ಹೈದರಾಬಾದ್; ಇ-ಕಾಮರ್ಸ್ ಕ್ಷೇತ್ರವು ದಿನದಿಂದ ದಿನಕ್ಕೆ ಭಾರಿ ಬೆಳವಣಿಗೆ ಕಾಣುತ್ತಾ ಸಾಗುತ್ತಿದೆ. ಜೊತೆಗೆ ಗ್ರಾಹಕರಿಗೆ ಹೊಸ ಸಾವಾಲುಗಳು ಕೂಡಾ ಎದುರಾಗುತ್ತಲೇ ಇವೆ. ಇ-ಕಾಮರ್ಸ್ ಉದ್ಯಮಕ್ಕೆ ಈಗಿಗ ನಂಬಿಕೆ ಬಹು ಪ್ರಮುಖವಾಗಿದೆ. ನಂಬಿಕೆ ಇಲ್ಲದಿದ್ದರೆ ಯಾವುದೇ ಸಂಸ್ಥೆ ಈ ಕ್ಷೇತ್ರದಲ್ಲಿ ಸಾಧನೆ ಮಾಡಲು ಸಾಧ್ಯವಿಲ್ಲ. ಅದಕ್ಕಾಗಿಯೇ ಈ ಇ-ಕಾಮರ್ಸ್ ಕಂಪನಿಗಳು ಗ್ರಾಹಕರ ನಂಬಿಕೆಯನ್ನು ಗಳಿಸಲು ಏನು ಬೇಕಾದರೂ ಮಾಡುತ್ತವೆ.
ಈ ವಿಧಾನವು ಅನೇಕ ಜನರನ್ನು ಇ-ಕಾಮರ್ಸ್ ಮತ್ತು ಖರೀದಿಗಳನ್ನು ಮಾಡುತ್ತಿದೆ. ಬೆಲೆ ಹೋಲಿಕೆ, ರಿಯಾಯಿತಿಗಳು ಮತ್ತು ಕೊಡುಗೆಗಳು ಗ್ರಾಹಕರ ಮುಂದೆ ಇವೆ. ಆದರೆ, ಇಂತಹ ಸಮಯದಲ್ಲಿ ಎಚ್ಚರ ತಪ್ಪಿದರೂ ಅಪಾಯವಾಗುವ ಸಂಭವವಿರುತ್ತದೆ. ಆದ್ದರಿಂದ ಗ್ರಾಹಕರು ಆನ್‌ಲೈನ್ ವಂಚನೆಗೆ ಬಲಿಯಾಗದೇ ಈ ಸಲಹೆಗಳನ್ನು ಅನುಸರಿಸುವ ಮೂಲಕ ಖೂಷಿಯಿಂದ ಶಾಪಿಂಗ್ ಮಾಡಬಹುದು.
ವಿಶ್ವಾಸಾರ್ಹ ವೆಬ್‌ಸೈಟ್‌ಗಳಿಂದ ಶಾಪಿಂಗ್:ಅನೇಕ ವೆಬ್‌ಸೈಟ್‌ಗಳಲ್ಲಿ ವಿಶೇಷ ಕೊಡುಗೆಗಳು ಮತ್ತು ರಿಯಾಯಿತಿಗಳು ನಮ್ಮನ್ನು ಹೆಚ್ಚು ಆಕರ್ಷಿಸುತ್ತವೆ. ಆದರೆ, ಯಾವಾಗಲೂ ವಿಶ್ವಾಸಾರ್ಹ ವೆಬ್‌ಸೈಟ್‌ಗಳಿಂದ ಮಾತ್ರ ಖರೀದಿ ಮಾಡಬೇಕು. ಬೆಲೆಗಳು ಕಡಿಮೆಯಿದ್ದರೆ ನಿಮಗೆ ಗೊತ್ತಿಲ್ಲದ ವೆಬ್‌ಸೈಟ್‌ಗಳಿಗೆ ಹೋಗಿ ಖರೀದಿ ಮಾಡಬೇಡಿ.
