ಐಐಟಿ ಜೋಧ್​ಪುರ್​​ನಲ್ಲಿ ಇಂಗ್ಲಿಷ್​ ಜೊತೆಗೆ ಹಿಂದಿ ಭಾಷೆಯಲ್ಲೂ ಬೋಧನೆ - IIT Jodhpur

ಉತ್ತಮ ಬೋಧನೆ ಮತ್ತು ಕಲಿಕೆಯ ಉದ್ದೇಶದಿಂದ ಪ್ರಾದೇಶಿಕ ಭಾಷೆಗಳಲ್ಲೂ ಶಿಕ್ಷಣಕ್ಕೆ ಎನ್ಇಪಿ​ ಒತ್ತು ನೀಡಿದೆ.

ಜೋಧ್​​ಪುರ್​: ಜೋಧ್​ಪುರದ ಭಾರತೀಯ ತಾಂತ್ರಿಕ ಸಂಸ್ಥೆಯಲ್ಲಿ (IIT) ಮುಂಬರುವ ಶೈಕ್ಷಣಿಕ ವರ್ಷದಿಂದ ಬಿ.ಟೆಕ್​ ಪ್ರಥಮ ವರ್ಷದ ವಿದ್ಯಾರ್ಥಿಗಳು ಇಂಗ್ಲಿಷ್​​ ಜೊತೆಗೆ ಹಿಂದಿ ಭಾಷೆಯಲ್ಲಿ ಕಲಿಯಲು ಅವಕಾಶ ನೀಡಿದೆ. ಈ ಕುರಿತ ಪ್ರಸ್ತಾವನೆಯನ್ನು ಸೆನೆಟ್​ನ 38ನೇ ಸಭೆಯಲ್ಲಿ ಮಂಡಿಸಲಾಗಿತ್ತು. ಈ ಪ್ರಸ್ತಾವನೆಗೆ ಮಂಡಳಿ ಸದಸ್ಯರು ಜೂನ್​ 28ಕ್ಕೆ ಸಮ್ಮತಿ ಸೂಚಿಸಿದ್ದಾರೆ.

ರಾಷ್ಟ್ರೀಯ ಶಿಕ್ಷಣ ನೀತಿ-2020ಕ್ಕೆ ಅನುಗುಣವಾಗಿ ತರಗತಿ ನಡೆಸುವ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ನಿರ್ದೇಶಕ ಪ್ರೊ.ಅವಿನಾಶ್​ ಕುಮಾರ್​ ಅಗರ್ವಾಲ್​ ತಿಳಿಸಿದ್ದಾರೆ. ಇದೀಗ ಮೊದಲ ವರ್ಷದ ವಿದ್ಯಾರ್ಥಿಗಳು ಹಿಂದಿ ಮತ್ತು ಇಂಗ್ಲಿಷ್​ನಲ್ಲೂ ಕಲಿಯುವ ಅವಕಾಶ ಪಡೆಯಲಿದ್ದಾರೆ. ಇದರಿಂದ ಅವರಿಗೆ ವಿಷಯವನ್ನು ತಮ್ಮ ಭಾಷೆಯಲ್ಲಿಯೇ ಸುಲಭ ಮತ್ತು ಆಳವಾಗಿ ಕಲಿಯುವ ಅವಕಾಶ ಸಿಗುತ್ತದೆ ಎಂದಿದ್ದಾರೆ.

ಈ ಕಲಿಕೆಗಾಗಿ ತರಗತಿಯನ್ನು ಎರಡು ವಿಭಾಗಗಳನ್ನು ಮಾಡಲಾಗಿದೆ. ಒಂದು ಇಂಗ್ಲಿಷ್​ ಮತ್ತೊಂದು ಹಿಂದಿ. ಎರಡು ವಿಭಾಗಗಳಿಗೂ ಅದೇ ವಿಷಯವನ್ನು ಶಿಕ್ಷಕರು ಇಂಗ್ಲಿಷ್​ ಮತ್ತು ಹಿಂದಿಯಲ್ಲಿ ಕಲಿಸಲಿದ್ದಾರೆ. ವಿದ್ಯಾರ್ಥಿಗಳು ತಮ್ಮ ಆಯ್ಕೆಗೆ ಅನುಗುಣವಾಗಿ ವಿಭಾಗದ ಆಯ್ಕೆಗೆ ಅವಕಾಶ ನೀಡಲಾಗಿದೆ. ಅಲ್ಲದೇ, ಅವಶ್ಯಕತೆ ಇದಲ್ಲಿ ಸೆಷನ್​ ಮಧ್ಯೆ ಅವರು ಒಂದು ಭಾಷೆಯಿಂದ ಮತ್ತೊಂದು ಭಾಷೆಗೆ ಬದಲಾವಣೆ ಕೂಡ ಮಾಡಬಹುದು.

