ಪ್ರತಿ ಜೂನ್ 21ರಂದು ಅಂತಾರಾಷ್ಟ್ರೀಯ ಟೀ-ಶರ್ಟ್ ದಿನವನ್ನು ಆಚರಿಸಲಾಗುತ್ತದೆ. ಈ ದಿನವನ್ನು 2008ರಲ್ಲಿ 'ಸ್ಪ್ರೆಡ್‌ಶರ್ಟ್' ಸಂಸ್ಥೆ ಆರಂಭವಾದಾಗಿನಿಂದ ಆಚರಿಸಲಾಗುತ್ತಿದೆ.
ಟೀ-ಶರ್ಟ್ ಆರಂಭದಲ್ಲಿ ಕೂಪರ್ ಅಂಡರ್‌ವೇರ್ ಕಂಪನಿಯ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿತು. 1904ರಲ್ಲಿ ಈ ಸಂಸ್ಥೆ ಜನಪ್ರಿಯತೆ ಪಡೆಯಿತು. ಟೀ-ಶರ್ಟ್ ಮಾರಾಟ ವಿಸ್ತರಣೆಗೊಂಡು, ಅದೇ ವರ್ಷ ವ್ಯವಹಾರ US$ 180 ಮಿಲಿಯನ್ಗೆ ತಲುಪಿತು. ಬಿಗ್ ಸ್ಕ್ರೀನ್ ವಿಚಾರಕ್ಕೆ ಬಂದರೆ ಮೊದಲ ಬಾರಿಗೆ 1951ರ "ಎ ಸ್ಟ್ರೀಟ್‌ಕಾರ್ ನೇಮ್ಡ್ ಡಿಸೈರ್" ಸಿನಿಮಾದಲ್ಲಿ ನಟ ಮರ್ಲಾನ್ ಬ್ರ್ಯಾಂಡೋ ಟೀ ಶರ್ಟ್ ಧರಿಸಿ ಜನಪ್ರಿಯಗೊಳಿಸಿದರು. ಆಗ ಟೀ ಶರ್ಟ್ ವ್ಯವಹಾರ ಮತ್ತಷ್ಟು ಉತ್ತಮಗೊಂಡಿತು.
ಟೀ-ಶರ್ಟ್ನ ಮೂಲ: ನಮಗೆ ತಿಳಿದಿರುವಂತೆ ಇಂದು ಟೀ-ಶರ್ಟ್ ಒಂದು ಪ್ರಮುಖ ಉಡುಪು. ಟಿ-ಶರ್ಟ್ನ ಮೂಲವನ್ನು 19ನೇ ಶತಮಾನದ ಉತ್ತರಾರ್ಧದಲ್ಲಿ ಕಂಡುಕೊಳ್ಳಬಹುದು. ಕಾರ್ಮಿಕರು ಬೇಸಿಗೆ ಸಂದರ್ಭ ತಮ್ಮನ್ನು ತಂಪಾಗಿರಿಸಲು ತಮ್ಮ ಜಂಪ್‌ಸೂಟ್‌ಗಳನ್ನು ಅರ್ಧದಷ್ಟು ಕತ್ತರಿಸುತ್ತಾರೆ. 1898ರ ಸ್ಪ್ಯಾನಿಷ್-ಅಮೆರಿಕನ್ ಯುದ್ಧದ ಸಂದರ್ಭ ಟೀ ಶರ್ಟ್ ಅನ್ನು ಕಂಡುಹಿಡಿಯಲಾಯಿತು. 1913ರಲ್ಲಿ ಯುಎಸ್ ನೌಕಾಪಡೆಯು ಅವುಗಳನ್ನು ಪ್ರಮಾಣಿತ ಒಳ ಅಂಗಿಗಳಾಗಿ ವಿತರಿಸಲು ಪ್ರಾರಂಭಿಸಿತು.