ಏಕೆಂದರೆ ವಂಚಕರು ಹೊಂಚು ಹಾಕಿ ಕಾದು ಕುಳಿತಿರುತ್ತಾರೆ. ಸಣ್ಣ ಸುಳಿವು ಸಿಕ್ಕರೂ ನಮ್ಮ ಮಾಹಿತಿಗಳನ್ನೆಲ್ಲ ಕದಿಯುತ್ತಾರೆ. ಪ್ಯಾಡ್‌ಲಾಕ್ ಚಿಹ್ನೆಯೊಂದಿಗೆ ವೆಬ್‌ಸೈಟ್‌ಗಳಲ್ಲಿ ಮಾತ್ರ ಹುಡುಕಿ. ಅಂತಹ ವೆಬ್‌ಸೈಟ್‌ಗಳು ನಿಮ್ಮ ಮಾಹಿತಿಯನ್ನು ಗೌಪ್ಯವಾಗಿಡುತ್ತವೆ. ನಿಮ್ಮ ಪಾಲ್ಗೊಳ್ಳುವಿಕೆ ಇಲ್ಲದೇ ಪಾಪ್ ಅಪ್ ಆಗುವ ಕೆಲವು ವೆಬ್‌ಸೈಟ್‌ಗಳು ಸುರಕ್ಷಿತವಾಗಿಲ್ಲ ಎಂಬುದನ್ನು ನೆನಪಿನಲ್ಲಿಡಬೇಕಾಗುತ್ತದೆ.
ಸ್ಟ್ರಾಂಗ್ ಪಾಸ್‌ವರ್ಡ್ ಇರಬೇಕು: ಕೆಲವರು ಸುಲಭವಾಗಿ ನೆನಪಿಟ್ಟುಕೊಳ್ಳಲು ಸರಳವಾದ ಪಾಸ್‌ವರ್ಡ್ ಅನ್ನು ಬಳಸುತ್ತಾರೆ. ಅದರ ಹೊರತಾಗಿ, ದೊಡ್ಡ ಮತ್ತು ಸಣ್ಣ ಅಕ್ಷರಗಳು, ಸಂಖ್ಯೆಗಳು ಮತ್ತು ಚಿಹ್ನೆಗಳೊಂದಿಗೆ ಆನ್‌ಲೈನ್ ಶಾಪಿಂಗ್ ಖಾತೆಗಾಗಿ ಸ್ಟ್ರಾಂಗ್ ಪಾಸ್‌ವರ್ಡ್ ಅನ್ನು ರಚಿಸಿ. ನಿಮ್ಮ ಪಾಸ್‌ವರ್ಡ್ ಜನ್ಮದಿನಗಳು ಅಥವಾ ಪೋಷಕರ ಹೆಸರುಗಳಂತಹ ವೈಯಕ್ತಿಕ ಮಾಹಿತಿಯನ್ನು ಬಳಸಬಾರದು. ಎರಡು ಅಂಶಗಳ ದೃಢೀಕರಣ ವಿಧಾನವನ್ನು ಬಳಸುವುದು ಉತ್ತಮ. ಇದು ನಿಮ್ಮ ಪಾಸ್‌ವರ್ಡ್‌ನೊಂದಿಗೆ ನಿಮ್ಮ ಫೋನ್‌ನಿಂದ ಕೋಡ್ ಅನ್ನು ನಮೂದಿಸುವ ಮೂಲಕ ನಿಮ್ಮ ಆನ್‌ಲೈನ್ ಖಾತೆಗಳಿಗೆ ಹೆಚ್ಚುವರಿ ಭದ್ರತೆಯನ್ನು ಒದಗಿಸುತ್ತದೆ.
ಡೆಬಿಟ್ ಕಾರ್ಡ್‌ಗಳನ್ನು ಬಳಸುವುದನ್ನು ತಪ್ಪಿಸಿ: ಸಾಧ್ಯವಾದಾಗ, ಆನ್‌ಲೈನ್ ಖರೀದಿಗಳಿಗಾಗಿ ಕ್ರೆಡಿಟ್ ಕಾರ್ಡ್ ಬಳಸಿ. ಏಕೆಂದರೆ, ಡೆಬಿಟ್ ಕಾರ್ಡ್‌ಗಳಿಗೆ ಹೋಲಿಸಿದರೆ ಹೆಚ್ಚಿನ ಕ್ರೆಡಿಟ್ ಕಾರ್ಡ್‌ಗಳು ಉತ್ತಮ ಭದ್ರತೆಯನ್ನು ನೀಡುತ್ತವೆ. ಡೆಬಿಟ್ ಕಾರ್ಡ್‌ಗಳನ್ನು ನಿಮ್ಮ ಬ್ಯಾಂಕ್ ಖಾತೆಗೆ ಲಿಂಕ್ ಮಾಡಲಾಗಿದೆ. ಹಾಗಾಗಿ ಸೈಬರ್ ಅಪರಾಧಿಗಳು ನಿಮ್ಮ ಖಾತೆಯ ವಿವರಗಳನ್ನು ತಿಳಿದುಕೊಳ್ಳುವ ಅಪಾಯ ಹೆಚ್ಚಿರುತ್ತದೆ.
