ಬಿಹಾರ: ಗಯಾದ ಬ್ರಹ್ಮಯೋನಿ ಬೆಟ್ಟದಲ್ಲಿ ಮಧುಮೇಹ ವಿರೋಧಿ ಗಿಡಮೂಲಿಕೆ ಪತ್ತೆ - Anti Diabetic Medicinal Plant

ಗಯಾದ ಬ್ರಹ್ಮಯೋನಿ ಬೆಟ್ಟದಲ್ಲಿ ಮೂರು ಔಷಧೀಯ ಗುಣಗಳುಳ್ಳ ಸಸ್ಯ ಪ್ರಭೇದ ಪತ್ತೆಯಾಗಿದ್ದು, ಅದರಲ್ಲಿ ಒಂದರ ಹೆಸರು ಗುರ್ಮಾರ್ ಆಗಿದ್ದು ವಿಶೇಷವಾಗಿದೆ.

ನವದೆಹಲಿ: ಬಿಹಾರದ ಗಯಾದಲ್ಲಿರುವ ಬ್ರಹ್ಮಯೋನಿ ಬೆಟ್ಟದಲ್ಲಿ ಔಷಧೀಯ ಗುಣಗಳನ್ನು ಹೊಂದಿರುವ ವಿಶೇಷ ಸಸ್ಯಗಳನ್ನು ಸಂಶೋಧಕರ ತಂಡ ಪತ್ತೆ ಹಚ್ಚಿದೆ. ಇಲ್ಲಿ ದೊರೆತ ಗುರ್ಮಾರ್​ ಎಂದು ಕರೆಯಲಾಗುವ ಜಿಮ್ನೆಮಾ ಸಿಲ್ವೆಸ್ಟ್ರೆ ಸಸ್ಯ ಮಧುಮೇಹ ವಿರೋಧಿ ಗುಣಗಳನ್ನು ಹೊಂದಿದೆ. ಈ ಕುರಿತ ಅಧ್ಯಯನ ವರದಿ ಇಂಟರ್ನ್ಯಾಷನಲ್​ ಜರ್ನಲ್​ ಆಫ್​ ಕ್ರಿಯೇಟಿವ್​ ರಿಸರ್ಚ್​ ಥಾಟ್ಸ್‌ನಲ್ಲಿ ಪ್ರಕಟಗೊಂಡಿದೆ.

ಸಿಎಸ್​ಐಆರ್​​ ಸಂಶೋಧನಾ ಸಂಸ್ಥೆ ನಡೆಸಿದ ಅಧ್ಯಯನದಲ್ಲಿ, ಈ ಔಷಧಿಯ ಸಸ್ಯ ಮಧುಮೇಹ ವಿರೋಧಿ ಔಷಧವಾಗಿರುವ ಬಿಜಿಆರ್​-34ರ ಅಭಿವೃದ್ಧಿಗೆ ಬಳಸಲಾಗುತ್ತದೆ ಎಂದು ತಿಳಿಸಲಾಗಿದೆ,

ಗುರ್ಮಾರ್​ ಸಸ್ಯದಲ್ಲಿ ಗ್ಲೇಮ್ನೆಮಿಕ್​ ಆಮ್ಲವಿದೆ. ಇದು ರಕ್ತದ ಸಕ್ಕರೆ ಮಟ್ಟವನ್ನು ಕಡಿಮೆ ಮಾಡುವ ಸಾಮರ್ಥ್ಯ ಹೊಂದಿದೆ. ಸಸ್ಯದ ಫ್ಲೇವನೋಯ್ಸ್ಡ್​​ ಮತ್ತು ಸಪೊನಿನ್ಸ್​​ ಲಿಪಿಡ್​ ಚಯಾಪಚಯವನ್ನು ನಿಯಂತ್ರಿಸಲು ಸಹಾಯಕ. ಫ್ಲೇವನೋಯ್ಡ್ಸ್​​ ಉರಿಯೂತ ವಿರೋಧಿ ಗುಣ ಹೊಂದಿದ್ದು, ಸಪೊನಿನ್ಸ್​ ಕೊಲೆಸ್ಟ್ರಾಲ್​ ಮಟ್ಟವನ್ನು ತಗ್ಗಿಸುತ್ತದೆ ಎಂದು ಮಗಧ​​ ಯುನಿವರ್ಸಿಟಿ ಪ್ರೊಫೆಸರ್​​ಗಳು ತಿಳಿಸಿದ್ದಾರೆ. (ಎಎನ್​ಐ)

ಇದನ್ನೂ ಓದಿ: ಜನರನ್ನು ಆತಂಕಕ್ಕೆ ದೂಡುತ್ತಿವೆ ಸ್ಮಾರ್ಟ್​ವಾಚ್​ನಂತಹ ಸಾಧನಗಳು