ಹೈದರಾಬಾದ್: 2021ರಲ್ಲಿ ಬಿಡುಗಡೆಯಾಗಿದ್ದ ಕ್ರೈಂ ಥ್ರಿಲ್ಲಿಂಗ್ ಸಿನಿಮಾ 'ಹಸೀನ್ ದಿಲ್ರುಬಾ' ನಟಿ ತಾಪ್ಸಿ ಪನ್ನು ಮತ್ತು ನಟ ವಿಕ್ರಾಂತ್ ಮೆಸ್ಸಿಗೆ ಹಿಟ್ ನೀಡಿತ್ತು. ಇದೇ ಕಾರಣಕ್ಕೆ ಸಿನಿಮಾದ ಸಿಕ್ವೇಲ್ ನಿರ್ಮಾಣಕ್ಕೆ ತಂಡ ಮುಂದಾಗಿತ್ತು. 'ಫಿರ್ ಆಯಿ ಹಸೀನ್ ದಿಲ್ರುಬಾ' ಮೂಲಕ ಈ ಜೋಡಿ ಮತ್ತೊಮ್ಮೆ ಜನರ ಮೋಡಿ ಮಾಡಲು ಸಜ್ಜಾಗಿದೆ. ಈ ಹಿಂದಿನ ಚಿತ್ರದಲ್ಲಿದ್ದಂತೆ ಪ್ರೀತಿ, ಮೋಸ ಮತ್ತು ಅಪರಾಧಗಳ ಸಸ್ಪೆನ್ಸ್ನ ರೋಚಕತೆ ಈ ಚಿತ್ರದಲ್ಲಿಯೂ ಇರಲಿದೆ. ಈ ಚಿತ್ರಕ್ಕಾಗಿ ಕಾಯುತ್ತಿರುವ ಜನರಿಗೆ ಇದೀಗ ತಂಡ ಸಿನಿಮಾ ಬಿಡುಗಡೆ ದಿನಾಂಕ ಘೋಷಿಸಿದೆ.
ಜಯಪ್ರದ್ ದೇಸಾಯಿ ನಿರ್ದೇಶನಕ್ಕೆ ಕನಿಕಾ ಧಿಲ್ಲೊನ್ ಕಥೆ ಬರೆದಿದ್ದಾರೆ. ಚಿತ್ರದ ಪ್ರಮುಖ ಪಾತ್ರಧಾರಿಗಳಾದ ಸನ್ನಿ ಕೌಶಲ್ ಮತ್ತು ಜಿಮ್ಮಿ ಶೆರ್ಗಿಲ್ ಸಹ ನಿರ್ದೇಶಕರಾಗಿದ್ದಾರೆ. ಆನಂದ್ ಎಲ್ ರಾಯ್ ಅವರ ಕಲರ್ಸ್ ಯೆಲ್ಲೊ ಪ್ರೊಡಕ್ಷನ್ ಮತ್ತು ಭೂಷಣ್ ಕುಮಾರ್ರ ಟಿ ಸೀರಿಸ್ ಚಿತ್ರಕ್ಕೆ ಬಂಡವಾಳ ಹೂಡಿದೆ. ಈ ಸಿಕ್ಚೇಲ್ ರೊಮಾನ್ಸ್, ಕುತೂಹಲ ಹಾಗೂ ಅನಿರೀಕ್ಷಿತ ತಿರುವುಗಳನ್ನು ಹೊಂದಿದೆ.
ಚಿತ್ರದ ಪ್ರಮುಖ ಪಾತ್ರವಾಗಿರುವ ರಾಣಿ ಕಶ್ಯಪ್ ಮತ್ತು ರಿಶಬ್ ಸಕ್ಸೆನಾ ಅವರ ಈ ಪ್ರಯಾಣ ಆಗಸ್ಟ್ 9ರಿಂದ ಪ್ರಾರಂಭವಾಗಲಿದೆ. ಈ ಹಿಂದಿನ ಕಥೆಯ ಮುಂದುವರೆದ ಭಾಗವಾಗಿರುವ ಅವರು ಆಗ್ರಾದಿಂದ ಪ್ರಾರಂಭವಾಗಲಿದೆ. ಈ ಹಿಂದಿನ ಚಿತ್ರದಲ್ಲಿ ಪೊಲೀಸರ ವಿಚಾರಣೆಯನ್ನು ಚಾಣಾಕ್ಷತೆಯಿಂದ ಎದುರಿಸಿದ್ದ ಜೋಡಿಯ ಹೊಸ ಹಾದಿ ಅಪಾಯದಿಂದ ಕೂಡಿದೆ. ಕಾರಣ ಅವರ ಜಾಡನ್ನು ಪೊಲೀಸರು ಬೆನ್ನಟ್ಟಿದ್ದಾರೆ. ಸನ್ನಿ ಕೌಶಲ್ರ ಅಭಿಮನ್ಯು ಪಾತ್ರ ಹೊಸ ಡ್ರಾಮಾ ದೊಂದಿಗೆ ಹೊಸ ಒಳಸಂಚುಗಳಲ್ಲಿ ಕಾಣಬಹುದಾಗಿದೆ. ಈ ಪ್ರೇಮಿಗಳು ಈ ಬಾರಿ ಜಿಮ್ಮಿ ಶೆರ್ಗಿಲ್ ಸೇರಿದಂತೆ ಹೊಸ ಶತ್ರುಗಳನ್ನು ಎದುರಿಸಲಿದ್ದಾರೆ.
ತಾಪ್ಸಿ ಪನ್ನು, ವಿಕ್ರಾಂತ್ ಮೆಸ್ಸಿ ಮತ್ತು ಸನ್ನಿ ಕೌಶಲ್ ಅವರ ಸಿಕ್ವೇಲ್ನ ಚಿತ್ರೀಕರಣ 2023ರಲ್ಲೇ ಮುಗಿದಿದೆ. ಹಸೀನ್ ದಿಲ್ರುಬಾ ಚಿತ್ರವನ್ನು ವಿನಿಲ್ ಮ್ಯಾಥ್ಯೂ ನಿರ್ದೇಶಿಸಿದ್ದು, ಕನಿಕಾ ಧಿಲ್ಲೊನ್ ಕಥೆ ಬರೆದಿದ್ದರು. ಈ ಚಿತ್ರಕ್ಕೆ ಮಿಶ್ರ ಪ್ರತಿಕ್ರಿಯೆ ಬಂದರೂ 2021ರಲ್ಲಿ ನೆಟ್ಫ್ಲಿಕ್ಸ್ನಲ್ಲಿ ಅತಿ ಹೆಚ್ಚು ವೀಕ್ಷಿಸಿದ ಹಿಂದಿ ಸಿನಿಮಾ ಇದಾಗಿತ್ತು. ಸಿನಿಮಾದ ಮೊದಲ ಭಾಗದಲ್ಲಿ ಹರ್ಷವರ್ಧನ್ ರಾಣೆ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು.
ಇದನ್ನೂ ಓದಿ:'ಕಲ್ಕಿ'ಗಾಗಿ ಹಾಕಿದ ಬಜೆಟ್ ನೊಡಿ ಗಾಬರಿಯಾಗಿದ್ದ ಪ್ರಭಾಸ್: ಅಭಿಮಾನಿಗಳಿಗೆ 'ಭೈರವ'ನ ಸ್ಪೆಷಲ್ ಥ್ಯಾಂಕ್ಸ್