ಅನುಮಾನಾಸ್ಪದ ಲಿಂಕ್‌ಗಳನ್ನು ಕ್ಲಿಕ್ ಮಾಡಬೇಡಿ:ಯಾವುದೇ ಅನುಮಾನಾಸ್ಪದ ಲಿಂಕ್ ಅನ್ನು ಕ್ಲಿಕ್ ಮಾಡಬೇಡಿ. ನೀವು ಸ್ವೀಕರಿಸಿದ ಲಿಂಕ್ ಸರಿಯಾಗಿದೆಯೇ? ಇಲ್ಲದಿದ್ದರೆ ಎರಡು ಬಾರಿ ಪರಿಶೀಲಿಸಿ. ದೊಡ್ಡ ರಿಯಾಯಿತಿಗಳನ್ನು ಜಾಹೀರಾತು ನೀಡುವ ಸೈಟ್‌ಗಳ ಬಗ್ಗೆ ಹೆಚ್ಚು ಗಮನವಿರಲಿ. ಅವರು ನಿಜವಾಗಿಯೂ ರಿಯಾಯಿತಿಗಳು ಮತ್ತು ಕೊಡುಗೆಗಳನ್ನು ಜಾಹೀರಾತು ಮಾಡುತ್ತಿದ್ದಾರೆಯೇ ಎಂದು ಕಂಡುಹಿಡಿಯಿರಿ. ಏಕೆಂದರೆ, ಜನರನ್ನು ಆಮಿಷವೊಡ್ಡಲು ಸ್ಕ್ಯಾಮರ್‌ಗಳು ಸಾಮಾನ್ಯವಾಗಿ ನಕಲಿ ಲಿಂಕ್‌ಗಳನ್ನು ಬಳಸುತ್ತಾರೆ. ನೀವು ಆರ್ಡರ್ ಮಾಡಿದ ಉತ್ಪನ್ನವನ್ನು ಪಡೆಯಲು ಮುಂಚಿತವಾಗಿ ಪಾವತಿಸಬೇಕಾದ ಒಪ್ಪಂದದ ಬಗ್ಗೆ ವಿಶೇಷವಾಗಿ ಜಾಗರೂಕರಾಗಿರಿ.
ನಿಮ್ಮ ಬ್ಯಾಂಕ್, ಕ್ರೆಡಿಟ್ ಕಾರ್ಡ್ ಸ್ಟೇಟ್ಮೆಂಟ್ ಪರಿಶೀಲಿಸಿ:ಯಾವುದೇ ಅನಧಿಕೃತ ಶುಲ್ಕಗಳಿಗಾಗಿ ನಿಮ್ಮ ಬ್ಯಾಂಕ್ ಸ್ಟೇಟ್‌ಮೆಂಟ್‌ಗಳು ಮತ್ತು ಕ್ರೆಡಿಟ್ ಕಾರ್ಡ್ ವಹಿವಾಟುಗಳನ್ನು ನಿಯಮಿತವಾಗಿ ಪರಿಶೀಲಿಸಿ. ನೀವು ಯಾವುದೇ ಅನುಮಾನಾಸ್ಪದ ವಹಿವಾಟನ್ನು ಕಂಡರೆ ತಕ್ಷಣವೇ ನಿಮ್ಮ ಬ್ಯಾಂಕ್ ಅಥವಾ ಡೆಬಿಟ್/ಕ್ರೆಡಿಟ್ ಕಾರ್ಡ್ ಕಂಪನಿಗೆ ತಿಳಿಸಿ.
ಇದನ್ನೂ ಓದಿ:ತಿಂಗಳಿಗೆ ಜಸ್ಟ್ 9,500 ರೂ ಹೂಡಿಕೆ ಮಾಡಿ: 4.6 ಕೋಟಿ ಲಾಭ ಗಳಿಸಿ; ಹಣಗಳಿಕೆಗೆ ಇಲ್ಲಿವೆ ಕೆಲ ಟಿಪ್ಸ್! - smart sip tips invest