ಅದಾಗ್ಯೂ, "ಟೀ-ಶರ್ಟ್" ಎಂಬ ಪದವನ್ನು ಇಂಗ್ಲಿಷ್ ನಿಘಂಟಿನಲ್ಲಿ ಸೇರಿಸಲು 1920ರವರೆಗೆ ಸಮಯ ಹಿಡಿಯಿತು. ಎಫ್ ಸ್ಕಾಟ್ ಫಿಟ್ಜ್‌ಗೆರಾಲ್ಡ್ ತಮ್ಮ 'ದಿಸ್ ಸೈಡ್ ಆಫ್ ಪ್ಯಾರಡೈಸ್‌' ಕಾದಂಬರಿಯಲ್ಲಿ ಈ ಟೀ ಶರ್ಟ್ ಎಂಬ ಪದವನ್ನು ಬಳಸಿದರು. ಇವರು ಟೀ ಶರ್ಟ್ ಹೆಸರನ್ನು ಪ್ರಕಟಿಸಿದ ಮೊದಲ ವ್ಯಕ್ತಿಯಾಗಿ ಗುರುತಿಸಿಕೊಂಡಿದ್ದಾರೆ.
ಟೀ-ಶರ್ಟ್‌ಗಳು ಜನಪ್ರಿಯವಾಗಲು ಕಾರಣಗಳೇನು?
- ಕಂಫರ್ಟ್ ಮುಖ್ಯ: ಟೀ-ಶರ್ಟ್ ಕಂಫರ್ಟೆಬಲ್ ಉಡುಪು. ಹತ್ತಿಯಿಂದ ಮಾಡಿದ, ಮೃದುವಾದ ಈ ಉಡುಗೆ ಧರಿಸುವುದು ಸುಲಭ ಮತ್ತು ಸರಳತೆಯ ಅನುಭವ ಕೊಡುತ್ತದೆ.
- ಕೈಗೆಟುಕುವ ಬೆಲೆ: ಟೀ ಶರ್ಟ್‌ಗಳ ಜನಪ್ರಿಯತೆ ಹೆಚ್ಚಿಸಿದ ಪ್ರಮುಖ ಅಂಶವೆಂದರೆ ಅವುಗಳ ಬೆಲೆ. ಟೀ-ಶರ್ಟ್‌ಗಳ ಉತ್ಪಾದನೆ ಅಗ್ಗವಾಗಿದ್ದು, ಎಲ್ಲ ವರ್ಗದ ಜನರು ಖರೀದಿಸಬಹುದಾಗಿದೆ. ಹಾಗಾಗಿ ಪ್ರಪಂಚದಾದ್ಯಂತದ ವಾರ್ಡ್‌ರೋಬ್‌ಗಳಲ್ಲಿ ಟೀ-ಶರ್ಟ್‌ಗಳು ಪ್ರಧಾನವಾಗಿ ಜಾಗ ಗಿಟ್ಟಿಸಿಕೊಂಡಿದೆ.
- ಹೊಂದಿಕೊಳ್ಳುವಿಕೆ: ಟೀ-ಶರ್ಟ್ ವಿವಿಧ ಸ್ಥಳ, ಸಮಾರಂಭಗಳಿಗೆ ಧರಿಸಬಹುದಾದ ಉಡುಗೆಯಾಗಿದೆ. ಎಂಥದ್ದೇ ಸನ್ನಿವೇಶಕ್ಕೂ ಮ್ಯಾಚ್ ಆಗುತ್ತದೆ. ಜೀನ್ಸ್‌ನೊಂದಿಗೆ ಟೀ-ಶರ್ಟ್ನ ಕ್ಯಾಶುವಲ್ ಲುಕ್, ಬ್ಲೇಜರ್‌ನೊಂದಿಗೆ ಸ್ಟೈಲಿಶ್ ಲುಕ್, ಮನೆಯಲ್ಲಿ ಆರಾಮದಾಯಕ ಉಡುಗೆ ಹೀಗೆ ವಿಭಿನ್ನ ಸಮಯಗಳಿಗೆ ಸಲೀಸಾಗಿ ಹೊಂದಿಕೊಳ್ಳುತ್ತದೆ.
ಹೀಗೆ ಟೀ-ಶರ್ಟ್‌ಗಳ ಜನಪ್ರಿಯತೆಯು ಅದರ ಕೈಗೆಟುಕುವ ಬೆಲೆ, ಬಹುಮುಖತೆ ಮತ್ತು ಬದಲಾಗುತ್ತಿರುವ ಫ್ಯಾಷನ್‌ನೊಂದಿಗೆ ಹೊಂದಿಕೊಳ್ಳುವುದು ಒಳಗೊಂಡಂತೆ ವಿವಿಧ ಅಂಶಗಳೊಂದಿಗೆ ಆಗಿದೆ ಎನ್ನಬಹುದು.
