳಿಸುತ್ತಾರೆ.

ಕೆಫೀನ್:ಅನೇಕ ಜನರು ರಾತ್ರಿಯಲ್ಲಿ ಕಾಫಿ ಹಾಗೂ ಚಹಾ ಕುಡಿಯುತ್ತಾರೆ. ಇವುಗಳನ್ನು ಸೇವಿಸುವುದು ಒಳ್ಳೆಯದಲ್ಲ. ಇವುಗಳಲ್ಲಿ ಇರುವ ಕೆಫೀನ್ ಜೀರ್ಣಾಂಗ ವ್ಯವಸ್ಥೆಯಲ್ಲಿ ಆಮ್ಲೀಯತೆ ಹೆಚ್ಚಿಸುವ ಅವಕಾಶ ಹೊಂದಿದೆ. ಇದು ಆರೋಗ್ಯಕ್ಕೂ ಒಳ್ಳೆಯದಲ್ಲ. ಇದಲ್ಲದೇ, ತಂಪು ಪಾನೀಯಗಳು ಮತ್ತು ನಿಂಬೆ ರಸದಲ್ಲಿ ಆಮ್ಲೀಯತೆ ಹೆಚ್ಚಾಗಿರುತ್ತದೆ. ಹಾಗಾಗಿ ರಾತ್ರಿ ವೇಳೆ ಇವುಗಳನ್ನು ಕುಡಿಯದಿರುವುದು ಉತ್ತಮ.

ಪ್ರೋಟೀನ್:ರಾತ್ರಿಯ ಊಟವನ್ನು ಕಷ್ಟಪಟ್ಟು ತಿನ್ನುವವರೂ ಹಲವು ಜನರು ಇದ್ದಾರೆ. ಚಿಕನ್ ಹಾಗೂ ಮಟನ್ ಸಮವಾಗಿ ಸೇವಿಸುತ್ತಾರೆ. ಆದ್ರೆ, ಮಲಗುವ ಮುನ್ನ ಹೆಚ್ಚಿನ ಪ್ರಮಾಣದಲ್ಲಿ ಪ್ರೊಟೀನ್ ಯುಕ್ತ ಆಹಾರ ಸೇವಿಸುವುದರಿಂದ ಹೊಟ್ಟೆ ತುಂಬಿ ಅನಾನುಕೂಲವಾಗುತ್ತದೆ. ಜೀರ್ಣಕ್ರಿಯೆ ಕೂಡ ಸರಾಗವಾಗಿ ನಡೆಯುವುದಿಲ್ಲ. ಅಜೀರ್ಣವಾಗುವ ಸಾಧ್ಯತೆಯೂ ಇದೆ. ಹೀಗಾಗಿ ರಾತ್ರಿ ವೇಳೆ ಮಾಂಸಾಹಾರ ಮತ್ತು ಪ್ರೋಟೀನ್ ಹೆಚ್ಚಿರುವ ಆಹಾರ ಪದಾರ್ಥಗಳನ್ನು ಕಡಿಮೆ ಪ್ರಮಾಣದಲ್ಲಿ ಸೇವಿಸುವುದು ಉತ್ತಮ ಎಂದು ಸಲಹೆ ನೀಡಲಾಗಿದೆ.

ಇವು ಕೂಡ ರಾತ್ರಿ ಸೇವಿಸಬೇಡಿ:ಮಸಾಲೆಯುಕ್ತ ಆಹಾರ ಪದಾರ್ಥಗಳನ್ನು ಹೆಚ್ಚಿನ ಜನರಿಗೆ ತುಂಬಾ ಆರಾಮದಾಯಕವಾಗಿದೆ. ರಾತ್ರಿ ವೇಳೆ ಇಂತಹ ಮಸಾಲೆಯುಕ್ತ ಆಹಾರಗಳನ್ನು ಸೇವಿಸದಿರುವುದು ಉತ್ತಮ. ಮೊಸರು ಕೂಡ ರಾತ್ರಿಯಲ್ಲಿ ಅಷ್ಟೊಂದು ಒಳ್ಳೆಯದಲ್ಲ. ಅದರಲ್ಲೂ ಸಕ್ಕರೆ ಸೇರಿಸಿದ ಮೊಸರು ರಾತ್ರಿ ಸೇವನೆ ಮಾಡುವುದು ಆರೋಗ್ಯಕ್ಕೆ ಹಾನಿಕರ ಎಂದು ತಜ್ಞರು ವಿವರಿಸುತ್ತಾರೆ.

ಓದುಗರಿಗೆ ಪ್ರಮುಖ ಸೂಚನೆ:ಇಲ್ಲಿ ನಿಮಗೆ ನೀಡಿರುವ ಎಲ್ಲ ಆರೋಗ್ಯ ಮಾಹಿತಿ ಹಾಗೂ ಸಲಹೆಗಳು ನಿಮ್ಮ ತಿಳುವಳಿಕೆಗಾಗಿ ಮಾತ್ರ. ವೈಜ್ಞಾನಿಕ ಸಂಶೋಧನೆ, ಅಧ್ಯಯನ, ವೈದ್ಯಕೀಯ ಮತ್ತು ಆರೋಗ್ಯ ವೃತ್ತಿಪರ ಸಲಹೆಯನ್ನು ಆಧರಿಸಿ ನಾವು ಈ ಮಾಹಿತಿಯನ್ನು ನೀಡಿದ್ದೇವೆ.

ಇವುಗಳನ್ನು ಓದಿ: