ಏಪ್ರಿಲ್ 1ರಿಂದ ಜಾರಿಗೆ ಬರುವ ಹೊಸ ತೆರಿಗೆ ನಿಯಮಗಳು ಯಾವುವು? - New Income Tax Rules

New Income Tax Rules are applicable from April 1: ಹೊಸ ಹಣಕಾಸು ವರ್ಷದಲ್ಲಿ ಹೊಸ ತೆರಿಗೆ ನಿಯಮಗಳು ಜಾರಿಗೆ ಬರಲಿವೆ. ವಿಶೇಷವಾಗಿ ಹೊಸ ತೆರಿಗೆ ವ್ಯವಸ್ಥೆ, ತೆರಿಗೆ ಸ್ಲ್ಯಾಬ್‌ಗಳು, ರಿಯಾಯಿತಿಗಳು ಮತ್ತು ಕಡಿತಗಳು ಬದಲಾಗುತ್ತವೆ. ಈ ಕುರಿತು ಸಂಪೂರ್ಣ ವಿವರ ತಿಳಿದುಕೊಳ್ಳಿ.

ಏಪ್ರಿಲ್ 1, 2024ರಿಂದ ಹೊಸ ಆದಾಯ ತೆರಿಗೆ (IT) ನಿಯಮಗಳು ಜಾರಿಗೆ ಬರಲಿವೆ. ತೆರಿಗೆದಾರರಿಗೆ ಈ ಕುರಿತ ಮಾಹಿತಿ ಅವಶ್ಯಕ.

ಹೊಸ ತೆರಿಗೆ ಪದ್ಧತಿ ಡೀಫಾಲ್ಟ್ ಅಳವಡಿಕೆ- ಏನಿದು?:2024-25ನೇ ಹಣಕಾಸು ವರ್ಷದಿಂದ, ಹೊಸ ತೆರಿಗೆ ಪದ್ಧತಿಯನ್ನು ಡೀಫಾಲ್ಟ್ ಆಗಿ ಜಾರಿಗೊಳಿಸಲಾಗುತ್ತದೆ. ಐಟಿಆರ್ ಫೈಲಿಂಗ್ ಸರಳೀಕರಿಸುವುದು ಮತ್ತು ತೆರಿಗೆಯನ್ನು ಸರಿಯಾಗಿ ಪಾವತಿಸಲು ಜನರನ್ನು ಉತ್ತೇಜಿಸುವುದು ಇದರ ಮುಖ್ಯ ಉದ್ದೇಶ. ಹೊಸ ತೆರಿಗೆ ವ್ಯವಸ್ಥೆಯು ನಿಮಗೆ ಪ್ರಯೋಜನಕಾರಿಯಾಗಿಲ್ಲದೇ ಇದ್ದರೆ, ಹಳೆಯ ತೆರಿಗೆ ವ್ಯವಸ್ಥೆಯನ್ನು ಅನುಸರಿಸಲು ನೀವು ಸ್ವತಂತ್ರರು.

ಎಲಿವೇಟೆಡ್ ಮೂಲ ವಿನಾಯಿತಿ ಮಿತಿ, ರಿಯಾಯಿತಿ: ಏಪ್ರಿಲ್ 1, 2023 ರಿಂದ, ಮೂಲ ತೆರಿಗೆ ವಿನಾಯಿತಿ ಮಿತಿಯನ್ನು 2.5 ಲಕ್ಷ ರೂ.ಗಳಿಂದ 3 ಲಕ್ಷ ರೂ.ಗಳಿಗೆ ಹೆಚ್ಚಿಸಲಾಗಿದೆ. ಆದಾಗ್ಯೂ, ಆದಾಯ ತೆರಿಗೆ ಕಾಯ್ದೆ-1961ರ ಸೆಕ್ಷನ್ 87ಎ ಪ್ರಕಾರ, ಈ ತೆರಿಗೆ ವಿನಾಯಿತಿ ಮಿತಿ 5 ಲಕ್ಷದಿಂದ 7 ಲಕ್ಷಕ್ಕೆ ಏರಿಸಲಾಗಿದೆ. ಆದ್ದರಿಂದ ಏಪ್ರಿಲ್ 1ರಿಂದ 7 ಲಕ್ಷ ರೂಪಾಯಿಗಿಂತ ಕಡಿಮೆ ಆದಾಯ ಹೊಂದಿರುವ ಎಲ್ಲರಿಗೂ ಸಂಪೂರ್ಣ ತೆರಿಗೆ ರಿಯಾಯಿತಿ ಸಿಗಲಿದೆ. ಅಂದರೆ ಅವರು ಸರ್ಕಾರಕ್ಕೆ ಯಾವುದೇ ಆದಾಯ ತೆರಿಗೆ ಪಾವತಿಸುವ ಅಗತ್ಯವಿಲ್ಲ.