ಇದು ವಿದ್ಯಾರ್ಥಿಗಳಿಗೆ ಉತ್ತಮ ಶೈಕ್ಷಣಿಕ ವಾತಾವರಣ ನಿರ್ಮಿಸುತ್ತದೆ. ಇಂಗ್ಲಿಷ್​​ನಲ್ಲಿ ಕಲಿಕೆಯ ಸವಾಲು ಎದುರಿಸುತ್ತಿರುವ ವಿದ್ಯಾರ್ಥಿಗಳಿಗೆ ಸಾಕಷ್ಟು ಪ್ರಯೋಜನಕಾರಿಯಾಗಲಿದೆ. ಅಲ್ಲದೇ, ಅವರು ತಮ್ಮ ಭಾಷೆಗೆ ಅನುಗುಣವಾಗಿ ಉಪನ್ಯಾಸವನ್ನು ಆಯ್ಕೆ ಮಾಡಬಹುದು. ಶೈಕ್ಷಣಿಕ ಪರಿಸರಕ್ಕೆ ಅನುಗುಣವಾಗಿ ಸರಾಗವಾಗಿ ವಿದ್ಯಾರ್ಥಿಗಳು ಇದನ್ನು ಅಳವಡಿಸಿಕೊಳ್ಳಲಿದ್ದಾರೆ ಎಂದು ತಿಳಿಸಿದ್ದಾರೆ.

ಕಲಿಕೆಯ ಸಂದರ್ಭದಲ್ಲಿ ಕೆಲವು ತಾಂತ್ರಿಕ ಶಬ್ಧಗಳನ್ನು ಇಂಗ್ಲಿಷ್​ನಲ್ಲಿ ಇರಲಿದ್ದು, ಇವುಗಳನ್ನು ಇಂಗ್ಲಿಷ್​ ಮತ್ತು ಹಿಂದಿಯಲ್ಲಿ ವಿವರಿಸುವ ಪ್ರಯತ್ನ ನಡೆಸಲಾಗುವುದು. ಜೊತೆಗೆ ಅವರಿಗೆ ಹಿಂದಿಯಲ್ಲಿಯೇ ಅಧ್ಯಯನ ಸಾಮಾಗ್ರಿ ಒದಗಿಸುವ ಕಾರ್ಯ ಕೂಡ ನಡೆಯಲಿದೆ. ಎನ್ಇಪಿ​ನ ಉದ್ದೇಶದಂತೆ ಉತ್ತಮ ಬೋಧನೆ ಮತ್ತು ಕಲಿಕೆ ಉದ್ದೇಶದಿಂದ ಪ್ರಾದೇಶಿಕ ಭಾಷೆಗಳಲ್ಲಿ ಶಿಕ್ಷಣಕ್ಕೆ ಒತ್ತು ನೀಡಲಾಗಿದೆ.

ಜಂಟಿ ಪ್ರವೇಶ ಪರೀಕ್ಷೆ (ಜೆಇಇ) ಪರೀಕ್ಷೆಯಲ್ಲಿ ಅರ್ಹತಾ ಕೌನ್ಸಿಲಿಂಗ್​ ಅಭ್ಯರ್ಥಿಗಳಿಗೆ ಐಐಟಿ ದಾಖಲಾತಿ ನಡೆಸಲಾಗುವುದು. ಐಐಟಿ ಜೋಧ್​ಪುರ್​ ವಿದ್ಯಾರ್ಥಿಗಳು ಇದೀಗ ತಮ್ಮ ಕಲಿಕೆಗೆ ಸಹಾಯಕವಾಗುವ ಭಾಷೆಯನ್ನು ಆಯ್ಕೆ ಮಾಡಿಕೊಳ್ಳುವ ಅವಕಾಶ ನೀಡಲಾಗಿದೆ.

ಇದನ್ನೂ ಓದಿ: ಬಿಹಾರ: ಹಿಂದಿಯಲ್ಲೂ ಎಂಬಿಬಿಎಸ್​​ ಪದವಿ ನೀಡಲು ನಿರ್ಧಾರ