ಅಂತಾರಾಷ್ಟ್ರೀಯ ಟೀ-ಶರ್ಟ್ ದಿನದ ಕೆಲ ಸಂಗತಿಗಳು:
- ಟೀ-ಶರ್ಟ್ ಮೊದಲು 1904ರಲ್ಲಿ ಜನಪ್ರಿಯವಾಯಿತು.
- ಇದು ಕೂಪರ್ ಅಂಡರ್‌ವೇರ್ ಕಂಪನಿಯ ಮ್ಯಾಗಜೀನ್ ಜಾಹೀರಾತಿನಲ್ಲಿ ಮೊದಲು ಕಾಣಿಸಿಕೊಂಡಿತು.
- ಈ ಜಾಹೀರಾತು ಇಬ್ಬರು ವ್ಯಕ್ತಿಗಳ ಪ್ರತ್ಯೇಕ ಫೋಟೋಗಳನ್ನೊಳಗೊಂಡಿತ್ತು. ಮೊದಲನೆಯ ಚಿತ್ರದ ವ್ಯಕ್ತಿ ಅನ್ ಕಂಫರ್ಟೆಬಲ್ ಆಗಿ ಕಾಣಿಸಿಕೊಂಡಿದ್ದು. ಎರಡನೆಯವನು ಆಧುನಿಕ ಟೀ ಶರ್ಟ್ ಧರಿಸಿ ಕಂಫರ್ಟೆಬಲ್ ಆಗಿ ಕಾಣಿಸಿಕೊಂಡಿದ್ದ.
- ಕೂಪರ್ ಅಂಡರ್‌ವೇರ್ ಕಂಪನಿಯು 'ದಿ ಬ್ಯಾಚುಲರ್ ಶರ್ಟ್' ಅನ್ನು ಮುನ್ನಲೆಗೆ ತಂದಿತು. 'ನೋ ಸೇಫ್ಟಿ ಪಿನ್ಸ್-ನೋ ನೀಡಲ್-ನೋ ಥ್ರೆಡ್-ನೋ ಬಟನ್ಸ್' ಎಂಬ ಘೋಷಣೆಯೊಂದಿಗೆ ಜಾಹೀರಾತು ನೀಡಿತ್ತು.
- ಈ ಕಾನ್ಸೆಪ್ಟ್ ತ್ವರಿತವಾಗಿ ಎಲ್ಲರನ್ನೂ ಸೆಳೆಯಿತು. ಕೆಲ ಸಮಯದ ನಂತರ ಅಮೆರಿಕ ನೌಕಾಪಡೆಯು ತಮ್ಮ ನಾವಿಕರಿಗೆ ಬಟನ್‌ಗಳಿಲ್ಲದ ಒಳಶರ್ಟ್‌ಗಳನ್ನು ವಿತರಿಸಲು ಪ್ರಾರಂಭಿಸಿತು.
- 19ನೇ ಶತಮಾನದಲ್ಲಿ ಕ್ರ್ಯೂ ನೆಕ್ ಶೈಲಿ ಹುಟ್ಟಿಕೊಂಡಿತು.
- ಜಾಹೀರಾತಿನ ಮೂಲಕ ಕ್ರ್ಯೂ ನೆಕ್ ಶೈಲಿ ಜನರ ಚರ್ಚೆಯ ವಿಷಯವಾಯಿತು.
- ನಂತರದ ವರ್ಷಗಳಲ್ಲಿ, ಈ ಶೈಲಿಯು ಸಾಕಷ್ಟು ಜನಪ್ರಿಯತೆ ಗಳಿಸಿತು. ಮೊದಲ ಬಾರಿಗೆ ಎಫ್ ಸ್ಕಾಟ್ ಫಿಟ್ಜ್‌ಗೆರಾಲ್ಡ್ ತಮ್ಮ 'ದಿಸ್ ಸೈಡ್ ಆಫ್ ಪ್ಯಾರಡೈಸ್‌'ನಲ್ಲಿ ಟೀ-ಶರ್ಟ್ ಪದ ಬಳಸಿದರು.