2024-25ರ ಹೊಸ ತೆರಿಗೆ ಸ್ಲ್ಯಾಬ್‌ಗಳು ಈ ರೀತಿ ಇರುತ್ತವೆ:

• 3 ಲಕ್ಷ ರೂ.ಯಿಂದ 6 ಲಕ್ಷ ರೂ.ದವರೆಗೆ ಆದಾಯ ಹೊಂದಿರುವವರಿಗೆ ಶೇ.5ರಷ್ಟು ತೆರಿಗೆ ವಿಧಿಸಲಾಗುತ್ತದೆ.
• 6 ಲಕ್ಷದಿಂದ 9 ಲಕ್ಷದವರೆಗೆ ಗಳಿಸುವವರ ಮೇಲೆ ಶೇ.10 ತೆರಿಗೆ.
• 9 ಲಕ್ಷದಿಂದ 12 ಲಕ್ಷ ಗಳಿಸುವವರ ಮೇಲೆ ಶೇ.15 ತೆರಿಗೆ.
• 12 ಲಕ್ಷದಿಂದ 15 ಲಕ್ಷದವರೆಗೆ ಗಳಿಸುವವರ ಮೇಲೆ ಶೇ.20 ತೆರಿಗೆ.
• 15 ಲಕ್ಷಕ್ಕಿಂತ ಹೆಚ್ಚಿನ ಆದಾಯವನ್ನು ಗಳಿಸುವವರಿಗೆ 30% ತೆರಿಗೆ ವಿಧಿಸಲಾಗುತ್ತದೆ.

ಮೂಲ ಕಡಿತದ ಮರುಸ್ಥಾಪನೆ:50,000 ರೂ ಸ್ಟ್ಯಾಂಡರ್ಡ್ ಡಿಡಕ್ಷನ್ ಹಳೆಯ ತೆರಿಗೆ ವ್ಯವಸ್ಥೆಯಲ್ಲಿತ್ತು. ಇದನ್ನು ಹೊಸ ತೆರಿಗೆ ವ್ಯವಸ್ಥೆಯಲ್ಲಿ ಸೇರಿಸಲಾಗಿದೆ. ಆದ್ದರಿಂದ ಈ ಮೂಲ ಕಡಿತವನ್ನು ಏಪ್ರಿಲ್ 1, 2024ರಿಂದ ಹೊಸ ತೆರಿಗೆ ವ್ಯವಸ್ಥೆಯಲ್ಲಿ ಮಾಡಲಾಗುತ್ತದೆ. ಇದರಿಂದ ತೆರಿಗೆದಾರರಿಗೆ ಮತ್ತಷ್ಟು ಅನುಕೂಲವಾಗಲಿದೆ.

ಕಡಿಮೆಯಾದ ಸರ್ಚಾರ್ಜ್:5 ಕೋಟಿ ರೂ.ಗಿಂತ ಹೆಚ್ಚು ಆದಾಯ ಹೊಂದಿರುವವರಿಗೆ ಇದುವರೆಗೆ ಶೇ.37 ಹೆಚ್ಚುವರಿ ಶುಲ್ಕವನ್ನು ವಿಧಿಸಲಾಗಿದೆ. ಆದಾಗ್ಯೂ, ಫೆಬ್ರವರಿಯಲ್ಲಿ ಮಂಡಿಸಿದ ಮಧ್ಯಂತರ ಬಜೆಟ್‌ನಲ್ಲಿ ಕೇಂದ್ರ ಹಣಕಾಸು ಸಚಿವ ನಿರ್ಮಲಾ ಸೀತಾರಾಮನ್ ಈ ಹೆಚ್ಚುವರಿ ಶುಲ್ಕವನ್ನು ಶೇ.25ಕ್ಕೆ ಇಳಿಸಿದರು. ಇದೂ ಕೂಡ ಏಪ್ರಿಲ್ 1ರಿಂದ ಜಾರಿಗೆ ಬರಲಿದೆ.

ಜೀವ ವಿಮೆಯ ಮೇಲಿನ ತೆರಿಗೆ:ಏಪ್ರಿಲ್ 1, 2023ರಂದು ಅಥವಾ ನಂತರ ನೀಡಲಾದ ಜೀವ ವಿಮಾ ಪಾಲಿಸಿಗಳಿಗೆ ಸಂಬಂಧಿಸಿದಂತೆ, ಪ್ರೀಮಿಯಂ ಮೊತ್ತವು 5 ಲಕ್ಷವನ್ನು ಮೀರಿದರೆ, ತೆರಿಗೆ ವಿಧಿಸಲಾಗುತ್ತದೆ.

ವರ್ಧಿತ ರಜೆ ಎನ್‌ಕ್ಯಾಶ್‌ಮೆಂಟ್‌ನ ವಿನಾಯಿತಿ:ಸರ್ಕಾರೇತರ ಉದ್ಯೋಗಿಗಳಿಗೆ ರಜೆ ಎನ್‌ಕ್ಯಾಶ್‌ಮೆಂಟ್ ತೆರಿಗೆ ವಿನಾಯಿತಿ ಮಿತಿಯು 2022 ರಿಂದ3 ಲಕ್ಷ ರೂ. ಆಗಿದೆ. ಏಪ್ರಿಲ್ 1ರಿಂದ 25 ಲಕ್ಷ ರೂ.ಗೆ ಏರಿಕೆಯಾಗಲಿದೆ. ಖಾಸಗಿ ವಲಯದ ಉದ್ಯೋಗಿಗಳಿಗೆ ಇದು ತುಂಬಾ ಪ್ರಯೋಜನಕಾರಿ.

ಇದನ್ನೂ ಓದು:642 ಬಿಲಿಯನ್​​ ಡಾಲರ್​ಗೆ ತಲುಪಿದ ಭಾರತದ ವಿದೇಶಿ ವಿನಿಮಯ ಮೀಸಲು - foreign exchange reserves