ನೋಯ್ಡಾ(ಉತ್ತರ ಪ್ರದೇಶ):ಬಾಲಿವುಡ್ಚಲನಚಿತ್ರ ನಿರ್ಮಾಪಕ ಬೋನಿ ಕಪೂರ್ ಮತ್ತು ರಿಯಲ್ ಎಸ್ಟೇಟ್ ಡೆವಲಪರ್ ಭೂತಾನಿ ಗ್ರೂಪ್ ಅವರ ಬೆಂಬಲದೊಂದಿಗೆ ಬೇವ್ಯೂ ಪ್ರಾಜೆಕ್ಟ್ಸ್, ಉತ್ತರ ಪ್ರದೇಶದ ನೋಯ್ಡಾ ಬಳಿ ಫಿಲ್ಮ್ ಸಿಟಿ ಅಭಿವೃದ್ಧಿಪಡಿಸುವ ಗುತ್ತಿಗೆ ಗೆದ್ದುಗೊಂಡಿದೆ. ಯುಪಿ ಸರ್ಕಾರದ ಅಡಿಯಲ್ಲಿ ಕಾರ್ಯನಿರ್ವಹಿಸುವ ಯಮುನಾ ಎಕ್ಸ್‌ಪ್ರೆಸ್‌ವೇ ಇಂಡಸ್ಟ್ರಿಯಲ್ ಡೆವಲಪ್‌ಮೆಂಟ್ ಅಥಾರಿಟಿ (ವೈಇಐಡಿಎ) ಮಂಗಳವಾರ ಮಧ್ಯಾಹ್ನ ಗ್ರೀನ್‌ಫೀಲ್ಡ್ ಯೋಜನೆಗೆ ಹಣಕಾಸು ಬಿಡ್ ಮಾಡಿತು. ಬೋನಿ ಕಪೂರ್ ಮತ್ತು ಭೂತಾನಿ ಗ್ರೂಪ್ ಈ ಫಿಲ್ಮ್ ಸಿಟಿಗಾಗಿ ಅತಿ ಹೆಚ್ಚು ಬಿಡ್ ಮಾಡಿದೆ ಎಂದು ವೈಇಐಡಿಎ ತಿಳಿಸಿದೆ.
15 ದಿನದಲ್ಲಿ ಸರ್ಕಾರದಿಂದ ಅನುಮೋದನೆ: ಯೋಜನೆಯ ಅಭಿವೃದ್ಧಿಗೆ ಭೂಮಿ ಮಂಜೂರು ಮಾಡುವ ಮೊದಲು ರಿಯಾಯಿತಿದಾರರ ಆಯ್ಕೆಯು ಯುಪಿ ಸರ್ಕಾರದಿಂದ ಅನುಮೋದನೆ ಪಡೆಯಬೇಕಿದೆ. ಮುಂದಿನ 15 ದಿನಗಳಲ್ಲಿ ಸಚಿವ ಸಂಪುಟದಿಂದ ಅನುಮೋದನೆ ಸಿಗಲಿದೆ ಎಂದು ವೈಇಐಡಿಎನ ಅಧಿಕಾರಿ ಶೈಲೇಂದ್ರ ಭಾಟಿಯಾ ಹೇಳಿದರು.
ಸಾರ್ವಜನಿಕ-ಖಾಸಗಿ ಸಹಭಾಗಿತ್ವದ (ಪಿಪಿಪಿ) ಮಾದರಿಯಲ್ಲಿ ನಿರ್ಮಿಸಲಾಗುವ ಫಿಲ್ಮ್ ಸಿಟಿಗಾಗಿ ರಾಜ್ಯ ಸರ್ಕಾರಕ್ಕೆ ಶೇ.18ದಷ್ಟು ಹೆಚ್ಚಿನ ಆದಾಯದ ಪಾಲನ್ನು ಬೇವ್ಯೂ ಪ್ರಾಜೆಕ್ಟ್ಸ್ ನೀಡಲಿದೆ. ಬೇವ್ಯೂ ಪ್ರಾಜೆಕ್ಟ್ಸ್ ವಿರುದ್ಧ ಸೂಪರ್ ಕ್ಯಾಸೆಟ್ಸ್ ಇಂಡಸ್ಟ್ರೀಸ್ ಪ್ರೈವೇಟ್ ಲಿಮಿಟೆಡ್ (ಟಿ-ಸೀರೀಸ್), ಸೂಪರ್‌ಸಾನಿಕ್ ಟೆಕ್ನೋಬಿಲ್ಡ್ ಪ್ರೈವೇಟ್ ಲಿಮಿಟೆಡ್ (ಚಲನಚಿತ್ರ ನಟ ಅಕ್ಷಯ್ ಕುಮಾರ್, ಮ್ಯಾಡಾಕ್ ಫಿಲ್ಮ್ಸ್ ಮತ್ತು ಇತರರಿಂದ ಬೆಂಬಲಿತವಾಗಿದೆ), ಮತ್ತು 4 ಲಯನ್ಸ್ ಫಿಲ್ಮ್ಸ್ ಪ್ರೈವೇಟ್ ಲಿಮಿಟೆಡ್ (ಚಲನಚಿತ್ರ ನಿರ್ಮಾಪಕ ಕೆ.ಸಿ.ಬೊಕಾಡಿಯಾ ಮತ್ತು ಇತರರಿಂದ ಬೆಂಬಲಿತವಾಗಿದೆ) ಸ್ಪರ್ಧಿಸಿದ್ದವು. ಫಿಲ್ಮ್ ಸಿಟಿ ಅಭಿವೃದ್ಧಿಪಡಿಸಲು ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರ ಸರ್ಕಾರ ಪಿಇಟಿ ಯೋಜನೆ ಹಾಕಿಕೊಂಡಿದೆ.