- 1951ರಲ್ಲಿ ನಟ ಮರ್ಲಾನ್ ಬ್ರ್ಯಾಂಡೋ 'ಎ ಸ್ಟ್ರೀಟ್‌ಕಾರ್ ನೇಮ್ಡ್ ಡಿಸೈರ್' ಚಿತ್ರದಲ್ಲಿ ಟೀ-ಶರ್ಟ್ ಧರಿಸುವ ಮೂಲಕ, ಹಿರಿತೆರೆಯಲ್ಲಿ ಮೊದಲ ಬಾರಿಗೆ ಟೀ-ಶರ್ಟ್ ಕಾಣಿಸಿಕೊಂಡಿತು.
- 1950ರ ದಶಕದಲ್ಲಿ ಪ್ರಿಂಟೆಡ್ ಟಿ-ಶರ್ಟ್‌ಗಳು ಪ್ರಾರಂಭವಾದವು.
- ಡಿಸ್ನಿಯು ಮಿಕ್ಕಿ ಮೌಸ್ ಮತ್ತು ಇತರ ಡಿಸ್ನಿ ಪಾತ್ರಗಳ ಚಿತ್ರಗಳನ್ನು ಟೀ-ಶರ್ಟ್‌ಗಳ ಮೇಲೆ ಮುದ್ರಿಸಲು ಪ್ರಾರಂಭಿಸಿತು.
- 1960ರ ದಶಕದಲ್ಲಿ ಟೀ-ಶರ್ಟ್ ಹೆಚ್ಚು ಬಳಕೆಗೆ ಬಂತು. ಜನರು ತಮ್ಮ ಮೆಚ್ಚಿನ ರಾಕ್ ಬ್ಯಾಂಡ್‌ಗಳನ್ನು ಪ್ರದರ್ಶಿಸಲು ಇದು ವೇದಿಕೆಯಾಯಿತು.
- ಆಲ್ಬಮ್ ಕವರ್‌ಗಳು ಟೀ-ಶರ್ಟ್‌ಗಳ ಮೇಲೆ ಮುದ್ರಿತವಾಯಿತು. ರಾಜಕೀಯ ಚಿತ್ರಗಳನ್ನು ಹಂಚಿಕೊಳ್ಳಲು ಸಹ ಇದು ದಾರಿಯಾಯಿತು.
- ನಂತರದ ದಿನಗಳಲ್ಲಿ ಟೀ ಶರ್ಟ್ ಹೆಚ್ಚು ವರ್ಣರಂಜಿತವಾಯಿತು.
ಇದನ್ನೂ ಓದಿ:ಸುಂದರವಾಗಿ ಕಾಣಬೇಕಾ?, ಹಾಗಾದರೆ ರಾಗಿ ಸಂಗಟಿ ಕುಡಿಯಿರಿ, ನಿರೋಗಿಯಾಗಿ; ರಾಗಿಯಲ್ಲಿ ಏನೆಲ್ಲಾ ಔಷಧ ಗುಣಗಳಿವೆ ಗೊತ್ತಾ? - HEALTH BENEFITS OF EAT RAGI FOODS
ಕಾರ್ಮಿಕ ವೆಚ್ಚ, ಕಚ್ಛಾ ವಸ್ತಗಳ ವೆಚ್ಚ, ಮೂಲಸೌಕರ್ಯ ಮತ್ತು ನಿಯಮಗಳು ಸೇರಿದಂತೆ ವಿವಿಧ ಅಂಶಗಳು ಟೀ-ಶರ್ಟ್ ಉತ್ಪಾದನೆಯಲ್ಲಿ ಪ್ರಮುಖ ಪಾತ್ರ ವಹಿಸಿದೆ. ಭಾರತ, ಚೀನಾ, ಪಾಕಿಸ್ತಾನ, ಬಾಂಗ್ಲಾದೇಶ, ವಿಯೆಟ್ನಾಂ ಮತ್ತು ಕಾಂಬೋಡಿಯಾದಂತಹ ಏಷ್ಯಾದ ದೇಶಗಳು ಟೀ-ಶರ್ಟ್ ತಯಾರಿಕೆಗೆ ಜನಪ್ರಿಯ ಆಯ್ಕೆಗಳಾಗಿವೆ.
